അഫ്ഗാനില്‍ സ്ഫോടനം; 20 പേര്‍ കൊല്ലപ്പെട്ടു, മരിച്ചവരില്‍ താലിബാന്‍കാരും,സ്‌ഫോടനങ്ങള്‍ക്ക് പിന്നില്‍ ഇസ്ലാമിക് സ്റ്റേറ്റ്

ഇസ്ലാമിക് സ്റ്റേറ്റാണ് ആക്രമണം നടത്തിയതെന്ന് താലിബാന്‍ വക്താക്കള്‍ സ്ഥിരീകരിച്ചു. രണ്ട് സ്‌ഫോടനങ്ങളിലായി 20 പേരുടെ മരണമാണ് ഇതുവരെ സ്ഥിരീകരിച്ചിരിക്കുന്നത്

കാബൂള്‍: അഫ്ഗാനിസ്ഥാന്‍ തലസ്ഥാനമായ കാബൂള്‍ വിമാനത്താവളത്തിന് പുറത്തുണ്ടായ ഇരട്ട സ്ഫോടനത്തില്‍ കുട്ടികളും താലിബാന്‍ അംഗങ്ങളും ഉള്‍പ്പെടെ 20 പേര്‍ കൊല്ലപ്പെട്ടതായി റിപ്പോര്‍ട്ട്. അമേരിക്കന്‍ സൈനികര്‍ക്ക് ഉള്‍പ്പെടെ നിരവധിപേര്‍ക്ക് പരിക്കുണ്ട്. ഇസ്ലാമിക് സ്റ്റേറ്റാണ് ആക്രമ ണം നടത്തിയതെന്ന് താലിബാന്‍ വക്താക്കള്‍ സ്ഥിരീകരിച്ചു. രണ്ട് സ്‌ഫോടനങ്ങളിലായി 20 പേരു ടെ മരണമാണ് ഇതുവരെ സ്ഥിരീകരിച്ചിരിക്കുന്നത്. ഇതില്‍ താലിബാന്‍കാരുമുണ്ടെന്നാണ് റിപ്പോ ര്‍ട്ട്.

അഫ്ഗാനിസ്ഥാനില്‍ കുടുങ്ങി കിടക്കുന്ന ആളുകളെ സൈനിക വിമാനത്തില്‍ ഒഴിപ്പിക്കാന്‍ അമേ രിക്കയുടെ നേതൃത്വത്തില്‍ നടപടികള്‍ തുടരുന്ന തിനിടെയാണ് സംഭവം. കാബൂളില്‍ വിമാനത്താ വളത്തിന് പുറത്ത് സ്ഫോടനം ഉണ്ടായ കാര്യം അമേരിക്ക സ്ഥിരീകരിച്ചു. ചാവേര്‍ ആക്രമണമാണ് കാ ബൂള്‍ വിമാനത്താവളത്തിലെ അബ്ബി ഗേറ്റിന് മുന്നില്‍ നടന്നത്. ഇവിടെയാണ് കൂടുതല്‍ പേര്‍ക്ക് ജീവഹാനിയുണ്ടായതും ഗുരുതരമായി പരിക്കേറ്റതും.

ബ്രിട്ടീഷ് സൈന്യം നിലയുറപ്പിച്ച വിമാനത്താവളത്തിന്റെ ഗേറ്റിന് സമീപമാണ് സ്ഫോടനം നടന്നത്. വിമാനത്താവളം ആക്രമിക്കാന്‍ പദ്ധതിയിടുന്നതായി അമേരിക്കയ്ക്കും സഖ്യരാജ്യങ്ങള്‍ക്കും രഹസ്യ വിവരം ലഭിച്ചിരുന്നതായാണ് റിപ്പോര്‍ട്ടുകള്‍. 30 പേര്‍ക്ക് പരിക്കേറ്റതായാണ് ഏറ്റവും പുതിയ വിവ രം. ഇവരില്‍ എത്ര പേരുടെ നില ഗുരുതരമാണെന്ന് വ്യക്തമല്ല.മരിച്ചവരില്‍ കുട്ടികളും സ്ത്രീകളും ഉള്‍പ്പെട്ടിട്ടുണ്ട്. പരിക്കേറ്റവരില്‍ അഞ്ച് അമേരിക്കന്‍ സൈനികരുണ്ട്. മരിച്ചവരില്‍ അമേരിക്കന്‍ പൗരന്മാരുമുണ്ടെന്ന് പെന്റഗണ്‍ സ്ഥിരീകരിച്ചു.

ഇതുവരെ 90000 അഫ്ഗാന്‍ പൗരന്മാരും വിദേശികളും രാജ്യം വിട്ടതായാണ് റിപ്പോര്‍ട്ടുകള്‍. ഓഗസ്റ്റ് 15നാണ് താലിബാന്‍ രാജ്യത്തിന്റെ നിയന്ത്രണം പിടിച്ചെടുത്തത്.