സിനിമാ പ്രേമികള്‍ക്കായി വെബിനാര്‍ സംഘടിപ്പിക്കുന്നു; രജിസ്‌ട്രേഷന്‍ ആരംഭിച്ചു

തിരുവനന്തപുരം: സിനിമയെ കുറിച്ച് കൂടുതല്‍ അറിയാനും പഠിക്കാനും താല്‍പര്യമുളളവര്‍ക്കായി മലയാളം ഫിലിം ആന്റ്  ടെലിവിഷന്‍ ചേംബര്‍ ഓഫ് കൊമേഴ്‌സ് വെബിനാര്‍ സംഘടിപ്പിക്കുന്നു. 2021 ജനുവരി 11 മുതല്‍ 14 വരെയാണ് വെബിനാര്‍ നടക്കുന്നത്. സിനിമ, ടെലിവിഷന്‍, അഭിനയം, തിരക്കഥാ രചന, സംവിധാനം, നിര്‍മ്മാണം എന്നീ വിഷയങ്ങളില്‍ പ്രഗത്ഭരായവരാണ് വെബിനാര്‍
നയിക്കുന്നത്.

പതിനെട്ട് വയസ് പൂര്‍ത്തിയായ ഇന്റര്‍നെറ്റ് സൗകര്യമുളളതും കഴിയുന്നതും ലാപ്‌ടോപ് വഴി ഓണ്‍ലൈനായി പങ്കെടുക്കാന്‍ സന്നദ്ധരായവര്‍ക്കും ലോകത്തിന്റെ ഏതു കോണിലിരുന്നും മലയാളത്തിലുളള ഈ വെബിനാറില്‍ പങ്കെടുക്കാം. സിനിമ ടെലിവിഷന്‍ രംഗത്തേക്ക് വരാന്‍ ആഗ്രഹിക്കുന്നവര്‍ക്കും ഇപ്പോള്‍ പ്രവര്‍ത്തിക്കുന്നവര്‍ക്കും സിനിമയെക്കുറിച്ചു കൂടുതല്‍ അറിയാന്‍ ആഗ്രഹിക്കുന്ന ആര്‍ക്കും ഏറെ പ്രയോജനകരമായിരിക്കും നാലുദിവസത്തെ ഈ വെബിനാറുകള്‍. കൂടാതെ വെബിനാറില്‍ പങ്കെടുക്കുന്നവര്‍ക്ക് സര്‍ട്ടിഫിക്കറ്റും ലഭിക്കും.

പരാമവധി 25 പേര്‍ക്കാണ് പ്രവേശനം അനുവദിക്കുക. വെബിനാറില്‍ പങ്കെടുക്കാന്‍ താല്‍പര്യമുളളവര്‍ 100 രൂപ പ്രവേശനാ ഫീസ് അടച്ച്  https://forms.gle/xGXNwGro8wB5amAV8 എന്ന ലിങ്കില്‍ കയറി ഫോം ഓണ്‍ലൈനായി പൂരിപ്പിച്ച് അയക്കുക. ഡിസംബര്‍ 31 നകം അപേക്ഷകള്‍ സമര്‍പ്പിക്കണം. വൈകുന്നേരം 6.30 മുതല്‍ 7.30 വരെയാണ് അപേക്ഷിക്കാനുളള സമയം. ആദ്യം പ്രവേശനഫീസ് അടച്ച് രജിസ്റ്റര്‍ ചെയ്യുന്നവര്‍ക്ക് ആദ്യമെന്ന ക്രമത്തിലായിരിക്കും പ്രവേശനം നല്‍കുക.

പ്രവേശന ഫീസ് അടയക്കേണ്ട അക്കൗണ്ട് വിവരങ്ങള്‍

Beneficiary: Malayalam Film and Television Chamber of Commerce
Bank: Federal Bank Ltd
Branch : Thiruvananthapuram Statue
A/c No. 10300200057562
IFS Code: FDRL0001030
Swift (BIC) Code: FDRLINBB