ടെസ്റ്റ് പോസിറ്റിവിറ്റി നിരക്ക് 10 ശതമാനത്തിനു മുകളിലുള്ള ജില്ലകളില് പ്രാദേശികമായി കടുത്ത നിയന്ത്രണങ്ങള് ഏര്പ്പെടുത്തണമെന്ന് സംസ്ഥാനങ്ങള്ക്ക് കേന്ദ്ര ആഭ്യന്തര മന്ത്രാലയത്തിന്റെ നിര്ദേശം
ന്യൂഡല്ഹി : ടെസ്റ്റ് പോസിറ്റിവിറ്റി നിരക്ക് 10 ശതമാനത്തിനു മുകളിലുള്ള ജില്ലകളില് പ്രാദേശി കമായി കടുത്ത നിയന്ത്രണങ്ങള് ഏര്പ്പെടുത്തണമെന്ന് സംസ്ഥാനങ്ങള്ക്ക് കേന്ദ്ര ആഭ്യന്തര മന്ത്രാലയത്തിന്റെ നിര്ദേശം. രാജ്യത്ത് കോവിഡ് ബാധിതരായി ചികിത്സയിലുള്ളവരുടെ എണ്ണം ഉയര്ന്നുനില്ക്കുന്ന സാഹചര്യത്തില് നിയന്ത്രണങ്ങള് തുടരണമെന്നാണ് കേന്ദ്രത്തിന്റെ നിര് ദേശം.
കഴിഞ്ഞ ഒരാഴ്ചയ്ക്കിടെ കോവിഡ് ടെസ്റ്റ് പോസിറ്റിവിറ്റി നിരക്ക് 10 ശതമാനത്തിന് മുകളിലോ ആശു പത്രി കിടക്കകളുടെ വിനിയോഗം 60 ശതമാനത്തിന് മുകളിലോ ഉള്ള ജില്ലകളില് കടുത്ത നിയന്ത്ര ണം ഏര്പ്പെടുത്തണമെന്ന് നിര്ദേശമുണ്ട്. രോഗനിരക്ക് 10 ശതമാനത്തില് കുറവായാല് മാത്രമേ നിയന്ത്രണങ്ങള് പിന്വലിക്കാന് പാടുള്ളൂവെന്നും നിര്ദേശിച്ചിട്ടുണ്ട്.
കോവിഡ് അതിതീവ്രവ്യാപനം തടയുന്നതിനായി ഏര്പ്പെടുത്തിയ നിയന്ത്രണങ്ങള് ജൂണ് 30 വരെ തുടരണമെന്നും കേന്ദ്ര സംസ്ഥാനങ്ങള്ക്ക് കര്ശന നിര്ദേശം നല്കി. എന്നാല് രാജ്യത്ത് ലോ ക്ഡൗണ് ഏര്പ്പെടുത്തുന്നതിനെക്കുറിച്ച് പുതിയ ഉത്തരവില് പരാമര്ശമൊന്നുമില്ല. രാജ്യത്തോ, സംസ്ഥാനങ്ങളില് എവിടെയെങ്കിലുമോ ലോക്ഡൗണ് ഏര്പ്പെടുത്തണമെന്ന് ഉത്തരവില് പറയു ന്നില്ല. നിയന്ത്രണങ്ങള് കര്ശനമായി നടപ്പാക്കു ന്നത് തുടരേണ്ടത് പ്രധാനമാണെന്ന് കേന്ദ്രം ഉത്തര വില് ചൂണ്ടിക്കാട്ടുന്നു. അതിനാല്, ഏപ്രില് 29ന് പുറപ്പെടുവിച്ച മാര്ഗനിര്ദേശങ്ങള് ജൂണ് 30 വരെ തുടരണമെന്നും ഉത്തരവില് വ്യക്തമാക്കുന്നു.
അതെസമയം എന്തെങ്കിലും ഇളവ് വേണമെന്നുണ്ടെങ്കില്, പ്രാദേശിക സാഹചര്യങ്ങള് കണക്കി ലെടുത്തും വിലയിരുത്തിയും സംസ്ഥാനങ്ങള്ക്ക് തീരുമാനമെടുക്കാം. കോവിഡ് മൂന്നാം തരംഗ ത്തിന്റെ സാഹചര്യം കണക്കിലെടുത്ത് ഓക്സിജന് കിടക്കകള്, ഐസിയു കിടക്കകള്, വെന്റിലേ റ്ററുകള്, താല്ക്കാലിക ആശുപത്രികള് തുടങ്ങിയ സൗകര്യങ്ങള് ഉറപ്പാക്കാന് ആവശ്യമായ നട പടികള് സ്വീകരിക്കണമെന്നും കേന്ദ്രം നിര്ദേശിച്ചു.
രോഗ വ്യാപനം കുറയുന്നുണ്ടെങ്കിലും സജീവ കേസുകള് ഇപ്പോഴും ഉയര്ന്ന നിലയിലാണെന്ന് എടുത്തുപറയേണ്ടതുണ്ടെന്ന് സംസ്ഥാനങ്ങളി ലെയും കേന്ദ്ര ഭരണ പ്രദേശങ്ങളിലെയും ചീഫ് സെക്രട്ടറിമാര്ക്ക് നല്കിയ ഉത്തരവില് കേന്ദ്ര ആഭ്യന്തര സെക്രട്ടറി അജയ് ഭല്ല വ്യക്തമാക്കി.
മസ്കത്ത്: സാമൂഹിക, സാംസ്കാരിക, വിദ്യാഭ്യാസ, ജീവകാരുണ്യ മേഖലകളിൽ ശ്രദ്ധേയമായ സംഭാവനകൾ നൽകുന്ന വ്യക്തിത്വങ്ങളെ ആദരിക്കുന്നതിനായി റൂവി മലയാളി അസോസിയേഷൻ (RMA)…
പി.കെ സജിത് കുമാര് : കേരളത്തിന്റെ സമ്പത് ഘടനയിൽ തന്നെ ഒരു മാറ്റം കൊണ്ടുവരുന്നതിന്റെ തുടക്കമായി കാണുന്നുണ്ട്. പ്രത്യേകിച്ച് മരിടൈം…
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
This website uses cookies.