‘ജീവനെടുക്കുന്ന പ്രണയ നൈരാശ്യം’; കഴിഞ്ഞ അഞ്ചുവര്‍ഷത്തിനിടെ ജീവന്‍ നഷ്ടപ്പെട്ടത് 350 പെണ്‍കുട്ടികള്‍ക്ക്

പ്രണയം മൂലം കഴിഞ്ഞ അഞ്ചുവര്‍ഷത്തിനിടെ 350 പെണ്‍കുട്ടികള്‍ക്ക് ജീവന്‍ നഷ്ടപ്പെട്ടിട്ടു ണ്ടെന്ന് ആരോഗ്യ-കുടുംബക്ഷേമ മന്ത്രി വീണാ ജോര്‍ജ് നിയമസഭയില്‍ വ്യക്തമാക്കി

തിരുവനന്തപുരം : പ്രണയം മൂലം കഴിഞ്ഞ അഞ്ചുവര്‍ഷത്തിനിടെ ജീവന്‍ നഷ്ടപ്പെട്ടത് 350 പെണ്‍ കുട്ടികള്‍. ആരോഗ്യ-കുടുംബക്ഷേമ മന്ത്രി വീ ണാ ജോര്‍ജ് നിയമസഭയില്‍ എം കെ മുനീറിന്റെ ചോദ്യത്തിന് മറുപടിയായി വ്യക്തമാക്കിയതാണ് ഇക്കാര്യം.

ഏറ്റവും കൂടുതല്‍ പ്രണയ മരണങ്ങള്‍ സംഭവിച്ചത് കഴിഞ്ഞ വര്‍ഷമാണ്. രണ്ടു പെണ്‍കുട്ടികള്‍ കൊല്ലപ്പെട്ടപ്പോള്‍, 96 പേരാണ് പ്രണയ പരാജയത്തെത്തുടര്‍ന്ന് ജീവനൊടുക്കിയത്. പ്രേമിച്ച് വഞ്ചി ച്ച കാമുകരാണ് രണ്ടു കൊലപാതകങ്ങള്‍ക്കും പിന്നില്‍.

പ്രണയം മൂലം ജീവന്‍ നഷ്ടപ്പെട്ടവരില്‍ 10 പേര്‍ കൊല്ലപ്പെടുകയും 340 പേര്‍ ആത്മഹത്യ ചെയ്യു കയുമായിരുന്നു. 2018ല്‍ പ്രണയം നിരസിച്ചതിനെ തുടര്‍ന്ന് അഞ്ചു പെണ്‍കുട്ടികള്‍ കൊല്ലപ്പെ ട്ടപ്പോള്‍, പ്രണയ പരാജയം മൂലം നിരാശരായി മരണത്തില്‍ അഭയം തേടിയത് 88 പെണ്‍കുട്ടി കളാണ്. 76 പെണ്‍കുട്ടികള്‍ പ്രേമപരാജയത്തെ തുടര്‍ന്ന് ആത്മഹത്യ ചെയ്തത്.

2017 ല്‍ 83 യുവതികള്‍ പ്രണയവുമായി ബന്ധപ്പെട്ട് മരിച്ചു. ഇതില്‍ മൂന്നെണ്ണം കൊലപാതകമാ യിരുന്നെന്നും, കൊലയ്ക്ക് പിന്നില്‍ ആണ്‍സുഹൃത്തുക്കളാണെന്നും കണക്കുകള്‍ വ്യക്തമാക്കുന്നു.