Gulf

പ്രവാസി കൂട്ടായ്മകളുടെ നേതൃത്വത്തില്‍ ഇഫ്താര്‍ കുടുംബ സംഗമങ്ങള്‍

മതസൗഹാര്‍ദ്ദത്തിന്റെ സന്ദേശമുയയര്‍ത്തിയാണ് പ്രവാസികളുടെ കൂട്ടായ്മകള്‍ ഇഫ്താര്‍ സംഗമം ഒരുക്കുന്നത്

ജിദ്ദ:  മാനവരാശിയുടെ സാഹോദര്യത്തിന്റെ മഹത്വം വിളിച്ചോതി പ്രവാസി കൂട്ടായ്മകളുടെ നേതൃത്വത്തില്‍ ഇഫ്താര്‍ സംഗമങ്ങള്‍ നടക്കുന്നു. സൗദി അറേബ്യയിലെ വിവിധ പ്രവാസി കൂട്ടായ്മകളാണ് കുടുംബ സംഗമത്തിനു അവസരമൊരുക്കുന്നത്.

മതങ്ങളിലൂടെ മനുഷ്യ മനസ്സുകളെ ഒരുമിപ്പിക്കാനുള്ള നീക്കമാണ് ഈ സംഗമങ്ങള്‍. വിവിധ മതവിഭാഗങ്ങളെ വിദ്വേഷത്തിന്റെ വിഷം പടര്‍ത്തി അകറ്റിനിര്‍ത്താന്‍ ശ്രമിക്കുന്ന കാലഘട്ടത്തിലാണ് സ്‌നേഹവിരുന്നുമായി പ്രവാസി സംഗമങ്ങള്‍ അരങ്ങേറുന്നത്.

ഇതര മതവിഭാഗങ്ങളുടെ ആചാരങ്ങളെ അടുത്തറിയാനും അവരുമായി സാഹോദര്യത്തിന്റെ ഇഴയടുപ്പും ഊട്ടിയുറപ്പിക്കാനുമുള്ള അവസരമാണ് ഇതുവഴി ഒരുക്കുന്നത്. മനസ്സു തുറന്നുള്ള ഒത്തുചേരലുകള്‍ പരസ്പരം അറിയാനും സ്‌നേഹാദരങ്ങള്‍ പങ്കിടാനുമുള്ള വേദിയാകും.

ഉപവാസവും നോമ്പുതുറയും സഹനത്തിന്റേയും സഹജീവനത്തിന്റേയും പ്രതീകങ്ങളാണ്. റമദാന്റെ സന്ദേശം മാനവരാശിയിലേക്ക് പകരുന്ന പ്രതീകാത്മകത ഈ ഇഫ്താര്‍ സ്‌നേഹവിരുന്നുകളിലുണ്ട്.

പ്രവാസി സംസ്‌കാരിക വേദിയുള്‍പ്പടെ സംസ്‌കാരിക സംഘടനകളും സ്‌നേഹവിരുന്നിന്റെ ഭാഗമാണ്. കോവിഡ് കാലത്തെ നിയന്ത്രണങ്ങളില്‍ ഇളവു വന്ന ശേഷം രണ്ട് വര്‍ഷത്തെ ഇടവേളയിലാണ് വീണ്ടും സ്‌നേഹവിരുന്നകള്‍ സംഘടിപ്പിക്കുന്നതെന്ന പ്രത്യേകതയുണ്ട്.

രണ്ട് വര്‍ഷക്കാലം സാമൂഹിക ഒത്തുചേരലുകള്‍ ഇല്ലാതെ അവരവരുടെ താമസയിടങ്ങളില്‍ കഴിഞ്ഞതിനു ശേഷം വന്ന സ്‌നേഹ സംഗമമാണ് ഇപ്പോള്‍ നടക്കുന്നതെന്നതും ഈ സൗഹൃദ സംഗമങ്ങളെ സവിശേഷമാക്കുന്നു.

മഹാമാരി തീര്‍ത്ത അകലം ഇഫ്താറിലൂടെ ഇല്ലാതാകുന്ന കാഴ്ചയും കാണാനാകും. സ്‌നേഹ വിരുന്നില്‍ പങ്കെടുക്കാനെത്തിയവരുടെ മുഖത്ത് ഒത്തുചേരലിലൂടെ ലഭിച്ച ആത്മവിശ്വാസവും ആഹ്‌ളാദവും പ്രകടമാണ്.

വിഷു ദിനത്തിലേയും ഈസ്റ്റര്‍ ദിനത്തിലെയും സായ്ഹാന്നങ്ങളില്‍ സംഘടിപ്പിച്ച ഇഫ്താര്‍ വിരുന്നുകള്‍ ശ്രദ്ധേയമായിരുന്നു. പ്രവാസി കുടുംബാംഗങ്ങള്‍ അവരവരുടെ വീടുകളില്‍ സ്വയം തയ്യാറാക്കി കൊണ്ടുവന്ന വിഭവങ്ങള്‍ പങ്കുവെച്ചുള്ള ഇഫ്താര്‍ വിരുന്നുകളും പതിവിലേറെ സ്‌നേഹം വിളമ്പുന്നതായിരുന്നു.

The Gulf Indians

Recent Posts

ചരക്കുവാഹന നിയന്ത്രണം : എമിറേറ്റ്സ് റോഡിലെ അപകടങ്ങൾ ഗണ്യമായി കുറഞ്ഞു

ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…

1 week ago

ആഡംബരത്തിന് പുതിയ മാതൃകയാകാൻ റാസൽഖൈമ വിമാനത്താവളം

റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…

1 week ago

ഒമാൻ ദേശീയദിനം: ഇന്ത്യൻ എംബസി ഇന്ന് അവധി

മസ്‌കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്‌കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…

1 week ago

ദേശീയദിനത്തോടനുബന്ധിച്ച് ഒമാൻ എയർ ഗ്ലോബൽ സെയിൽ പ്രഖ്യാപിച്ചു: ടിക്കറ്റ് നിരക്കിൽ 20% വരെ കിഴിവ്

മസ്‌കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…

1 week ago

യുഎഇയിൽ കനത്ത മൂടൽമഞ്ഞ്: ഷാർജ വിമാനത്താവളത്തിൽ സർവീസുകൾ താളം തെറ്റി; യാത്രക്കാരോട് ജാഗ്രത നിർദേശം

ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…

1 week ago

ഒമാനി റിയാലിന്റെ ഔദ്യോഗിക ചിഹ്നം പുറത്തിറക്കി:ആഗോള സാമ്പത്തിക വേദിയിൽ കൂടുതൽ ശക്തമായി ഒമാൻ

മസ്‌കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…

1 week ago

This website uses cookies.