‘നാട്ടു നാട്ടു’വിന് ഓസ്‌കര്‍, ഇരട്ട പുരസ്‌കാര നിറവില്‍ ഇന്ത്യ

ആര്‍ആര്‍ആര്‍ലെ കീരവാണി സംഗീതം നിര്‍വഹിച്ച ‘നാട്ടു.. നാട്ടു…’വെന്ന ഗാനത്തി നാണ് പുരസ്‌കാരം. ഒറിജിനല്‍ സോംഗ് വിഭാഗത്തിലാണ് പുരസ്‌കാരം. ഇതോടെ ഇരട്ട നേട്ടങ്ങളോടെ 95ാം അക്കാദമി വേദിയില്‍ ഇന്ത്യയുടെ അഭിമാനം വാനോളമുയര്‍ന്നു

ലൊസാഞ്ചലസ്: എസ് എസ് രാജമൗലിയുടെ ആര്‍ആര്‍ആര്‍ ഒറിജിനല്‍ സോങ് വിഭാഗത്തില്‍ ഓസ്‌കാ ര്‍ പുരസ്‌കാരം നേടി. ആര്‍ആര്‍ആര്‍ലെ കീരവാണി സംഗീതം നിര്‍വ ഹിച്ച ‘നാട്ടു.. നാട്ടു…’വെന്ന ഗാനത്തി നാണ് പുരസ്‌കാരം. ഒറിജിനല്‍ സോംഗ് വിഭാഗത്തിലാണ് പുരസ്‌കാരം. ഇതോടെ ഇരട്ട നേട്ടങ്ങളോടെ 95ാം അക്കാദമി വേദിയില്‍ ഇന്ത്യയുടെ അഭിമാനം വാനോളമുയര്‍ന്നു.

എം എം കീരവാണി സംഗീത സംവിധാനം നിര്‍വഹിച്ച ഗാനത്തിന് വരികള്‍ എഴിതിയിരിക്കുന്നത് ചന്ദ്ര ബോസ് ആണ്. മൂന്ന് മിനിറ്റും 36 സെക്കന്‍ഡുമാണ് ഗാനത്തിന്റെ ദൈര്‍ഘ്യം. രാഹുല്‍ സിപ്ലിഗഞ്ച്, കാല ഭൈരവ എന്നിവര്‍ ചേര്‍ന്നാണ് നാട്ടു നാട്ടു ആലപിച്ചിരിക്കുന്നത്.

മികച്ച ഡോക്യുമെന്ററി ഷോര്‍ട്ട് സബ്ജക്ടില്‍ ഇന്ത്യക്ക് ഈ വര്‍ഷത്തെ ആദ്യ ഓസ്‌കാര്‍ പുരസ്‌കാരം ലഭി ച്ചത്. കാര്‍ത്തികി ഗോണ്‍സാല്‍വ്സ് സംവിധാനം ചെയ്ത ദി എലിഫന്റ് വിസ്പേഴ്സ് എന്ന ഡോക്യുമെന്ററിക്ക് ഓസ്‌കാര്‍ ലഭിച്ചത്. 1969, 1979 വര്‍ഷങ്ങള്‍ക്ക് ശേഷം ആദ്യമായാണ് ഈ വിഭാഗത്തിലേക്ക് ഇന്ത്യന്‍ ഡോ ക്യുമെന്ററി നാമനിര്‍ദേശം ചെയ്യപ്പെട്ടത്.

മുതുമല ദേശീയ പാര്‍ക്കിലെ അനാഥനായ കുട്ടിയാനയുടെ കഥ പറയുന്നതാണ് ഡോക്യുമെന്ററി. രഘു എന്ന ആനയെ ആദിവാസി ദമ്പതികളായ ബൊമ്മനും ബെല്ലിയും പരിപാലിക്കുന്നതാണ് കഥ. കഴിഞ്ഞ ഡിംസബറില്‍ നെറ്റ്ഫ്ളിക്സിലാണ് ഈ ചിത്രം റിലീസ് ചെയ്തത്.

ബോളിവുഡ് നടി ദീപിക പദുകോണ്‍ ആണ് ഇത്തവണത്തെ ഓസ്‌കാര്‍ അവാര്‍ഡ് അവതാരക. പുരസ്‌ കാര ലഭ്യതക്ക് മുമ്പ് നാട്ടു നാട്ടു വേദിയില്‍ അവതരിപ്പിച്ചിരുന്നു. പദുകോണ്‍ ആണ് നാട്ടു നാട്ടുവിനെ പരിചയപ്പെടുത്തിയത്.