ഡല്‍ഹി: ഡല്‍ഹിയില്‍ വായു മലിനീകരണം നിയന്ത്രിക്കുന്നതിനുളള സ്‌മോഗ് ടവര്‍ പദ്ധതിയില്‍ നിന്നും ബോംബെ ഐഐടി പിന്മാറുന്നതില്‍ രൂക്ഷ വിമര്‍ശനവുമായി സുപ്രീംകോടതി. സൈറ്റ് സന്ദര്‍ശനം നടത്തി ആറുമാസത്തിന് ശേഷം പദ്ധതിയില്‍ നിന്നും പിന്മാറുന്ന ഐഐടിയുടെ ഈ നടപടിയ്ക്ക് കടുത്ത ശിക്ഷ നല്‍കുമെന്ന് സുപ്രീംകോടതി വ്യക്തമാക്കി. ജനുവരിയില്‍ പദ്ധതിയുടെ കരട് ധാരണാ പത്രം തയ്യാറാക്കിയിരുന്നു. കഴിഞ്ഞ ഡിസംബറിലാണ് കേന്ദ്ര സര്‍ക്കാരിനും ഡല്‍ഹി സര്‍ക്കാരിനും സ്‌മോഗ് ടവര്‍ സ്ഥാപിക്കുന്നതിനായി സുപ്രീംകോടതി അനുമതി നല്‍കിയത്. മൂന്ന് മാസത്തിനുളളില്‍ പദ്ധതി പൂര്‍ത്തിയാക്കണമെന്നായിരുന്നു കോടതിയുടെ നിര്‍ദേശം. അതേസമയം നിര്‍മ്മാണം പൂര്‍ത്തിയാക്കാന്‍ കുറഞ്ഞത് ആറു മാസം വേണ്ടി വരുമെന്ന് കേന്ദ്രം സത്യവാങ്മൂലം നല്‍കുകയും ചെയ്തു.
കോടതിയുടെ ഉത്തരവ് വൈകിപ്പിച്ചതിന് ഐഐടി ബോംബെയ്ക്കും മറ്റ് അധികാരികള്‍ക്കും തക്കതായ ശിക്ഷ നല്‍കുമെന്ന് സുപ്രീംകോടതി പറഞ്ഞു. ആറ് മാസത്തിന് ശേഷം സര്‍ക്കാര്‍ പദ്ധതിയില്‍ നിന്നും ഐഐടിയ്ക്ക് എങ്ങനെ പിന്മാറാന്‍ സാധിക്കുമെന്നും കോടതി ചോദിച്ചു. കൂടാതെ ഐഐടിയ്‌ക്കെതിരെ കോടതിയലക്ഷ്യ കേസെടുക്കുമെന്ന് ജസ്റ്റിസ് അരുണ്‍ മിശ്ര പറഞ്ഞു. ഇതുമായി ബന്ധപ്പെട്ട് ഐഐടി ബോംബെ കൃത്യമായ ഉത്തരം നല്‍കണമെന്ന് ജസ്റ്റിസ് അരുണ്‍ മിശ്ര സോളിസിറ്റര്‍ ജനറലിനോട് ആവശ്യപ്പെട്ടു. അരമണിക്കൂറിനുളളില്‍ ബോംബെ ഐഐടി യോട് ഹാജരാകാന്‍ പറഞ്ഞ മിശ്ര സോളിസിറ്റര്‍ ജനറലിന്റെ അഭ്യര്‍ത്ഥന പ്രകാരം കേസ് നാളത്തേക്ക് മാറ്റിവെയ്ക്കുകയായിരുന്നു.
ഐഐടി ബോംബെ പദ്ധതിയില്‍ നിന്ന് പിന്മാറുന്നതായി കാണിച്ച് കത്ത് നല്‍കിയതിനെ തുടര്‍ന്ന് ഡല്‍ഹി ഐഐടിയുമായി സര്‍ക്കാര്‍ ചര്‍ച്ചകള്‍ നടത്തുകയാണെന്നും സോളിസിറ്റര്‍ ജനറല്‍ നേരത്തെ കോടതിയെ അറിയിച്ചിരുന്നു. പദ്ധതിയിലെ ധാരണാ പത്രത്തില്‍ പറഞ്ഞിരിക്കുന്ന വ്യവസ്ഥകള്‍ അംഗീകരിക്കാന്‍ കഴിയില്ലെന്ന് വ്യക്തമാക്കി ജൂലൈ 14 ന് ഐഐടി മെയില്‍ അയച്ചിരുന്നു. ഐഐടിയെയും കേന്ദ്ര മലിനീകരണ നിയന്ത്രണ ബോര്‍ഡിനെയും വിളിച്ച് സര്‍ക്കാര്‍ ചര്‍ച്ച നടത്താന്‍ തീരുമാനിച്ചതിന് തലേദിവസമാണ് ഐഐടി മെയില്‍ അയക്കുന്നത്.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്‌കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്‌കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്‌കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്‌കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.