കരുതിയിരിക്കുക, ഇനി വരുന്നത് വൻ സാമ്പത്തിക മാന്ദ്യത്തിന്‍റെ നാളുകൾ : ഐബിഎംസി സി ഇ ഒ ആൻഡ് മാനേജിങ് ഡയറക്ടർ സജിത്ത് കുമാർ പി കെ

സുമിത്രാ സത്യൻ

ലോകം  ഇനി നേരിടാൻ പോകുന്നത്  രണ്ടാം ലോകമഹായുദ്ധത്തിന് ശേഷമുള്ള വൻ സാമ്പത്തിക മാന്ദ്യമാ യിരിക്കുമെന്ന് ഐബിഎംസി സി ഇ ഒ ആൻഡ് മാനേജിങ് ഡയറക്ടർ സജിത്ത് കുമാർ പി കെ അഭിപ്രായപ്പെട്ടു.

ഇന്ത്യയടക്കമുള്ള   ലോകരാജ്യങ്ങൾക്ക് വൻ സാമ്പത്തിക നഷ്ടങ്ങളും രാജ്യങ്ങളുടെ വളർച്ചാനിരക്കുകളിൽ വൻ ഇടിവുമാണ് ഇതുവരെ രേഖപ്പെടുത്തിയിരിക്കുന്നത്.മാത്രമല്ല, 60 മുതൽ 100 ദശലക്ഷം ജനങ്ങൾ ദാരിദ്രത്തിലേക്കു പോകുന്നുവെന്ന വാർത്ത ചൂണ്ടിക്കാണിക്കുന്നതും ഈ വൻ സാമ്പത്തിക മാന്ദ്യത്തിന്‍റെ  ആവിർഭാവത്തെയാണ് .അതു കൊണ്ട് തന്നെ,  പ്രവാസികൾ ഈ കാര്യം മുഖവിലയ്‌ക്കെടുത്ത് വേണം ഓരോ ചുവടു വയ്ക്കേണ്ടത്..സാമ്പത്തികമായും സാമൂഹ്യമായും പ്രവാസലോകം വളരെയേറെ കരുതലോടെയിരിക്കേണ്ട ഒരാവസ്ഥാവിശേഷത്തിലേക്കാണ് പോകുന്നതെന്നും അദ്ദേഹം ചൂണ്ടി കാട്ടി .

ചെലവ് ചുരുക്കവും ജോലി മേഖലകളിൽ വരുന്ന മാറ്റങ്ങൾ മനസ്സിലാക്കി യും അതിനോടനുബന്ധിച്ച്‌ പഠനം നടത്തി സ്വന്തം അറിവ് ശക്തിപ്പെടുത്തുക എന്നുമാണ് ഇതിനെ മറികടക്കാനുള്ള പ്രധാന കാര്യങ്ങളിലൊന്ന്. കൂടുതൽ വരുമാനമാർഗ്ഗങ്ങൾ കണ്ടെത്തുക , കൂടുതൽ ബിസിനസ് മേഖലകളിലേക്ക് ശ്രദ്ധ ചെലുത്തുക , പരമ്പരാഗത രീതികളിൽ നിന്നും വ്യത്യസ്തമായ നിക്ഷേപങ്ങളെ കുറിച്ച് മനസിലാക്കി , നിക്ഷേപങ്ങളിൽ നിന്നും വരുമാനം കണ്ടെത്തുക എന്നിവയാണ് പ്രധാനമായും ചെയ്യേണ്ടത് .

പ്രവാസികൾ മെഡിക്കൽ / ഹെൽത്ത് ഇൻഷുറൻസ് പദ്ധതികളിൽ  ചേരുക :

മിക്ക പ്രവാസികളും ജോലി ചെയ്യുന്ന രാജ്യങ്ങളിൽ കമ്പനികൾ നൽകുന്ന മെഡിക്കൽ ഇൻഷുറൻസ് പരിരക്ഷയെ പൂർണമായും ആശ്രയിച്ചു വരുന്നവരാണ്. നാട്ടിൽ; തിരിച്ചു സ്ഥിര താമസമാക്കുമ്പോൾ നാട്ടിലെ മെഡിക്കൽ ഇൻഷുറൻസ് എടുക്കാം എന്ന ധാരണ മിക്ക പ്രവാസികളെയും സാമ്പത്തികമായും മാനസികമായും ശാരീരികമായും കടുത്ത പ്രതിസന്ധിയിലേക്ക് കൊണ്ട് പോകുന്നുണ്ട്.പ്രവാസ ജീവിത ശൈലികളിൽ വരാവുന്ന രോഗങ്ങളെ നല്ല ചികിത്സയിലൂടെ അതിജീവിക്കുന്നതിനും നാട്ടിൽ പോകുന്ന അവസരങ്ങളിൽ പ്രവാസിയെ കൊണ്ട് സുഹൃത്തുക്കൾക്കോ ബന്ധുക്കൾക്കോ സാമ്പത്തിക ഭാരമാകാതിരിക്കാനും ഇന്ത്യയിലെ മെഡിക്കൽ/ ഹെൽത്ത് ഇൻഷുറൻസുകൾ സഹായകരമാകും .

വയസ്സ് കൂടുന്നതനുസരിച്ചു മെഡിക്കൽ കവറേജുകൾ കുറയുകയും ഇൻഷുറൻസ് പ്രീമിയം തുക കൂട്ടുകയും ചെയ്യും . എല്ലാ വർഷവും കൃത്യമായി പുതുക്കാൻ ശ്രദ്ധിക്കണം കമ്മീഷൻ കുറവായതിനാൽ ചിലപ്പോൾ ഇൻഷുറൻസ് കമ്പനിയെ ഏജൻറ്റോ നിങ്ങളെ പുതുക്കാൻ ഓർമപ്പെടുത്തി എന്ന് വരില്ല.