കരിപ്പൂരില്‍ വന്‍ സ്വര്‍ണ്ണവേട്ട; 35 ലക്ഷം രൂപയുടെ സ്വര്‍ണം പൊലീസ് പിടികൂടി

ദോഹയില്‍ നിന്നും കരിപ്പൂര്‍ വിമാനത്താവളത്തിലെത്തിയ താമരശ്ശേരി സ്വദേശി നിഷാദിനെയാണ് സ്വര്‍ണ്ണവുമായി വിമാനത്താവളത്തിന് പുറത്തു പൊലീസ് പിടികൂടിയത്.

മലപ്പുറം: ദോഹയില്‍ നിന്നും കരിപ്പൂര്‍ വിമാനത്താവളം വഴി കസ്റ്റംസിനെ വെട്ടിച്ച് കടത്താന്‍ ശ്രമിച്ച ഏ താണ്ട് 35 ലക്ഷം രൂപ വില വരുന്ന 570 ഗ്രാം സ്വര്‍ണം പൊലീസ് പിടികൂടി. ഇതുമായി ബന്ധപ്പെട്ട് യാത്ര ക്കാരനെ അറസ്റ്റ് ചെയ്തു. ദോഹയില്‍ നിന്നും കരിപ്പൂര്‍ വിമാനത്താവളത്തിലെത്തിയ താമരശ്ശേരി സ്വദേ ശി നിഷാദിനെയാണ് സ്വര്‍ണ്ണവുമായി വിമാനത്താവളത്തിന് പുറത്തു പൊലീസ് പിടികൂടിയത്.

സ്വര്‍ണ്ണം മിശ്രിത രൂപത്തില്‍ രണ്ട് കാപ്സ്യുളുകളാക്കി ശരീരത്തിനുള്ളില്‍ ഒളിപ്പിച്ച് കടത്താനായിരുന്നു ഇയാളുടെ ശ്രമം. അഭ്യന്തര വിപണിയില്‍ 35 ലക്ഷത്തിലധികം വില വരും പിടിച്ചെടുത്ത സ്വര്‍ണ്ണത്തിന്. ഇന്നലെ വൈകുന്നേരം 8.15 ന് ദോഹയില്‍ നിന്നെത്തിയ എയര്‍ ഇന്ത്യ എക്സ്പ്രസ് (IX 376) വിമാനത്തിലാ ണ് ഇയാള്‍ കരിപ്പൂര്‍ എത്തിയത്. കസ്റ്റംസ് പരിശോധനയ്ക്ക് ശേഷം വിമാനത്താവളത്തിന് പുറത്തിറങ്ങിയ നിഷാദിനെ മലപ്പുറം ജില്ലാ പൊലീസ് മേധാവി എസ്.സുജിത് ദാസിനു ലഭിച്ച രഹസ്യ വിവരത്തിന്റെ അടി സ്ഥാനത്തില്‍ പൊലീസ് പിടികൂടുകയായിരുന്നു.

ഇയാളെ കസ്റ്റഡിയിലെടുത്ത പൊലീസ് തുടര്‍ച്ചയായി ചോദ്യം ചെയ്തെങ്കിലും തന്റെ പക്കല്‍ സ്വര്‍ണ്ണമു ണ്ടെന്ന് ഇയാള്‍ ആദ്യം സമ്മതിച്ചില്ല. തുടര്‍ന്ന് ഇയാളെ സ്വകാര്യ ആ ശുപത്രിയിലെത്തിച്ച് വിശദമായ വൈദ്യപരിശോധന നടത്തിയപ്പോഴാണ് വയറിനകത്ത് രണ്ട് കാപ്സ്യൂളുകള്‍ കണ്ടെത്തിയത്.പിടിച്ചെടുത്ത സ്വര്‍ണ്ണം കോടതിയില്‍ ഹാജരാക്കുമെന്നും തുടരന്വേഷണത്തിനായി വിശദമായ റിപ്പോര്‍ട്ട് കസ്റ്റംസിന് സമര്‍പ്പിക്കുമെന്നും അന്വേഷണ സംഘം വ്യക്തമാക്കി.

ഈ വര്‍ഷം ഇതുവരെ കരിപ്പൂര്‍ വിമാനത്താവളത്തിന് പുറത്തുവെച്ച് പൊലീസ് പിടികൂടുന്ന പതിനെട്ടാ മത്തെ സ്വര്‍ണ്ണക്കടത്ത് കേസാണിത്. പൊലീസിന്റെയും കസ്റ്റംസി ന്റെയും കടുത്ത പരിശോധന നിലനി ല്‍ക്കുന്ന ഈ സാഹചര്യത്തിലും സംസ്ഥാനത്തേക്ക് ഒഴുകിവരുന്ന സ്വര്‍ണക്കടത്തിന് ഒരു കുറവുമില്ല എ ന്നത് ശ്രദ്ധേയമാണ്.