Gulf

ഖത്തറില്‍ വാഹനാപകടത്തില്‍ മൂന്നു മലയാളികള്‍ മരിച്ചു

പെരുന്നാള്‍ അവധി ആഘോഷിച്ച് മടങ്ങും വഴി ദുരന്തം, എസ് യുവി കല്ലില്‍ ഇടിച്ച് മറിഞ്ഞു

ദോ : ഈദ് അവധി ആഘോഷിക്കാന്‍ പോയ സുഹൃത്തുക്കളുടെ സംഘം സഞ്ചരിച്ചിരുന്ന വാഹനം മറിഞ്ഞ് മൂന്നു പേര്‍ മരിച്ചു. മറ്റ് മൂന്നു പേര്‍ വലിയ പരിക്കുകളില്ലാതെ രക്ഷപ്പെട്ടു.

മുവൈത്തിറില്‍ നടന്ന റമദാന്‍ ഫെസ്റ്റിവലില്‍ പങ്കെടുത്ത ശേഷം മടങ്ങും വഴിയാണ് ഇവര്‍ സഞ്ചരിച്ചിരുന്ന ലാന്‍ഡ് ക്രൂയിസര്‍ അപകടത്തില്‍പ്പെട്ടത്.

തൃശൂര്‍ സ്വദേശി റസാഖ് (31) , മലപ്പുറം സ്വദേശി ഷമീം (35). മാവേലിക്കര സ്വദേശി സജിത് മങ്ങാട് (37) എന്നിവരാണ് മരിച്ചത്. വാഹനം ഓടിച്ചിരുന്ന ഇരിട്ടി സ്വദേശിയായ ശരണ്‍ജിതും, ഭാര്യയും ഒന്നര വയസ്സുള്ള കുഞ്ഞും സാരമായ പരിക്കുകളില്ലാതെ രക്ഷപ്പെട്ടു.

ഇവര്‍ ഹമദ് ഇന്റര്‍നാഷണല്‍ ആശുപത്രിയില്‍ ചികിത്സയിലാണ്. അതേസമയം, ശരണ്‍ജിത്തിന്റെ മറ്റ് രണ്ട് മക്കള്‍ പരിക്കുകള്‍ ഇല്ലാതെ രക്ഷപ്പെട്ടു.

ചൊവ്വാഴ്ച വൈകീട്ട് മിസൈദിലാണ് അപകടം. രണ്ടു വാഹനങ്ങളിലായാണ് സുഹൃത്തുക്കള്‍ ഈദ് അവധി ആഘോഷിക്കാന്‍ യാത്ര പോയത്. ശരണ്‍ ജിത് ഓടിച്ചിരുന്ന ലാന്‍ഡ് ക്രൂസര്‍ കല്ലില്‍ കയറി ശേഷം മറിയുകയായിരുന്നു.

റസാഖും, സജിത്തും ഷമീമും സംഭവസ്ഥലത്ത് വെച്ച് തന്നെ മരിച്ചു. അപകടത്തെ കുറിച്ച് വിവരം ലഭിച്ച ഉടനെ എത്തിയ എയര്‍ ആംബുലന്‍സിലാണ് പരിക്കേറ്റവരെ ആശുപത്രിയിലെത്തിച്ചത്.

ഇവരെല്ലാം അടുത്തടുത്ത വില്ലകളിലാണ് താമസിച്ചിരുന്നത്. റസാഖ് റിയല്‍ എസ്റ്റേറ്റ് കമ്പനിയിലും സജിത് പെട്രോള്‍ സ്റ്റേഷനിലുമാണ് ജോലി ചെയ്തിരുന്നത്.

മീമിന്റെ മൃതദേഹം പോസ്റ്റ്‌മോര്‍ട്ടത്തിനു ശേഷം അബു ഹമര്‍ ഖബര്‍സ്ഥാനില്‍ ഖബറടക്കി. മറ്റു രണ്ടു പേരുടേയും മൃതദേഹങ്ങള്‍ സ്വദേശത്തേക്കു കൊണ്ടുപോകും.

The Gulf Indians

Recent Posts

ചരക്കുവാഹന നിയന്ത്രണം : എമിറേറ്റ്സ് റോഡിലെ അപകടങ്ങൾ ഗണ്യമായി കുറഞ്ഞു

ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…

1 week ago

ആഡംബരത്തിന് പുതിയ മാതൃകയാകാൻ റാസൽഖൈമ വിമാനത്താവളം

റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…

1 week ago

ഒമാൻ ദേശീയദിനം: ഇന്ത്യൻ എംബസി ഇന്ന് അവധി

മസ്‌കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്‌കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…

1 week ago

ദേശീയദിനത്തോടനുബന്ധിച്ച് ഒമാൻ എയർ ഗ്ലോബൽ സെയിൽ പ്രഖ്യാപിച്ചു: ടിക്കറ്റ് നിരക്കിൽ 20% വരെ കിഴിവ്

മസ്‌കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…

1 week ago

യുഎഇയിൽ കനത്ത മൂടൽമഞ്ഞ്: ഷാർജ വിമാനത്താവളത്തിൽ സർവീസുകൾ താളം തെറ്റി; യാത്രക്കാരോട് ജാഗ്രത നിർദേശം

ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…

1 week ago

ഒമാനി റിയാലിന്റെ ഔദ്യോഗിക ചിഹ്നം പുറത്തിറക്കി:ആഗോള സാമ്പത്തിക വേദിയിൽ കൂടുതൽ ശക്തമായി ഒമാൻ

മസ്‌കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…

1 week ago

This website uses cookies.