ദുബായ് : പെർഫ്യൂം വിൽപനയിൽ വൻ കുതിപ്പു നേടി യുഎഇ . അടുത്ത നാലു വർഷത്തിനുള്ളിൽ അത്തർ, ഊദ് വിൽപന 116 കോടി ഡോളറിലെത്തുമെന്നാണ് പ്രതീക്ഷ. പ്രതിവർഷം 11.88 % വർധനയാണ് സുഗന്ധദ്രവ്യ വിൽപനയിൽ ഉണ്ടാകുന്നത്. റിസേർച്ച്സ് ആൻഡ് മാർക്കറ്റ്സ് കമ്പനിയുടെ റിപ്പോർട്ട് പ്രകാരം 2032ൽ പെർഫ്യൂം വിൽപന 1900 കോടി ഡോളറിലെത്തുമെന്നു പ്രതീക്ഷിക്കുന്നു.
സുഗന്ധങ്ങളോട് യുഎഇ ജനതയുടെ ഇഷ്ടം സംസ്കാരത്തിന്റെ ഭാഗം കൂടിയാണ്. അറബ് സംസ്കാരത്തിൽ സുഗന്ധ ദ്രവ്യ സ്ഥാനം വലുതാണ്. ഗൾഫിലേക്കു കുടിയേറിയ വിദേശികളും ഈ സംസ്കാരത്തെ അവരുടെ ജീവിതത്തിന്റെ ഭാഗമാക്കി. ഇതോടെ മുൻപെങ്ങുമില്ലാത്ത വിധം പെർഫ്യൂം വിൽപന കുതിക്കുന്നു.
വില കൂടിയ അത്തറുകളുടെ പരിമളം വ്യക്തിത്വത്തിന്റെയും ആഡംബരത്തിന്റെയും അടയാളമാവുന്നു. അറബ് കഥകളിലും കവിതകളിലുമെല്ലാം നിറഞ്ഞു നിൽക്കുന്നത് ഇവിടത്തെ സുഗന്ധമാണ്. അത്തറുകൾ നിർമിക്കുന്നത് കണ്ടറിയണമെങ്കിൽ ഷിൻഡക മ്യൂസിയത്തിലെ ബെയ്ത്തൂർ അത്തൂറിൽ പോയാൽ മതി. അത്തറിനുള്ള അസംസ്കൃത വസ്തുക്കൾ പ്രധാനമായും ഇന്ത്യയിൽ നിന്നായിരുന്നു ഗൾഫ് രാജ്യങ്ങളിലേക്ക് എത്തിയിരുന്നത്. ഒരു കുടിൽ വ്യവസായമായി അത്തറുകൾ രൂപപ്പെടുത്താൻ സ്വദേശി വനിതകളുമുണ്ടായിരുന്നു.അത്തർ വിൽപന കൗണ്ടർ ഇല്ലാത്ത ഒരാഘോഷവും യുഎഇയിൽ ഇല്ല. അത്തർ ഉൽപാദന ഫാക്ടറികളുടെ എണ്ണവും വർധിച്ചു. സൗദി കഴിഞ്ഞാൽ അത്തർ ഉത്പാദനത്തിലും ഉപയോഗത്തിലും യുഎഇയാണ് ഗൾഫ് രാജ്യങ്ങളിൽ രണ്ടാമത്. അത്തർ വിൽപനയിൽ ഷാർജയിൽ 14 ശതമാനവും ദുബായിൽ 60 ശതമാനവും വളർച്ചയുണ്ട്. അറബ് സമൂഹത്തിന്റെ ഇഷ്ട ഇനമായ ഊദിന്റെ വിൽപനയിലും വർധന. വിപണികളിൽ വിലകൂടിയ ഊദിന് ആവശ്യക്കാരേറെയുണ്ട്. 8 മുതൽ 12 ലക്ഷം ദിർഹം വരെ വിലയുള്ള ഊദുകൾ സ്വന്തമാക്കുന്ന സ്വദേശികളുണ്ട്.
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
This website uses cookies.