യു.എ.ഇ മന്ത്രിസഭയില്‍ പുതിയ മന്ത്രിമാരെ പ്രഖ്യാപിച്ച്‌ ദുബായ് ഭരണാധികാരി

 

ഭാവിയെ ലക്ഷ്യമിട്ട് പുതിയ വകുപ്പുകളും മന്ത്രിമാരെയും നിയോഗിച്ച് യുഎഇ മന്ത്രിസഭയിൽ മാറ്റം വരുത്തി. യുഎഇ പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം പുതിയ മന്ത്രിമാരെയും വകുപ്പുകളിലെ മാറ്റങ്ങളും പ്രഖ്യാപിച്ചു. യുഎഇ സർക്കാർ ഇതിന് അംഗീകാരവും നൽകിയെന്ന് ഷെയ്ഖ് മുഹമ്മദ് ട്വിറ്ററിലൂടെ അറിയിച്ചു.

ഭാവിയെ ലക്ഷ്യമിട്ട് പുതിയ കാലത്തിന്‍റെ ആശയങ്ങളും ആവശ്യങ്ങളും അറിഞ്ഞാണ് മന്ത്രിസഭയിലെ അഴിച്ചുപണിയെന്ന് അധികൃതര്‍ വ്യക്തമാക്കി. അബുദാബി കിരീടാവകാശിയും യുഎഇ സായുധ സേനയുടെ ഡെപ്യൂട്ടി സുപ്രീം കമാൻഡറുമായ ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാനുമായി ചർച്ച നടത്തിയ ശേഷമാണ് പുതിയ മന്ത്രി സഭയ്ക്കുള്ള തീരുമാനമെടുത്തത്. രാജ്യത്തിന്‍റെ പുരോഗതിക്കും വികസനത്തിനും വേണ്ടിയാണ് പുതിയ മാറ്റമെന്നും ഷെയ്ഖ് മുഹമ്മദ് പറഞ്ഞു. രണ്ടു വർഷത്തിനുള്ളിൽ യുഎഇയിലെ സർക്കാർ സേവനങ്ങളിൽ പകുതിയും ഡിജിറ്റൽ രീതിയിലാക്കുമെന്നും അദ്ദേഹം വ്യക്തമാക്കി.

പുതിയ മന്ത്രിമാരും വകുപ്പുകളും:

സുൽത്താൻ അൽ ജബാർ: മിനിസ്ട്രി ഓഫ് ഇൻഡ്രസ്ട്രി ആൻഡ് അഡ്വാൻസ്ഡ് ടെക്നോളജി.

സുഹൈൽ അൽ മസൂറി: മിനിസ്ട്രി ഓഫ് എനർജി ആൻഡ് ഇൻഫ്രാസ്ട്രക്ച്ചർ.

അബ്ദുല്ല ബിൻ തൗഖ് അൽ മറി: മിനിസ്റ്റർ ഓഫ് ഇക്കണോമി.

അഹമ്മദ് ബെൽഹൂൽ: മിനിസ്റ്റർ ഓഫ് സ്റ്റേറ്റ് ഫോർ എന്റർപ്രനർഷിപ്പ് ആൻഡ് എസ്എംഇ.

താനി അൽ സെയൂദി: മിനിസ്റ്റർ ഓഫ് സ്റ്റേറ്റ് ഫോർ ഫോറിൻ ട്രേഡ്.

ഷാമ്മ അൽ മസൂറി: യുവജന വകുപ്പ് മന്ത്രി.

നൗറ അൽ ഖാബി: മിനിസ്റ്റർ ഫോർ കൾച്ചറൽ ആൻഡ് യൂത്ത്.

ഉബൗദ് അൽ തയർ: ഹെഡ് ഓഫ് നാഷനൽ സോഷ്യൽ സെക്യൂരിറ്റി ഫണ്ട് അണ്ടർ അംബർലാ ഓഫ് എമിറേറ്റ്സ് ഇൻവെസ്റ്റ്മെന്റ് അതോറിറ്റി.

ഒഹോദ് അൽ റൗമി: മിനിസ്റ്റർ ഓഫ് സ്റ്റേറ്റ് ഫോർ ഗവൺമെന്‍റ് ആൻഡ് ഫ്യൂച്ചർ ഡെവലപ്മെന്‍റ്.

സുൽത്താൻ സുൽത്താൻ അൽ ജാബർ: എമിറേറ്റ്സ് ഡെവലപ്മെന്‍റ് ബാങ്ക് പ്രസിഡന്‍റ്.

ഒമർ അൽ ഉലമ: മിനിസ്റ്റർ ഓഫ് സ്റ്റേറ്റ് ഫോർ ഡിജിറ്റൽ ഇക്കോണമി, ആർട്ടിഫിഷൽ ഇന്റലിജൻസ് ആൻഡ് റിമോർട്ട് വർക്ക് ആപ്ലിക്കേഷൻസ്

ഹമ്മദ് അൽ മൻസൂറി: യുഎഇ ഡിജിറ്റൽ ഗവൺമെന്‍റ് തലവൻ.

അഹമ്മദ് ജുമ അൽ സാബി: മിനിസ്റ്റർ ഓഫ് സുപ്രീം കൗൺസിൽ അഫേഴ്സ്.

ഷെയ്ഖ് നഹ്യാൻ ബിൻ മുബാറക്: മിനിസ്റ്റർ ഓഫ് ടോളറൻസ് ആൻഡ് കോഎക്സിസ്റ്റൻസ്.

∙ മറിയം മുഹമ്മദ് അൽമെഹ്‌രി: മിനിസ്റ്റർ ഓഫ് സ്റ്റേറ്റ് ഫോർ ഫൂഡ് ആൻഡ് വാട്ടർ സെക്യൂരിറ്റി.

അബ്ദുല്ല അൽ നൈഫ് അൽ നൈമി: കാലാവസ്ഥാ മാറ്റം, പരിസ്ഥിതി മന്ത്രി.

സാറ അൽ അമിരി: എമിറേറ്റ്സ് സ്പേസ് ഏജൻസി പ്രസിഡന്‍റ് .

 

സയീദ് അൽ അത്താർ: എമിറേറ്റ്സ് സർക്കാർ മീഡിയ ഓഫീസ് തലവൻ.

ഹൂദ അൽ ഹഷേമി: ഗവൺമെന്‍റ് സ്റ്റാറ്റർജി ആൻഡ് ഇന്നൊവേഷൻ തലവൻ.

മുഹമ്മദ് ഹമ്മദ് അൽ കുവൈത്തി: സൈബർ സെക്യൂരിറ്റി തലവൻ.