മുംബൈ: തുടര്‍ച്ചയായ കുതിപ്പിനു ശേഷം ഓഹരി വിപണിയില്‍ ലാഭമെടുപ്പ്‌ ദൃശ്യമായി. ഇന്നും പുതിയ റെക്കോഡ്‌ സൃഷ്‌ടിച്ചെങ്കിലും പിന്നീട്‌ ചാഞ്ചാട്ടത്തെ തുടര്‍ന്ന്‌ നഷ്‌ടത്തോടെ ക്ലോസ്‌ ചെയ്യുകയായിരുന്നു.
സെന്‍സെക്‌സ്‌ 623 പോയിന്റും നിഫ്‌റ്റി 180 പോയിന്റും ഇടിഞ്ഞു. സെന്‍സെക്‌സ്‌ 43599.02 പോയിന്റിലും നിഫ്‌റ്റി 12,771.50 പോയിന്റിലുമാണ്‌ ക്ലോസ്‌ ചെയ്‌തത്‌. വ്യാപാരത്തനിടെ ചാഞ്ചാട്ടം വളരെ ശക്തമായിരുന്നു. നിഫ്‌റ്റിയില്‍ 200 പോയിന്റിലേറെ വ്യതിയാനം വ്യാപാരത്തിനിടെ ഉണ്ടായി. 12,745പോയിന്റ്‌ ആണ്‌ ഇന്നത്തെ താഴ്‌ന്ന നില. നിഫ്‌റ്റി 12,963 പോയിന്റ്‌ വരെയാണ്‌ ഇന്ന്‌ ഉയര്‍ന്നത്‌.
ഇന്ന്‌ പ്രധാനമായും ഇടിഞ്ഞത്‌ കഴിഞ്ഞ ദിവസങ്ങളില്‍ വിപണിയിലെ കുതിപ്പിനെ നയിച്ച ബാങ്ക്‌ ഓഹരികളാണ്‌. നിഫ്‌റ്റി ബാങ്ക്‌ സൂചിക 3.02 ശതമാനം ഇടിഞ്ഞു. സൂചികാധിഷ്‌ഠിത ഓഹരികളില്‍ ഏറ്റവും ശക്തമായ ഇടിവ്‌ രേഖപ്പെടുത്തിയത്‌ എസ്‌ബിഐ, ആക്‌സിസ്‌ ബാങ്ക്‌, ഐസിഐസിഐ ബാങ്ക്‌ എന്നീ ബാങ്കിംഗ്‌ ഓഹരികളാണ്‌.
പവര്‍ഗ്രിഡ്‌, ഐടിസി, എന്‍ടിപിസി, ടാറ്റാ സ്റ്റീല്‍, ടൈറ്റാന്‍ എന്നിവയാണ്‌ ഏറ്റവും ഉയര്‍ന്ന നേട്ടം രേഖപ്പെടുത്തിയ 5 നിഫ്‌റ്റി ഓഹരികള്‍. പവര്‍ഗ്രിഡ്‌ 2.45 ശതമാനം ഉയര്‍ന്നു. ഐടിസി, എന്‍ടിപിസി, ടാറ്റാ സ്റ്റീല്‍, ടൈറ്റാന്‍ എന്നീ ഓഹരികള്‍ ഒരു ശതമാനത്തിന്‌ മുകളില്‍ നേട്ടം രേഖപ്പെടുത്തി.
നിഫ്‌റ്റിയില്‍ ഉള്‍പ്പെട്ട ഭൂരിഭാഗം ഓഹരികളും ഇന്ന്‌ ഇടിവ്‌ രേഖപ്പെടുത്തി. നിഫ്‌റ്റിയില്‍ ഉള്‍പ്പെട്ട 33 ഓഹരികള്‍ നഷ്‌ടത്തിലായപ്പോള്‍ 17 ഓഹരികളാണ്‌ ലാഭത്തിലായത്‌. എസ്‌ബിഐ, ആക്‌സിസ്‌ ബാങ്ക്‌, ഐസിഐസിഐ ബാങ്ക്‌, എച്ച്‌ഡിഎഫ്‌സി ലൈഫ്, ജെഎസ്‌ഡബ്ല്യു സ്റ്റീല്‍ തുടങ്ങിയ ഓഹരികള്‍ 3 ശതമാനത്തിലേറെ നഷ്‌ടം നേരിട്ടു.
മസ്‌കറ്റ്: We Help Blood Donor’s Oman ന്റെ നേതൃത്വത്തിൽ, ബ്ലഡ് ഡോണേഴ്സ് കേരളയുടെ സ്ഥാപകനും പ്രസിഡന്റുമായിരുന്ന വിനോദ് ഭാസ്കറിന്റെ…
മസ്‌ക്കറ്റ്: ഒമാനിലെ റൂവി മലയാളി അസോസിയേഷന്റെ ഭാഗമായി പ്രവർത്തിക്കുന്ന വനിതാ വിങിന്റെ നേതൃത്വത്തിൽ അനന്തപുരി ഹോട്ടലിൽ പ്രത്യേക യോഗം നടത്തി.…
മസ്‌ക്കത്ത്: ഇന്ത്യയുടെ 78-ാമത് സ്വാതന്ത്ര്യ ദിനത്തോടനുബന്ധിച്ച് റൂവി മലയാളി അസോസിയേഷനും ദാർസൈറ്റ് ലൈഫ് ലൈൻ ഹോസ്പിറ്റലും സംയുക്തമായി ആരോഗ്യ അവബോധ…
തൃപ്പൂണിത്തുറ: പാറക്കടത്തു കോയിക്കൽ ട്രസ്റ്റ് നടത്തുന്ന 12ാമത് "തൃപ്പൂണിത്തുറ ആസ്ഥാന വിദ്വാൻ പുരസ്‌കാരങ്ങൾ" പ്രഖ്യാപിച്ചു. വായ്‌പ്പാട്ട് വിഭാഗത്തിൽ പ്രൊഫ. തുളസി…
ദുബൈ ∙ ദ്രവീകൃത പ്രകൃതി വാതകം (എൽ.എൻ.ജി) ഇന്ത്യയിലേക്ക് എത്തിക്കുന്നതിനായി യു.എ.ഇയിലെ അബൂദബിയിലെ ഓയിൽ കമ്പനിയായ അഡ്നോക് ഗ്യാസ്യും ഇന്ത്യയിലെ…
മനാമ : ശൂര കൗൺസിൽ ചെയർമാൻ അലി ബിൻ സാലിഹ് അൽ സാലിഹ്, സ്ഥാനം ഒഴിയുന്ന അമേരിക്കൻ അംബാസഡർ സ്റ്റീവൻ…
This website uses cookies.