തായ്ലാന്ഡിലെ വില്ലയില് മരിച്ച നിലയില് കണ്ടെത്തിയ ഓസ്ട്രേലിയന് ഇതിഹാസ താരം ഷെയിന് വോണിന്റെ മൃതദേഹം ഞായറാഴ്ച പോസ്റ്റ്മോര്ട്ടം ചെയ്യും. കോ സമുയ് ദ്വീപിലെ വില്ലയില് ഷെയിന് വോണിനൊപ്പം ഉണ്ടായിരുന്ന മൂന്നു പേരെ പോലീസ് ചോദ്യം ചെയ്തു.
ബാങ്കോക്ക് : ഓസ്ട്രേലിയയുടെ ഇതിഹാസ ക്രിക്കറ്റ് താരം ഷെയിന് വോണിന്റെ മരണവുമായി ബന്ധപ്പെട്ട് തായ് ലാന്ഡ് പോലീസിന്റെ കസ്റ്റഡിയിലുള്ള മൂന്നു പേരെ വിശദമായി ചോദ്യം. ചെയ്തു.
മാര്ച്ച് നാലിന് വെള്ളിയാഴ്ചയാണ് വോണിനെ തായ് ലാന്ഡിലെ ദ്വീപായ കോയി സമുയിലെ വില്ലയില് മരിച്ച നിലയില് കണ്ടെത്തിയത്. ഹൃദയ സ്തംഭനമാണ് മരണ കാരണം എന്ന് സംശയിക്കുന്നതായി റിപ്പോര്ട്ടുകളുണ്ടായിരുന്നു.
കിടക്കയില് രക്തം കണ്ടതായുള്ള റിപ്പോര്ട്ടുകള് സ്ഥിരീകരിച്ചെങ്കിലും പോസ്റ്റ്മോര്ട്ടം റിപ്പോര്ട്ട് ലഭിക്കാതെ മരണ കാരണം സ്ഥിരീകരിക്കാനാവില്ലെന്നാണ് പോലീസ് പറയുന്നത്.
പോലീസ് നടത്തിയ വിശദമായ അന്വേഷണത്തില് വോണ് അടുത്തിടെ കാര്ഡിയോളജിസ്റ്റിനെ സന്ദര്ശിച്ചിരുന്നതായി കണ്ടെത്തി. ഹൃദയ സംബന്ധമായ ചില ആരോഗ്യ പ്രശ്നങ്ങള് വോണിനെ അലട്ടിയിരുന്നു.
ഇതു കൂടാതെ ആസ്തമയ്ക്കും അദ്ദേഹം ചികിത്സ നേടിയിരുന്നു. ഓസ്ട്രേലിയയില് വെച്ചും ഇതേ പ്രശ്നങ്ങളെ തുടര്ന്ന് വോണ് നേരത്തെ ചികിത്സ തേടിയിരുന്നതായി റിപ്പോര്ട്ടുകളുണ്ട്.
വോണിന്റെ മൃതദേഹം ഞായറാഴ്ച പോസ്റ്റ്മോര്ട്ടം ചെയ്യും. മരണകാരണം ഹൃദയ സ്തംഭനമാണെന്നാണ് പ്രാഥമിക നിഗമനം. വോണിനൊപ്പം വില്ലയില് ഉണ്ടായിരുന്നവര് അദ്ദേഹവുമായി ബിസിനസ് ചെയ്യുന്ന ചിലരാണെന്ന് റിപ്പോര്ട്ടുകളുണ്ട്. എന്നാല്, ഇവരെ സംബന്ധിച്ച് കൂടുതല് വിവരങ്ങള് തായ് പോലീസ് പുറത്തു വിട്ടിട്ടില്ല.
വോണിനെ കാണാന് വില്ലയിലെത്തിയ മൂന്നു പേരെയും വിശദമായി പോലീസ് ചോദ്യം ചെയ്തതായും സംശയിക്കേണ്ടതായി യാതൊന്നുമില്ലെന്നും ബോ ഫുത് പോലീസ് സൂപ്രണ്ട് യുതാന സിരിസൊബാറ്റ് പറഞ്ഞു.
വോണിന്റെ മൃതദേഹം ഞായറാഴ്ച തന്നെ ഓസ്ട്രേലിയയിലേക്ക് കൊണ്ടുപോകും. പൊതുദര്ശനത്തിന് വെച്ച ശേഷം ഔദ്യോഗിക ബഹുമതികളോടെ സംസ്കരിക്കും.
ആഡംബര വില്ല റിസോര്ട്ടില് അബോധാവസ്ഥയില് കണ്ടെത്തിയ വോണിനെ ഉടനെ തന്നെ ആശുപത്രിയില് എത്തിച്ചു. 45 മിനിറ്റ് അദ്ദേഹത്തിന്റെ ജീവന് രക്ഷിക്കാനായി ഡോക്ടര്മാര് ശ്രമം നടത്തി. ഇന്ടുബേറ്റ്, സിപിആര് എന്നിവ ചെയ്തു. പക്ഷേ, ഫലം കണ്ടില്ല. പോലീസ് പറയുന്നു
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.