ദിവസവും 1,000 ത്തോളം ജീവനക്കാര്ക്ക് കോവിഡ് ബാധിക്കുന്നതായി റെയില്വേ മന്ത്രാലയം. ജീവനക്കാരും അവരുടെ കുടുംബാംഗങ്ങളുമായി 4000 പേര് നിലവില് വിവിധ ആശുപത്രികളില് ചികിത്സയിലുണ്ടെന്ന് റെയില്വേ ബോര്ഡ് ചെയര്മാന് സുനീത് ശര്മ
ന്യൂഡല്ഹി: കോവിഡ് ബാധിച്ച് സ്റ്റേഷന് മാസ്റ്റര്മാരടക്കം 1,952 ജീവനക്കാര് ഇതുവരെ മരിച്ചതായി ഇന്ത്യന് റെയില്വേ. ദിവസവും 1,000 ത്തോളം ജീവനക്കാര്ക്ക് കോവിഡ് ബാധിക്കുന്നതായി റെയില്വേ മന്ത്രാലയം അറിയിച്ചു. റെയില്വേ ബോര്ഡ് ചെയര്മാന് സുനീത് ശര്മയാണ് ഇക്കാര്യം അറിയിച്ചത്. ജീവനക്കാരും അവരുടെ കുടുംബാംഗങ്ങളുമായി 4000 പേര് നിലവില് വിവിധ ആശുപത്രികളില് ചികിത്സയിലുണ്ടെന്നും അദ്ദേഹം വാര്ത്ത സമ്മേളനത്തില് വ്യക്തമാക്കി
കഴിഞ്ഞ മാര്ച്ച് മുതല് ഇന്നലെ വരെ കോവിഡ് മൂലം 1,952 ജീവനക്കാരാണ് മരിച്ചത്. റെയില് ആശുപത്രികളില് ഓക്സിജന് പ്ലാന്റുകള് സ്ഥാപിച്ചും കിടക്കകളുടെ എണ്ണം വര്ധിപ്പിച്ചും ജീവനക്കാരുടെ ആരോഗ്യം സംരക്ഷിക്കാനാണ് റെയില്വേ ലക്ഷ്യമിടുന്നത്. റെയില്വേ ജീവനക്കാര്ക്കും അവരുടെ കുടുംബങ്ങള്ക്കുമായി നിലവില് 4,000 കിടക്കകളുണ്ടെന്നും നിലവിലുള്ള ആശുപത്രി സൗകര്യങ്ങളില് മുഴുവന് രോഗികളെ പ്രവേശിപ്പിച്ചിരിക്കുകയാണെന്നും അദ്ദേഹം പറഞ്ഞു. എത്രയും പെട്ടെന്ന് ജീവനക്കാര് കോവിഡില്നിന്നും സുഖം പ്രാപിക്കാനാണ് ഞങ്ങളുടെ ശ്രമിക്കുന്നതെന്നും അദ്ദേഹം വ്യക്തമാക്കി.
ഇതുവരെ 113 സ്റ്റേഷന് മാസ്റ്റേഴ്സ് കോവിഡ് ബാധിച്ച് മരിച്ചു. അവരില് ഭൂരിഭാഗവും ഈ വര്ഷമുണ്ടായ രണ്ടാം തരംഗത്തിലാണെന്ന് ഓള് ഇന്ത്യന് സ്റ്റേഷന് മാസ്റ്റേഴ്സ് അസോസിയേഷന് (അകടങഅ) വ്യക്തമാക്കി. റെയില്വേ സുരക്ഷാ ഫോഴ്സിന് ഇതുവരെ 50 പേരെ നഷ്ടപ്പെട്ടു.
ജീവനക്കാര്ക്ക് വാക്സിനേഷന് നല്കുന്നതിലാണ് നിലവിലെ ശ്രദ്ധയെന്ന് ഉദ്യോഗസ്ഥര് പറഞ്ഞു. നിരവധി സോണുകളിലും ഡിവിഷനുകളിലും സംസ്ഥാന സര്ക്കാരുകളുമായി ഏകോപിപ്പിച്ച് സ്റ്റാഫുകള്ക്ക് ബാച്ചുകളായി കുത്തിവയ്പ് നല്കാനുളള ശ്രമം തുടരുകയാണ്. എല്ലാ സ്റ്റാഫുകള്ക്കും പ്രതിരോധ കുത്തിവയ്പ് നല്കുന്നതിനാണ് മുന്ഗണന. ഈ ആവശ്യത്തിനായാ സംസ്ഥാന സര്ക്കാരുകളുമായി നിരന്തരം ബന്ധപ്പെടുന്നുണ്ടെന്ന് ഡല്ഹി ഡിവിഷണല് റെയില്വേ മാനേജര് എസ്.സി.ജെയിന് പറഞ്ഞു.
മുന്നിര തൊഴിലാളികള്ക്ക് വാക്സിനേഷന് നല്കി തുടങ്ങിയപ്പോള് തന്നെ റെയില്വേ മെഡിക്കല് സ്റ്റാഫുകള്ക്കും ആര്പിഎഫ് ഉദ്യോഗസ്ഥര്ക്കും വാക്സിനേഷന് നല്കി. പക്ഷേ, ടിക്കറ്റ് ചെക്കര്, സ്റ്റേഷന് മാസ്റ്റേഴ്സ്, ഡ്രൈവര്മാര്, ഗാര്ഡുകള് തുടങ്ങിയ വിഭാഗക്കാരെ ഉള്പ്പെടുത്തിയിരുന്നില്ല.
മസ്കത്ത്: സാമൂഹിക, സാംസ്കാരിക, വിദ്യാഭ്യാസ, ജീവകാരുണ്യ മേഖലകളിൽ ശ്രദ്ധേയമായ സംഭാവനകൾ നൽകുന്ന വ്യക്തിത്വങ്ങളെ ആദരിക്കുന്നതിനായി റൂവി മലയാളി അസോസിയേഷൻ (RMA)…
പി.കെ സജിത് കുമാര് : കേരളത്തിന്റെ സമ്പത് ഘടനയിൽ തന്നെ ഒരു മാറ്റം കൊണ്ടുവരുന്നതിന്റെ തുടക്കമായി കാണുന്നുണ്ട്. പ്രത്യേകിച്ച് മരിടൈം…
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
This website uses cookies.