അൽഖോറിൽ ഇന്ത്യൻ എംബസി സ്പെഷ്യൽ കോൺസുലർ ക്യാംപ്.

ദോഹ : ദോഹ ഇന്ത്യൻ എംബസി സ്പെഷ്യൽ കോൺസുലർ ക്യാംപ്  14ന് അൽഖോർ സീഷോർ എൻജിനീയറിങ് ആൻഡ് കോൺട്രാക്ടിങ് ഓഫിസിൽ വച്ച് നടക്കും. ഐസിബിഎഫുമായി സഹകരിച്ച് നടത്തുന്ന ക്യാംപ് രാവിലെ 9 മുതൽ 11 വരെയാണ്.അൽഖോറിലും സമീപ പ്രദേശങ്ങളിലും താമസിക്കുന്നവർക്ക് ഈ ക്യാംപ് പ്രയോജനപ്പെടുത്താം. പാസ്പോർട്ട് പുതുക്കൽ, അറ്റസ്റ്റേഷൻ, പിസിസി (പൊലീസ് ക്ലിയറൻസ് സർട്ടിഫിക്കറ്റ്), മറ്റ് എംബസി സേവനങ്ങൾ എന്നിവ ക്യാംപിൽ ലഭ്യമാണ്. ആവശ്യമായ രേഖകളുടെ (പാസ്പോർട്ട്, ഖത്തർ ഐഡി) ഒറിജിനലും പകർപ്പുകളും പുതിയ പാസ്പോർട്ട് സൈസ് ഫോട്ടോ 2 എണ്ണം (2 ഇഞ്ച് x 2 ഇഞ്ച്, വൈറ്റ് ബാക്ഗ്രൗണ്ട്) എന്നിവ കൊണ്ടുവരണം. ഓൺലൈൻ അപേക്ഷാ ഫോം പൂരിപ്പിക്കാൻ രാവിലെ 8 മണി മുതൽ ക്യാംപിൽ സൗകര്യം ഉണ്ടായിരിക്കും.ഐസിബിഎഫ് ഇൻഷുറൻസിൽ ചേരുന്നതിനുള്ള സൗകര്യവും ക്യാംപിൽ ഉണ്ട്. കാഷ് പെയ്മെന്റ് മാത്രമേ സ്വീകരിക്കൂ. കാർഡ് പെയ്മെന്റ് ഉണ്ടായിരിക്കില്ല.