ഉമ്മന്‍ചാണ്ടിയെ കല്ലെറിഞ്ഞു പരിക്കേല്‍പ്പിച്ച കേസ് ; മൂന്നു പ്രതികള്‍ കുറ്റക്കാര്‍; 110 പേരെ വെറുതെ വിട്ടു

2013 ഒക്ടോബര്‍ 27 ന് കണ്ണൂരില്‍ വെച്ചായിരുന്നു കേസിന് ആസ്പദമായ സംഭവം നടന്ന ത്. കണ്ണൂര്‍ പൊലീസ് മൈതാനത്ത് സംസ്ഥാന പൊലീസ് അത്‌ലറ്റിക് മീറ്റിന്റെ സമാപന ചടങ്ങിലെത്തിയ അന്നത്തെ മുഖ്യമന്ത്രി ഉമ്മന്‍ചാണ്ടിയെ സംഘം ചേര്‍ന്ന് കൊലപ്പെ ടുത്താന്‍ ശ്രമിച്ചെന്നാണ് കേസ്. അന്നുണ്ടായ കല്ലേറില്‍ ഉമ്മന്‍ ചാണ്ടിക്കു പരുക്കേ റ്റിരുന്നു

കണ്ണൂര്‍ : മുന്‍മുഖ്യമന്ത്രി ഉമ്മന്‍ചാണ്ടിയെ വധിക്കാന്‍ ശ്രമിച്ച കേസില്‍ മൂന്ന് പേര്‍ കുറ്റക്കാരെന്ന് കണ്ണൂര്‍ സബ് കോടതി കണ്ടെത്തി. ദീപക്, സി ഒ ടി നസീര്‍, ബിജു പറമ്പ ത്ത് എന്നിവരാണ് കുറ്റക്കാര്‍. അതേസ മയം, 110 പേരെ വെറുതെവിട്ടു. മുന്‍ എം.എല്‍.എമാരായ സി.കൃഷ്ണന്‍, കെ.കെ.നാരായണന്‍ തുടങ്ങിയ വര്‍ വെറുതെവിട്ടവരിലുണ്ട്.

2013 ഒക്ടോബര്‍ 27 ന് കണ്ണൂരില്‍ വെച്ചായിരുന്നു കേസിന് ആസ്പദമായ സംഭവം നടന്നത്. കണ്ണൂര്‍ പൊലീ സ് മൈതാനത്ത് സംസ്ഥാന പൊലീസ് അത്‌ലറ്റിക് മീറ്റിന്റെ സമാപന ചടങ്ങിലെത്തിയ അന്നത്തെ മുഖ്യമ ന്ത്രി ഉമ്മന്‍ചാണ്ടിയെ സംഘം ചേര്‍ന്ന് കൊലപ്പെടുത്താന്‍ ശ്രമിച്ചെന്നാണ് കേസ്. അന്നുണ്ടായ കല്ലേറില്‍ ഉമ്മന്‍ ചാണ്ടിക്കു പരുക്കേറ്റിരുന്നു.

സോളാര്‍ അഴിമതി കേസുമായി ബന്ധപ്പെട്ട് കേരളമെങ്ങും ഇടതുപക്ഷത്തിന്റെ നേതൃത്വത്തില്‍ പ്രതി ഷേധം അലയടിച്ച വേളയിലാണ് ഉമ്മന്‍ ചാണ്ടിയുടെ കാറിന് നേരെ കല്ലേറുണ്ടായത്. ഇതിനെ തുടര്‍ന്ന് വലിയ പ്രതിഷേധം യു ഡി എഫും നടത്തി. സി പി എം നേതാക്കള്‍ക്കടക്കം കല്ലേറില്‍ പങ്കുണ്ടെന്ന് യു ഡി എഫ് ആരോപിച്ചിരുന്നു. പ്രതിപ്പട്ടികയിലും മുന്‍ എം എല്‍ എമാരായ ശ്രീകൃഷ്ണന്‍, കെ കെ നാരായണന്‍ അടക്കമുള്ള സി പി എം നേതാക്കളുണ്ടായിരുന്നു.