റബ്ബര്‍ ആക്ട് ഭേദഗതി ചെയ്തത് കര്‍ഷകദ്രോഹ നടപടി: ഉമ്മന്‍ ചാണ്ടി

റബ്ബര്‍ മേഖലയുടെ സമസ്ത തലങ്ങളേയും ഗുണപരമായ രീതിയില്‍ നിയന്ത്രിക്കുന്നതിലും കര്‍ഷക ക്ഷേമം ഉറപ്പുവരുത്തുന്നതിലും നിര്‍ണായക പങ്കുവഹിക്കുന്ന റബ്ബര്‍ബോര്‍ഡിന്‍റെ പ്രവര്‍ത്തനങ്ങള്‍ ഇല്ലാതാക്കുന്ന വിധത്തില്‍ 1947ലെ റബ്ബര്‍ ആക്റ്റ് ഭേദഗതി ചെയ്യാനുള്ള കേന്ദ്ര സര്‍ക്കാറിന്‍റെ നീക്കം പ്രതിഷേധാര്‍ഹമാന്നെന്ന് മുന്‍ മുഖ്യമന്ത്രി ഉമ്മന്‍ ചാണ്ടി.

വിലത്തകര്‍ച്ചയും അനിയന്ത്രിതമായ റബ്ബര്‍ ഇറക്കുമതിയും മൂലം ദുരിതമനുഭവിക്കുന്ന റബ്ബര്‍ കര്‍ഷകര്‍ക്ക് കനത്ത ആഘാതമാണ് ഈ നിയമഭേദഗതി. റബ്ബര്‍ കര്‍ഷകരെ ദ്രോഹിക്കുന്ന തെറ്റായ ഈ നടപടിയില്‍ നിന്നും കേന്ദ്രസര്‍ക്കാര്‍ അടിയന്തരമായി പിന്തിരിയണമെന്നു ഉമ്മന്‍ ചാണ്ടി അഭ്യര്‍ത്ഥിച്ചു. ഇക്കാര്യത്തില്‍ സംസ്ഥാന സര്‍ക്കാരിന്‍റെ അടിയന്തര ഇടപെടല്‍ ഉണ്ടാകണമെന്നും ഉമ്മന്‍ ചാണ്ടി മുഖ്യമന്ത്രിയോടും കൃഷി വകുപ്പ് മന്ത്രിയോടും ആവശ്യപ്പെട്ടു.