ചെങ്ങറ ഭൂസമര നായകന്‍ ളാഹ ഗോപാലന്‍ അന്തരിച്ചു

കോവിഡ് ബാധിച്ച് ചികിത്സയിലായിരുന്നു.ഈ മാസം സെപ്തംബറിലാണ് ളാഹ ഗോപാലന് കോവിഡ് ബാധിച്ചത്. പത്തംതിട്ട ജനറല്‍ ആശുപ ത്രിയില്‍ വെച്ചാണ് അന്ത്യം

പത്തനംതിട്ട: ചെങ്ങറ ഭൂസമര നായകന്‍ ളാഹ ഗോപാലന്‍ അന്തരിച്ചു. 72 വയസ്സായിരുന്നു. കോ വിഡ് ബാധിച്ച് ചികിത്സയിലായിരുന്നു.ഈ മാസം സെപ്തംബറിലാണ് ളാഹ ഗോപാലന് കോവിഡ് ബാധിച്ചത്. പത്തംതിട്ട ജനറല്‍ ആശുപത്രിയില്‍ വെച്ചാണ് അന്ത്യം. പത്തനംതിട്ട അംബേദ്കര്‍ ഭവനില്‍ വിശ്രമത്തിലായിരുന്നു അദ്ദേഹം.

നിരവധി ഭൂസമരങ്ങള്‍ക്ക് നേതൃത്വം വഹിച്ചിട്ടുള്ള നേതാവാണ് ളാഹ ഗോപാലന്‍. 2007ല്‍ ഹാരി സണ്‍ മലയാളം എസ്റ്റേറ്റില്‍ ആരംഭിച്ച ചെങ്ങറ ഭൂസമരത്തിന്റെ നേതൃത്വം ളാഹ ഗോപാലന് ആ യിരുന്നു. ഭൂരഹിതരുടെ ഭൂമിക്കു വേണ്ടിയുള്ള പോരാട്ടങ്ങള്‍ക്ക് കരുത്തു നല്‍കിയ സമരമായി രുന്നു ചെങ്ങറയിലേത്.

2007 ഓഗസ്റ്റ് 4ന് തുടക്കം കുറിച്ച ചെങ്ങറ സമരം കേരള ചരിത്രത്തിലെ സുപ്രധാന സമരമാണ്. ഹാ രിസണ്‍ മലയാളത്തിന്റെ ഭൂമിയില്‍ കുടില്‍ കെട്ടിയാണ് സമരം നടത്തിയത്. 143 ഹെക്ടറോളം ഭൂമി യില്‍ കുടില്‍ കെട്ടിയിരുന്നു. അഞ്ച് വര്‍ഷം മുമ്പ് സമര സമിതിയിലെ വിഭാഗീയതയെ തു ടര്‍ന്ന് ചെങ്ങറയില്‍ നിന്ന് ഇറങ്ങി. അംബേദ്കര്‍ ആശയങ്ങള്‍ ഉള്‍ക്കൊണ്ട് പ്രവര്‍ത്തിച്ച നേതാവാണ് ളാഹ ഗോപാലന്‍. ദലിതരുടെ അവകാശങ്ങള്‍ക്കായി എന്നും പ്രവര്‍ത്തിച്ചു.

പട്ടികജാതിക്കാര്‍ക്കും ഭൂമിവേണമെന്ന് അദ്ദേഹം വാദിച്ചു. നിരവധി സമരങ്ങള്‍ ളാഹ ഗോപാലന്റെ നേതൃത്വത്തില്‍ കേരളത്തില്‍ വളര്‍ന്നുവരികയു ണ്ടായി. ഭൂരഹിതര്‍ക്ക് ഒരേക്കര്‍വരെ ഭൂമി വാങ്ങി ക്കൊടുക്കുന്നതില്‍ നിര്‍ണ്ണായക പങ്കുവഹിച്ചു. ആലപ്പുഴ സ്വദേശിയാണ്. കെഎസ്ഇബി ജീവനക്കാ രനായിരുന്നു.