മുംബൈ: ആഗോള വിപണിയിലെ അനിശ്ചിതത്വത്തെ തുടര്‍ന്ന്‌ തുടര്‍ച്ചയായ മൂന്നാം ദിവസവും ഇന്ത്യന്‍ ഓഹരി വിപണിയില്‍ ഇടിവ്‌. യുഎസ്‌ പ്രസിഡന്റ്‌ തിരഞ്ഞെടുപ്പിന്‌ മുന്നോടിയായുള്ള അനിശ്ചിതത്വമാണ്‌ വിപണിയിലെ ഇടിവ്‌ തുടരാന്‍ കാരണം. സെന്സെക്സ് 135 പോയിന്റും നിഫ്‌റ്റി 28 പോയിന്റും നഷ്‌ടം രേഖപ്പെടുത്തി.
ഇന്നും ഓഹരി വിപണി കടുത്ത ചാഞ്ചട്ടം തുടര്‍ന്നു. രാവിലെ വ്യാപാരം തുടങ്ങിയത്‌ നേട്ടത്തോടെയായിരുന്നു. നിഫ്‌റ്റി 80 പോയിന്റോളം നേട്ടത്തിലേക്ക്‌ നീങ്ങിയെങ്കിലും മുന്നേറ്റം തുടരാനായില്ല. നിഫ്‌റ്റി 11,749 പോയിന്റ് വരെ ഉയര്‍ന്നെങ്കിലും ശക്തമായ ചാഞ്ചാട്ടത്തിനൊടുവില്‍ വ്യാപാരാന്ത്യത്തോടെ 28 പോയിന്റ് നഷ്‌ടം നേരിടുകയായിരുന്നു. 200 പോയിന്റിന്റെ വ്യതിയാനമാണ്‌ ഉയര്‍ന്ന നിലയില്‍ നിന്നും നിഫ്‌റ്റിയിലുണ്ടായത്‌. 11,535 പോയിന്റ് വരെ ഇടിഞ്ഞ നിഫ്‌റ്റിക്ക്‌ 11,550 പോയിന്റില്‍ താങ്ങ്‌ ലഭിച്ചു. നിഫ്‌റ്റി 11,642 പോയിന്റിലാണ്‌ ക്ലോസ്‌ ചെയ്‌തത്‌.
സെന്സെക്സ് 39,614 പോയിന്റിലാണ്‌ ക്ലോസ്‌ ചെയ്‌തത്‌. 39,988 പോയിന്റ് വരെ രാവിലെ ഉയര്‍ന്നിരുന്നു. 39,242 പോയിന്റാണ്‌ ഇന്നത്തെ താഴ്‌ന്ന വ്യാപാര നില.
ഓഹരി സൂചിക ഇടിഞ്ഞെങ്കിലും നിഫ്‌റ്റിയില്‍ ഉള്‍പ്പെട്ട ഭൂരിഭാഗം ഓഹരികളും ഇന്ന് ലാഭം രേഖപ്പെടുത്തി. നിഫ്‌റ്റിയില്‍ ഉള്‍പ്പെട്ട 50 ഓഹരികളില്‍ 27 ഓഹരികള്‍ നേട്ടത്തിലായപ്പോള്‍ 23 ഓഹരികളാണ്‌ നഷ്‌ടം നേരിട്ടത്‌. അദാനി പോര്‍ട്‌സ്‌, ബിപിസിഎല്‍, കോള്‍ ഇന്ത്യ, എന്‍ടിപിസി, സണ്‍ ഫാര്‍മ എന്നിവയാണ്‌ ഇന്ന് ഏറ്റവും ഉയര്‍ന്ന നേട്ടം രേഖപ്പെടുത്തിയ അഞ്ച്‌ നിഫ്‌റ്റി ഓഹരികള്‍. അദാനി പോര്‍ട്‌സ്‌ 4.46 ശതമാനം നേട്ടം രേഖപ്പെടുത്തി. ബിപിസിഎല്‍, കോള്‍ ഇന്ത്യ, എന്‍ടിപിസി, സണ്‍ ഫാര്‍മ എന്നീ ഓഹരികള്‍ രണ്ട്‌ ശതമാനത്തിലേറെ ഉയര്‍ന്നു.
ഓട്ടോ ഓഹരികള്‍ വില്‍പ്പന സമ്മര്‍ദം നേരിട്ടപ്പോള്‍ മെറ്റല്‍ ഓഹരികള്‍ നേട്ടം രേഖപ്പെടുത്തി. ഭാരതി എയര്‍ടെല്‍, ഹീറോ മോട്ടോഴ്‌സ്‌, മാരുതി സുസുകി, എയ്‌ഷര്‍ മോട്ടോഴ്‌സ്‌, ബജാജ്‌ ഫിനാന്‍സ്‌ എന്നിവയാണ്‌ ഉയര്‍ന്ന നഷ്‌ടം രേഖപ്പെടുത്തിയ അഞ്ച്‌ നിഫ്‌റ്റി ഓഹരികള്‍. ഭാരതി എയര്‍ടെല്‍ 4 ശതമാനം നഷ്‌ടം നേരിട്ടു. ഹീറോ മോട്ടോഴ്‌സ്‌, മാരുതി സുസുകി, എയ്‌ഷര്‍ മോട്ടോഴ്‌സ്‌, ബജാജ്‌ ഫിനാന്‍സ്‌ എന്നീ ഓഹരികള്‍ 2 ശതമാനത്തിലേറെ ഇടിഞ്ഞു.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്‌കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്‌കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്‌കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്‌കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.