മുംബൈ: ഓഹരി വിപണിയില്‍ കനത്ത ഇടിവ്‌ തുടരുന്നു. സെന്‍സെക്‌സ്‌ 1114 പോയിന്റിന്റെ നഷ്‌ടമാണ്‌ ഇന്ന് രേഖപ്പെടുത്തിയത്‌. നിഫ്‌റ്റി 326 പോയിന്റ്‌ ഇടിവ്‌ നേരിട്ടു.
കനത്ത ഇടിവിനെ തുടര്‍ന്ന്‌ സെന്‍സെക്‌സ്‌ 37,000 പോയിന്റിന്‌ താഴേക്ക്‌ പതിച്ചു. സെന്‍സെക്‌സ്‌ 36.553 പോയിന്റില്‍ വ്യാപാരം അവസാനിപ്പിച്ചു. നിഫ്‌റ്റി 10,805ലാണ്‌ ക്ലോസ്‌ ചെയ്‌തത്‌. നഷ്‌ടത്തോടെ തുടങ്ങിയ വിപണി അതിനു ശേഷം കുത്തനെ ഇടിയുന്ന പ്രവണത തുടരുകയാണ്‌ ചെയ്‌തത്‌. ഓഗസ്റ്റിലെ ഉയര്‍ന്ന നിലയില്‍ നിന്നും നിഫ്‌റ്റി ഏകദേശം ആയിരം പോയിന്റ്‌ ഇടിവാണ്‌ നേരിട്ടത്‌.
സൂചികാധിഷ്‌ഠിത ഓഹരികളില്‍ ഭൂരിഭാഗവും ഇന്ന് നഷ്‌ടത്തിലായിരുന്നു. നിഫ്‌റ്റിയില്‍ ഉള്‍പ്പെട്ട 47 ഓഹരികള്‍ ഇടിവ്‌ നേരിട്ടപ്പോള്‍ 3 ഓഹരികള്‍ മാത്രമാണ്‌ ഉയര്‍ന്നത്‌. ഇന്‍ഫ്രാടെല്‍, സീ ലിമിറ്റഡ്‌, ഹിന്ദുസ്ഥാന്‍ യൂണിലിവര്‍ എന്നിവയാണ്‌ നേട്ടം രേഖപ്പെടുത്തിയ നിഫ്‌റ്റി ഓഹരികള്‍.
ഇന്‍ഡസ്‌ഇന്‍ഡ്‌ ബാങ്ക്‌, ടാറ്റാ മോട്ടോഴ്‌സ്‌, ബജാജ്‌ ഫിനാന്‍സ്‌, ഗ്രാസിം ഇന്റസ്‌ട്രീസ്‌, ടിസിഎസ്‌ എന്നിവയാണ്‌ നിഫ്‌റ്റിയില്‍ ഏറ്റവും നഷ്‌ടം നേരിട്ട ഓഹരികള്‍. ഇന്‍ഡസ്‌ഇന്‍ഡ്‌ ബാങ്ക്‌ 7.45 ശതമാനം ഇടിഞ്ഞു. ടാറ്റാ മോട്ടോഴ്‌സ്‌, ബജാജ്‌ ഫിനാന്‍സ്‌, ഗ്രാസിം ഇന്റസ്‌ട്രീസ്‌, ടിസിഎസ്‌ എന്നിവ അഞ്ച്‌ ശതമാനത്തിലേറെ ഇടിവ്‌ നേരിട്ടു.
ഐടി, മെറ്റല്‍ ഓഹരികളാണ്‌ ശക്തമായ ഇടിവ്‌ നേരിട്ടത്‌. നിഫ്‌റ്റി ഐടി സൂചിക 4.20 ശതമാനവും നിഫ്‌റ്റി മെറ്റല്‍ സൂചിക 4.24 ശതമാനവും ഇടിഞ്ഞു. ബാങ്ക്‌, ഓട്ടോ, ഫാര്‍മ മേഖലകളിലും വില്‍പ്പന സമ്മര്‍ദം ശക്തമായിരുന്നു. നിഫ്‌റ്റി ബാങ്ക്‌ സൂചിക 3.41 ശതമാനവും നിഫ്‌റ്റി ഓട്ടോ സൂചിക 3.54 ശതമാനവും നിഫ്‌റ്റി ഐടി സൂചിക 3.04 ശതമാനവും ഇടിഞ്ഞു.
ഐടി ഓഹരികളായ ടിസിഎസും ടെക്‌ മഹീന്ദ്രയും അഞ്ച്‌ ശതമാനത്തിലേറെ ഇടിവ്‌ നേരിട്ടു. മെറ്റല്‍ ഓഹരികളായ ജിന്റാല്‍ സ്റ്റീല്‍, എന്‍എംഡിസി, നാഷണല്‍ അലൂമിനിയം, സെയില്‍ എന്നീ ഓഹരികളിലും അഞ്ച്‌ ശതമാനത്തിലേറെ ഇടിവുണ്ടായി. ഇന്‍ഡസ്‌ഇന്‍ഡ്‌ ബാങ്ക്‌, ആര്‍ബിഎല്‍ ബാങ്ക്‌, ഫെഡറല്‍ ബാങ്ക്‌ എന്നീ ഓഹരികളിലും അഞ്ച്‌ ശതമാനത്തിലേറെ നഷ്‌ടമുണ്ടായി.
മസ്കറ്റ് : ഇന്ത്യയിൽ ഇലക്ട്രോണിക്ക് വ്യവസായത്തിന്റെ മുഖ്യ ശിൽപ്പികളിൽ പ്രമുഖരായ ബി പി എൽ കമ്പനി യുടെ തുടക്കവും വളർച്ചയും…
മസ്കറ്റ് : ഇന്ത്യയിൽ ഇലക്ട്രോണിക്ക് വ്യവസായത്തിന്റെ മുഖ്യ ശിൽപ്പികളിൽ പ്രമുഖരായ ബി പി എ ൽ കമ്പനി യുടെ തുടക്കവും…
മസ്കറ്റ്: We Help Blood Donor’s Oman ന്റെ നേതൃത്വത്തിൽ, ബ്ലഡ് ഡോണേഴ്സ് കേരളയുടെ സ്ഥാപകനും പ്രസിഡന്റുമായിരുന്ന വിനോദ് ഭാസ്കറിന്റെ…
മസ്‌ക്കറ്റ്: ഒമാനിലെ റൂവി മലയാളി അസോസിയേഷന്റെ ഭാഗമായി പ്രവർത്തിക്കുന്ന വനിതാ വിങിന്റെ നേതൃത്വത്തിൽ അനന്തപുരി ഹോട്ടലിൽ പ്രത്യേക യോഗം നടത്തി.…
മസ്‌ക്കത്ത്: ഇന്ത്യയുടെ 78-ാമത് സ്വാതന്ത്ര്യ ദിനത്തോടനുബന്ധിച്ച് റൂവി മലയാളി അസോസിയേഷനും ദാർസൈറ്റ് ലൈഫ് ലൈൻ ഹോസ്പിറ്റലും സംയുക്തമായി ആരോഗ്യ അവബോധ…
തൃപ്പൂണിത്തുറ: പാറക്കടത്തു കോയിക്കൽ ട്രസ്റ്റ് നടത്തുന്ന 12ാമത് "തൃപ്പൂണിത്തുറ ആസ്ഥാന വിദ്വാൻ പുരസ്‌കാരങ്ങൾ" പ്രഖ്യാപിച്ചു. വായ്‌പ്പാട്ട് വിഭാഗത്തിൽ പ്രൊഫ. തുളസി…
This website uses cookies.