ഐഷ സുല്‍ത്താന കലാപത്തിന് ആഹ്വാനം ചെയ്തിട്ടില്ല ; രാജ്യദ്രോഹക്കുറ്റം നിലനില്‍ക്കില്ലെന്ന് അഡ്വ. കാളീശ്വരം രാജ്

ചലച്ചിത്രപ്രവര്‍ത്തക ഐഷ സുല്‍ത്താനയ്ക്കെതിരെ രാജ്യദ്രോഹക്കുറ്റം ചുമത്തിയ നടപടി അഭിപ്രായസ്വാതന്ത്ര്യം അടിച്ചമര്‍ത്തുന്നതിന്റെ ഉദാഹരമാണെന്ന് പ്രമുഖ സുപ്രീം കോടതി അഭിഭാഷകന്‍ കാളീശ്വരം രാജ്

കൊച്ചി : അഭിപ്രായസ്വാതന്ത്ര്യം അടിച്ചമര്‍ത്താന്‍ രാജ്യദ്രോഹക്കുറ്റം ദുരുപയോഗപ്പെടുത്തുന്നതി നെ വിമര്‍ശിച്ച് പ്രമുഖ സുപ്രീം കോടതി അഭി ഭാഷകന്‍ കാളീശ്വരം രാജ്. ചലച്ചിത്രപ്രവര്‍ത്തക ഐഷ സുല്‍ത്താനയ്ക്കെതിരെ രാജ്യദ്രോഹക്കുറ്റം ചുമത്തിയ നടപടി അഭിപ്രായസ്വാതന്ത്ര്യം അടിച്ച മര്‍ത്തുന്നതിന്റെ ഉദാഹരമാണെന്ന് അദ്ദേഹം ചൂണ്ടിക്കാട്ടി.

എന്നാല്‍ ഐഷ സുല്‍ത്താനയ്ക്കെതിരെ ചുമത്തിയ രാജ്യദ്രോഹക്കുറ്റം നിലനില്‍ക്കില്ലെന്ന് അദ്ദേ ഹം പറഞ്ഞു. സുപ്രീം കോടതി പുറപ്പെടുവിച്ച രണ്ട് സുപ്രധാന കേസുകളിലെ വിധി ചൂണ്ടിക്കാട്ടി യാണ് ഐഷ സുല്‍ത്താനയ്ക്കെതിരെ ലക്ഷദ്വീപ് ഭരണകൂടം ചുമത്തിയ രാജ്യദ്രോഹ കുറ്റം നിലനി ല്‍ക്കില്ലെന്ന് അദ്ദേഹം പറയുന്നത്.

1962ലെ കേദാര്‍നാഥ് സിങ് കേസില്‍ ഭരണഘടനാബെഞ്ചിന്റെ വിധിയും മാധ്യമപ്രവര്‍ത്തകന്‍ വിനോദ് ദുവാ കേസിലെ സുപ്രീം കോടതിവിധിയും അനുസരിച്ച് ഐഷയ്ക്കെതിരായ കേസ് നിലനി ല്‍ക്കില്ലെന്ന് അദ്ദേഹം പറഞ്ഞു. കലാപമോ ആക്രമണമോ ലക്ഷ്യമിട്ടുള്ള ആഹ്വാനം മാത്രമേ രാജ്യ ദ്രോഹക്കുറ്റമായി മാറുന്നുള്ളൂവെന്നാണ് സുപ്രീംകോടതി ആവര്‍ത്തിച്ച് വ്യക്തമാക്കിയത്. ആയിഷ സുല്‍ത്താനയുടെ പ്രസ്താവനയില്‍ രാജ്യദ്രോഹക്കുറ്റം ചുമത്താവുന്ന ഒറ്റ വാക്കുമില്ല.

അതെസമയം 1962ല്‍ രാജ്യദ്രോഹക്കുറ്റത്തിന്റെ നിയമസാധുത സുപ്രീംകോടതി ശരിവച്ചിട്ടുണ്ടെന്ന് അദ്ദേഹം ചൂണ്ടിക്കാട്ടി. എന്നാല്‍, മാറിയ സാഹ ചര്യത്തില്‍ 124എ വകുപ്പ് നിലനിര്‍ത്തണോയെന്ന് ഗൗവമായ പരിശോധന വേണം. ബ്രിട്ടന്‍ രാജ്യദ്രോഹക്കുറ്റം റദ്ദാക്കി. അമേരിക്ക, കാനഡ, ന്യൂസില ന്‍ഡ്, ഓസ്ട്രേലിയ എന്നിവിടങ്ങളില്‍ അതിന്റെ ഉപയോഗം പരിമിതപ്പെടുത്തി. മാറിയ കാലത്തിന് അനുസൃതമായി ഇന്ത്യയിലും രാജ്യദ്രോഹക്കുറ്റം റദ്ദാക്കണം. കോടതിക്ക് അകത്തും പുറത്തും അ തിന് വേണ്ടിയുള്ള പോരാട്ടം ശക്തമാക്കണം. എല്ലാ നിയമപോരാട്ടവും രാഷ്ട്രീയ മായ പോരാട്ടം കൂടി യാണ്. എന്തിനെയും ഏതിനെയും രാജ്യദ്രോഹമായി ചിത്രീകരിക്കുന്ന പ്രവണത അവസാനിപ്പി ക്കാന്‍ അതുമാത്രമാണ് പോംവഴി.