ദുബായ്: ആരോഗ്യത്തിന് ഹാനികരമായ ‘ലിസ്റ്റീരിയ മോണോസൈറ്റോജീന്സ് ബാക്ടീരിയയുടെ സാന്നിധ്യം കണ്ടെത്തിയതിനെ തുടര്ന്ന് പെപ്പറോണി ബീഫ് രാജ്യത്തെ സൂപ്പര്മാര്ക്കറ്റുകളില് നിന്ന് പിന്വലിക്കാന് യുഎഇ ഉത്തരവിട്ടു. കാലാവസ്ഥാ വ്യതിയാന പരിസ്ഥിതി മന്ത്രാലയമാണ് ഇക്കാര്യം വ്യക്തമാക്കിയത്. ‘ലബോറട്ടറി പരിശോധനകള് പൂര്ത്തിയാക്കി വിശദാംശങ്ങള് പരിശോധിക്കുന്നതു വരെ യുഎഇ വിപണികളില് നിന്ന് ഉല്പ്പന്നം മുന്കരുതലായി പിന്വലിക്കാനുള്ള തീരുമാനത്തിൻ്റെ ഭാഗമായാണ് നടപടി.
ഭക്ഷണം സംസ്കരിക്കുമ്പോഴോ തയ്യാറാക്കുമ്പോഴോ പായ്ക്ക് ചെയ്യുമ്പോഴോ പകരുന്ന ബാക്ടീരിയ ലിസ്റ്റീരിയ ഭക്ഷണം കഴിക്കുന്നവരില് അണുബാധയ്ക്ക് കാരണമാകും എന്നതിനാലാണ് തീരുമാനം. ഗര്ഭിണികള്, 65 വയസ്സിനു മുകളിലുള്ളവര്, രോഗപ്രതിരോധ ശേഷി കുറഞ്ഞവര് തുടങ്ങിയവരില് ഈ ബാക്ടീരിയ ഗുരുതരമായ ആരോഗ്യ സങ്കീര്ണതകള്ക്ക് കരാണമാവുമെന്നും അധികൃതര് അറിയിച്ചു.
ഈ ബീഫ് ഉല്പ്പന്നം കഴിക്കുന്നതിനെതിരെ സൗദി ഫുഡ് ആന്ഡ് ഡ്രഗ് അതോറിറ്റിയും ജനങ്ങള്ക്ക് മുന്നറിയിപ്പ് നല്കിയിട്ടുണ്ട്. 2025 മാര്ച്ച് എക്സ്പയറി തീയിതിയുള്ള 250 ഗ്രാം പാക്കേജ് ഉല്പ്പന്നങ്ങളിലാണ് ബാക്ടീരിയയുടെ സാന്നിധ്യം കണ്ടെത്തിയതെന്ന് അധികൃതര് അറിയിച്ചു. ലബോറട്ടറി പരിശോധനയില് ഇവ സുരക്ഷിതമല്ലെന്ന് കണ്ടെത്തിയതിനെ തുടര്ന്ന് ഉല്പ്പന്നം ഉടനടി നശിപ്പിക്കാനും അതിൻ്റെ ഉപഭോഗം ഒഴിവാക്കാനും സൗദി ഫുഡ് ആന്ഡ് ഡ്രഗ് അതോറിറ്റി പൊതുജനങ്ങളോട് അഭ്യര്ഥിച്ചു.
ബാക്ടീരിയ അടങ്ങിയ ഉല്പ്പന്നം വിപണിയില് നിന്ന് നീക്കം ചെയ്യാന് സൗദി അധികൃതര് ഇതിനകം നടപടികള് സ്വീകരിച്ചിട്ടുണ്ട്. ഈ ബീഫ് ഇറക്കുമതി ചെയ്യുന്ന കമ്പനിക്കെതിരെ നിയന്ത്രണ നടപടികള് സ്വീകരിച്ചുവരികയാണെന്നും അതോറിറ്റി അറിയിച്ചു.സൗദിയില് ഭക്ഷ്യ സുരക്ഷാ ചട്ടങ്ങള് ലംഘിച്ചാല് 10 വര്ഷം വരെ തടവോ 10 ദശലക്ഷം റിയാല് വരെ പിഴയോ അല്ലെങ്കില് രണ്ടും കൂടിയോ ലഭിക്കുമെന്ന് അതോറിറ്റി മുന്നറിയിപ്പ് നല്കി.
കുറ്റവാളികള്ക്കെതിരെ കര്ശനമായ എന്ഫോഴ്സ്മെന്റ് നടപടികള് തുടരുമെന്നും അധികൃതര് വ്യക്തമാക്കി. ഭക്ഷ്യസുരക്ഷയുമായി ബന്ധപ്പെട്ട എന്തെങ്കിലും പ്രശ്നങ്ങള് ശ്രദ്ധയില്പ്പെട്ടാല് അക്കാര്യം 19999 എന്ന ഹെല്പ്പ്ലൈന് നമ്പറില് അറിയിക്കണമെന്നും അധികൃതര് ഓര്മിപ്പിച്ചു.
ഇത്തരം കേസുകളില് പ്രതിരോധ നടപടികള് സ്വീകരിക്കുന്നതിനും ഉപഭോക്താക്കളുടെ ആരോഗ്യം സംരക്ഷിക്കുന്നതിനും ജിസിസി രാജ്യങ്ങള്ക്കിടയില് ഇതുമായി ബന്ധപ്പെട്ട് ആശയവിനിമയം നടത്തുന്നതിനും റാപ്പിഡ് അലേര്ട്ട് സിസ്റ്റം ഉപയോഗിക്കുന്നുണ്ട്.
മസ്കത്ത്: സാമൂഹിക, സാംസ്കാരിക, വിദ്യാഭ്യാസ, ജീവകാരുണ്യ മേഖലകളിൽ ശ്രദ്ധേയമായ സംഭാവനകൾ നൽകുന്ന വ്യക്തിത്വങ്ങളെ ആദരിക്കുന്നതിനായി റൂവി മലയാളി അസോസിയേഷൻ (RMA)…
പി.കെ സജിത് കുമാര് : കേരളത്തിന്റെ സമ്പത് ഘടനയിൽ തന്നെ ഒരു മാറ്റം കൊണ്ടുവരുന്നതിന്റെ തുടക്കമായി കാണുന്നുണ്ട്. പ്രത്യേകിച്ച് മരിടൈം…
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
This website uses cookies.