Web Desk
തമിഴ്നാട്ടില്‍ ആയിരത്തിലധികം നഗരങ്ങളുടെയും ഗ്രാമങ്ങളുടെയും പേരുകള്‍ മാറ്റി. 1018 സ്ഥലപ്പേരുകള്‍ ഇംഗ്ലീഷില്‍നിന്ന് തമിഴ് ഉച്ചാരണത്തിലേക്ക് മാറ്റിയാണ് സര്‍ക്കാര്‍ ഉത്തരവിട്ടത്. വിദഗ്ദ്ധ സമിതിയുടെ ശുപാര്‍ശയിലാണ് തീരുമാനം.
കോയമ്പത്തൂര്‍, വെല്ലൂര്‍ പോലുള്ള പ്രധാന സ്ഥലങ്ങളുടെ പേരുകളിലും മാറ്റം വരുത്തി. കോയമ്പത്തൂരിനെ ഇനി ‘കോയംപുത്തൂര്‍’ എന്നായിരിക്കും വിളിക്കുക. അബംട്ടൂരിനെ ‘അംബത്തൂരാ’യും വെല്ലൂരിനെ ‘വേലൂര്‍’ എന്നാക്കിയും മാറ്റിയിട്ടുണ്ട്. ദിണ്ഡിഗല്‍ ഇനി ‘തിണ്ടുക്കല്‍’ എന്നായിരിക്കും അറിയപ്പെടുക. പെരമ്പൂര്‍-പേരാമ്പൂര്‍, തൊണ്ടിയാര്‍പേട്ട്-തണ്ടിയാര്‍പേട്ടൈ, എഗ്മോര്‍-എഴുമ്പൂര്‍ തുടങ്ങിയ സ്ഥല പേരുകളും മാറും.
