കൊടകര കുഴല്പ്പണ കേസ് കത്തി നില്ക്കുന്നതിനിടെ ബി.ജെ.പി അധ്യക്ഷന് കെ. സുരേന്ദ്രന് എതിരെ മുതിര്ന്ന കോണ്ഗ്രസ് നേതാവ് തിരുവഞ്ചൂര് രാധാകൃഷ്ണന്റെ മകന് അര്ജുന് രാധാകൃ ഷ്ണന്റെ ഫേസ്ബുക്ക് പോസ്റ്റ്
കോട്ടയം : കൊടകര കുഴല്പ്പണ കേസ് കത്തി നില്ക്കുന്നതിനിടെ ബി.ജെ.പി അധ്യക്ഷന് കെ. സു രേന്ദ്രന് എതിരെ മുതിര്ന്ന കോണ്ഗ്രസ് നേതാവ് തിരുവഞ്ചൂര് രാധാകൃഷ്ണന്റെ മകന് അര്ജുന് രാ ധാകൃഷ്ണന്റെ ഫേസ്ബുക്ക് പോസ്റ്റ്. 2013 സോളാര് കേസ് ഉയര്ന്നു നില്ക്കുന്ന കാലത്ത് സുരേ ന്ദ്രന്, അര്ജുന് രാധാകൃഷ്ണനെതിരെ കടുത്ത വിമര്ശനവുമായി രംഗത്തെത്തിയിരുന്നു. ഗുജറാത്തില് ബിസിനസ് ഉണ്ടെന്ന ആരോപണമാണ് സുരേന്ദ്രന് അന്ന് അര്ജുനെതിരെ ഉന്നയിച്ചത്. ഇത് വ്യാ ജമാണെന്നും അര്ജുന് രാധാകൃഷ്ണന് വ്യക്തമാക്കുന്നു. കാലം കരുതിവെച്ച പ്രതിഫലമാണ് ഇപ്പോ ള് സുരേന്ദ്രന് ഉണ്ടായിരിക്കുന്നതെന്ന് അര്ജുന് ഫേസ്ബുക്ക് പോസ്റ്റില് വ്യക്തമാക്കുന്നു.
അര്ജുന് രാധാകൃഷ്ണന്റെ ഫേസ്ബുക്ക് കുറിപ്പ് :
രാഷ്ട്രീയ നേതാക്കളെ രാഷ്ട്രീയമായി നേരിടാതെ അവരെക്കുറിച്ചും, അവരുടെ മക്കളെ കുറിച്ചു പോ ലും കള്ള കഥകള് മെനഞ്ഞുണ്ടാക്കി സമൂഹ മധ്യത്തില് സംശയത്തിന്റെ നിഴലില് നിറുത്തി അപ മാനിക്കുന്നതില് ഒന്നാം സ്ഥാനത്തുള്ള ആളാണ് ബിജെപി നേതാവ് ശ്രീ കെ സുരേന്ദ്രന്. ഇപ്രകാരം ചെയ്യുമ്ബോള് അവര്ക്കും അവരുടെ കുടുംബാങ്ങങ്ങള്ക്കും ഉണ്ടായേക്കാവുന്ന മാനസീക സമ്മ ര്ദ്ദങ്ങളെ കുറിച്ച് ആരും ആലോചിക്കാറുണ്ടാകില്ല.
”നിത്യവും ചെയ്യുന്ന കര്മ്മ ഗുണഫലം
കര്ത്താവൊഴിഞ്ഞു താന് അന്യന് ഭുജിക്കുമോ
താന്താന് നിരന്തരം ചെയുന്ന കര്മ്മങ്ങള്
താന്താന് അനുഭവിച്ചീടുകെന്നേ വരൂ”
എന്ന രാമായണത്തിലെ വരികള് ആണ് ശ്രീ സുരേന്ദ്രന്റെ ഇപ്പോഴത്തെ അവസ്ഥ കാണുമ്പോള് എനിക്ക് ഓര്മ്മ വരുന്നത് .
2013ല് എന്റെ അച്ഛന് ശ്രീ തിരുവഞ്ചൂര് രാധാകൃഷ്ണന് ആഭ്യന്തര മന്ത്രി ആയിരുന്നപ്പോള് ഇദ്ദേഹം എനിക്ക് എതിരെ നട്ടാല് കുരുക്കാത്ത കെട്ടു കഥകള് മാധ്യമങ്ങളില് അഴിച്ചു വിട്ടത് കുറച്ചു പേരെങ്കിലും ഓര്ക്കുന്നുണ്ടാകും. ഗുജറാത്തില് എനിക്ക് എന്തൊക്കെയോ ബിസിനസ് ഉണ്ടെന്നും അവിടുത്തെ മന്ത്രിമാരുമായി ഞാന് ചര്ച്ച നടത്തിയെന്നും ഉള്ള ആരോപണങ്ങളില് യാഥാര്ഥ്യത്തിന്റെ ഒരു കണിക പോലുമില്ല എന്ന് അദ്ദേഹ ത്തിന് നന്നായി അറിയാമായിരുന്നു എങ്കിലും എന്നെ സംശയത്തിന്റെ നിഴലില് നിറുത്തി ആഭ്യന്തര മന്ത്രി ആയിരുന്ന എന്റെ അച്ഛനെ ഒരു ദിവസ മെങ്കിലും പ്രതിരോധത്തില് ആക്കാന് അദ്ദേഹത്തിന്റെ വളഞ്ഞ ബുദ്ധി ഉപയോഗിച്ചു. അന്ന് അത് എത്ര പേരെ മാനസീകമായി തളര്ത്തി എന്ന് അദ്ദേഹത്തിന് അറിവുണ്ടാകാന് വഴിയില്ല .
കാലം കരുതി വെച്ച പ്രതിഫലം ആണ് എന്ന് ഞാന് ഉറച്ചു വിശ്വസിക്കുന്നു ഇന്ന് അദ്ദേഹം നേരി ടുന്ന ഈ പ്രതിസന്ധികള്. അദ്ദേഹത്തിന്റെ മകന് ഒരു പക്ഷെ നിരപരാധി ആയേക്കാം, അറിയില്ല ! അങ്ങനെ ആണെങ്കില് അയാള് ഇപ്പോള് അനുഭവിക്കുന്ന മാനസീക സംഘര്ഷം എനിക്ക് മനസി ലാകും, അത് ശ്രീ സുരേന്ദ്രനും മനസിലാകുന്നുണ്ടാകും!
ഇനി എങ്കിലും താത്ക്കാലിക നേട്ടങ്ങള്ക്കായി വായില് വരുന്നത് വിളിച്ചു പറയുന്ന ശീലം അവസാ നിപ്പിക്കാന് ശ്രീ സുരേന്ദ്രന് സാധിക്കട്ടെ എന്നു ആശംസിക്കുന്നു.
രാഷ്ട്രീയത്തില് ഇറങ്ങാത്ത അര്ജുന് വ്യക്തിപരമായി ഉണ്ടായ ആക്രമണം ചൂണ്ടിക്കാട്ടിയാണ് പ്ര തികരിച്ചിരിക്കുന്നത്. എങ്കിലും തിരുവഞ്ചൂരിന്റെ പിന്ഗാമിയാകന് അര്ജുന് തയ്യാറെടുക്കുകയാ ണോയെന്ന ചോദ്യം കോട്ടയത്ത് ഉയരുന്നുണ്ട്.
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
This website uses cookies.