അബുദാബി: അബുദാബിയില്‍ പ്രവേശിക്കാന്‍ ആഗ്രഹിക്കുന്നവര്‍ക്കായി യുഎഇയുടെ വിവിധ ഭാഗങ്ങളില്‍ കൂടുതല്‍ കോവിഡ് റാപ്പിഡ് പരിശോധനാ കേന്ദ്രങ്ങള്‍ തുറന്നു. 50 ദിര്‍ഹമാണ് ചെലവ്. അബുദാബി എമര്‍ജന്‍സി ക്രൈസിസ് ആന്റ് ഡിസാസ്റ്റേഴ്‌സ് കമ്മിറ്റിയുടെ നിര്‍ദേശപ്രകാരം അബുദാബി ആരോഗ്യ വകുപ്പാണ് വിവിധ എമിറേറ്റുകളില്‍ പരിശോധനാ കേന്ദ്രങ്ങള്‍ തുറന്നത്.
അബുദാബിയില്‍ ഗന്‍തൂത്തിലെ ലേസര്‍ സ്‌ക്രീനിങ് സെന്ററിന് പുറമെ സായിദ് സ്‌പോര്‍ട്‌സ് സിറ്റിയിലും കോര്‍ണിഷിലും പരിശോധനാ കേന്ദ്രങ്ങള്‍ തുറന്നിട്ടുണ്ട്. ദുബൈയില്‍ മിന റാശിദ്, അല്‍ ഖവാനീജ് എന്നിവിടങ്ങളിലാണ് പരിശോധനാ കേന്ദ്രങ്ങള്‍. വിവിധ എമിറേറ്റുകളിലെ പരിശോധനാ കേന്ദ്രങ്ങളുടെ വിവരവും പ്രവൃത്തി സമയവും അധികൃതര്‍ സോഷ്യല്‍ മീഡിയയിലൂടെ അറിയിച്ചിട്ടുണ്ട്.
മുന്‍കൂട്ടി അപ്പോയിന്റ്‌മെന്റ് എടുത്ത ശേഷം പരിശോധനാ കേന്ദ്രങ്ങളിലെത്തി രക്ത സാമ്ബിളുകള്‍ നല്‍കുകയാണ് വേണ്ടത്. മിനിറ്റുകള്‍ക്കുള്ളില്‍ ഫലം വരും. നെഗറ്റീവ് റിസള്‍ട്ട് ലഭിക്കുന്നവര്‍ക്ക് 48 മണിക്കൂറിനകം അബുദാബിയില്‍ പ്രവേശിക്കാം. പോസിറ്റീവ് റിസള്‍ട്ടാണ് വരുന്നതെങ്കില്‍ പി സി ആര്‍ പരിശോധനക്ക് മൂക്കില്‍ നിന്നുള്ള സ്രവമെടുക്കും. ഇതിന്റെ ഫലം വരുന്നത് വരെ ക്വാറന്റൈനില്‍ കഴിയണം.
ദ്രുത പരിശോധനാ കേന്ദ്രങ്ങളുടെ സമയക്രമം:
ഗന്‍തൂത്ത്, അല്‍ ഐന്‍, അജ്മാന്‍ എന്നിവിടങ്ങളിലെ കേന്ദ്രങ്ങള്‍ സ്വകാര്യ കമ്പിനിയുടെ കീഴിലും, മറ്റു കേന്ദ്രങ്ങള്‍ അബുദാബി ഹെല്‍ത്ത് സര്‍വീസസ് കമ്പിനിയുടെ (സിഹ) കീഴിലുമാണ് പ്രവര്‍ത്തിക്കുന്നത്. ഇത്തരത്തിലുള്ള ഓരോ പരിശോധനകള്‍ക്കും 50 ദിര്‍ഹമാണ് ഈടാക്കുന്നത്. 5 മിനിറ്റിനകം റിസള്‍ട്ട് ലഭിക്കുമെന്നതാണ് ഈ കേന്ദ്രങ്ങളുടെ പ്രത്യേകത. നിലവില്‍ അബുദാബിയിലേക്ക് പ്രവേശിക്കുന്ന എല്ലാ യു എ ഇ പൗരന്മാര്‍ക്കും, നിവാസികള്‍ക്കും, പ്രവേശിക്കുന്നതിന് മുന്‍പ്, നാഷണല്‍ സ്‌ക്രീനിംഗ് പ്രോഗ്രാമിന്റെ അംഗീകാരമുള്ള ഏതെങ്കിലും ആശുപത്രികളില്‍ നിന്നോ, സ്‌ക്രീനിംഗ് കേന്ദ്രങ്ങളില്‍ നിന്നോ 48 മണിക്കൂറിനുള്ളില്‍ ലഭിച്ച കോവിഡ് -19 നെഗറ്റീവ് റിസള്‍ട്ട് നിര്‍ബന്ധമാക്കിയിട്ടുണ്ട്. ഇത്തരത്തില്‍ ടെസ്റ്റിംഗ് റിസള്‍ട്ട് ആവശ്യമുള്ളവര്‍ക്ക് ഈ കേന്ദ്രങ്ങളില്‍ ഓണ്‍ലൈന്‍ ബുക്കിങ്ങിലൂടെ അനുവാദം നേടിയ ശേഷം (കുടുംബങ്ങള്‍ക്ക് മുന്‍കൂര്‍ ബുക്കിംഗ് ആവശ്യമില്ല) പരിശോധനകള്‍ക്കായി സമീപിക്കാവുന്നതാണ്.
ബുക്കിംഗ്:
ഗന്‍തൂത്ത് https://ghantoot.quantlase.com/appointment/update-details/
അല്‍ ഐനിലെ അല്‍ ഹിലി https://hilli.quantlase.com/appointment/update-details/
എമിറേറ്റ്സ് ഹോസ്പിറ്റാലിറ്റി സെന്റര്‍, അജ്മാന്‍ https://ajman.quantlase.com/appointment/update-details/
മറ്റു കേന്ദ്രങ്ങള്‍ സിഹയുടെ കീഴിലുള്ള കേന്ദ്രങ്ങളില്‍ സിഹ ആപ് ഉപയോഗിച്ച്‌ മുന്‍കൂര്‍ ബുക്കിംഗ് ചെയ്യാവുന്നതാണ്.
മസ്‌കറ്റ്: We Help Blood Donor’s Oman ന്റെ നേതൃത്വത്തിൽ, ബ്ലഡ് ഡോണേഴ്സ് കേരളയുടെ സ്ഥാപകനും പ്രസിഡന്റുമായിരുന്ന വിനോദ് ഭാസ്കറിന്റെ…
മസ്‌ക്കറ്റ്: ഒമാനിലെ റൂവി മലയാളി അസോസിയേഷന്റെ ഭാഗമായി പ്രവർത്തിക്കുന്ന വനിതാ വിങിന്റെ നേതൃത്വത്തിൽ അനന്തപുരി ഹോട്ടലിൽ പ്രത്യേക യോഗം നടത്തി.…
മസ്‌ക്കത്ത്: ഇന്ത്യയുടെ 78-ാമത് സ്വാതന്ത്ര്യ ദിനത്തോടനുബന്ധിച്ച് റൂവി മലയാളി അസോസിയേഷനും ദാർസൈറ്റ് ലൈഫ് ലൈൻ ഹോസ്പിറ്റലും സംയുക്തമായി ആരോഗ്യ അവബോധ…
തൃപ്പൂണിത്തുറ: പാറക്കടത്തു കോയിക്കൽ ട്രസ്റ്റ് നടത്തുന്ന 12ാമത് "തൃപ്പൂണിത്തുറ ആസ്ഥാന വിദ്വാൻ പുരസ്‌കാരങ്ങൾ" പ്രഖ്യാപിച്ചു. വായ്‌പ്പാട്ട് വിഭാഗത്തിൽ പ്രൊഫ. തുളസി…
ദുബൈ ∙ ദ്രവീകൃത പ്രകൃതി വാതകം (എൽ.എൻ.ജി) ഇന്ത്യയിലേക്ക് എത്തിക്കുന്നതിനായി യു.എ.ഇയിലെ അബൂദബിയിലെ ഓയിൽ കമ്പനിയായ അഡ്നോക് ഗ്യാസ്യും ഇന്ത്യയിലെ…
മനാമ : ശൂര കൗൺസിൽ ചെയർമാൻ അലി ബിൻ സാലിഹ് അൽ സാലിഹ്, സ്ഥാനം ഒഴിയുന്ന അമേരിക്കൻ അംബാസഡർ സ്റ്റീവൻ…
This website uses cookies.