ന്യൂഡല്‍ഹി: ഇന്നത്തെ യുവാക്കളുടെ മാനസികാവസ്ഥയുമായി സമന്വയിപ്പിക്കുന്ന സഹജാവബോധം, പ്രവര്‍ത്തനം, പ്രതികരണം എന്നിവയുടെ മേഖലയിലാണ് ആത്മിര്‍ഭര്‍ ഭാരതവുമായി ബന്ധപ്പെട്ട ഏറ്റവും വലിയ പരിവര്‍ത്തനം എന്ന് പ്രധാനമന്ത്രി നരേന്ദ്രമോദി പറഞ്ഞു. വീഡിയോ കോണ്‍ഫറന്‍സിംഗിലൂടെ അസമിലെ തേജ്പൂര്‍ സര്‍വകലാശാലയുടെ പതിനെട്ടാമത് ബിരുദദാന ചടങ്ങിനെ അഭിസംബോധന ചെയ്യുകയായിരുന്നു അദ്ദേഹം.
ആത്മിര്‍ഭര്‍ ഭാരത് അഭിയാന്‍ എന്ന ആശയം പ്രധാനമന്ത്രി വിശദീകരിച്ചു. ഈ പ്രസ്ഥാനം വിഭവങ്ങള്‍, ഭൗതിക അടിസ്ഥാന സൗകര്യങ്ങള്‍, സാങ്കേതികവിദ്യ, സാമ്പത്തിക, തന്ത്രപരമായ ശക്തി എന്നിവയിലെ മാറ്റത്തെക്കുറിച്ചാണെങ്കിലും, ഏറ്റവും വലിയ പരിവര്‍ത്തനം ഇന്നത്തെ യുവാക്കളുടെ മാനസികാവസ്ഥയുമായി സമന്വയിപ്പിക്കുന്ന സഹജാവബോധം, പ്രവര്‍ത്തനം, പ്രതികരണം എന്നിവയുടെ മേഖലയിലാണ്.ഇന്നത്തെ യുവ ഇന്ത്യയ്ക്ക് വെല്ലുവിളികള്‍ ഏറ്റെടുക്കുന്നതിന് സവിശേഷമായ ഒരു മാര്‍ഗമുണ്ടെന്ന് പ്രധാനമന്ത്രി പറഞ്ഞു.
ഓസ്ട്രേലിയയിലെ യുവ ഇന്ത്യന്‍ ക്രിക്കറ്റ് ടീമിന്റെ സമീപകാല പ്രകടനത്തെ അദ്ദേഹം ചൂണ്ടിക്കാട്ടി. ഇന്ത്യന്‍ ക്രിക്കറ്റ് ടീം നിരവധി വെല്ലുവിളികള്‍ നേരിട്ടു. ആദ്യം വന്‍പരാജയം ഏറ്റുവാങ്ങിയെങ്കിലും തുല്യ വേഗത്തില്‍ തിരിച്ചുവന്ന് അടുത്ത മത്സരത്തില്‍ വിജയിക്കുകയും ചെയ്തു. പരിക്കുകള്‍ക്കിടയിലും കളിക്കാര്‍ ദൃഢനിശ്ചയം പ്രകടമാക്കി. അവര്‍ വെല്ലുവിളി നേരിടുകയും ബുദ്ധിമുട്ടുള്ള സാഹചര്യങ്ങളില്‍ നിരാശരാകുന്നതിന് പകരം പുതിയ പരിഹാരങ്ങള്‍ തേടുകയും ചെയ്തു. അനുഭവപരിചയമില്ലാത്ത കളിക്കാരുണ്ടായിരുന്നുവെങ്കിലും അവരുടെ മനോവീര്യം ഉയര്‍ന്നതിനാല്‍ അവര്‍ക്ക് ലഭിച്ച അവസരം അവര്‍ പ്രയോജനപ്പെടുത്തി. അവരുടെ കഴിവും സ്വഭാവവും കൊണ്ട് മികച്ച ടീമിനെ അവര്‍ കീഴടക്കി.
കായിക മേഖലയുടെ കാഴ്ചപ്പാടില്‍ നിന്ന് മാത്രമല്ല നമ്മുടെ കളിക്കാരുടെ ഈ മികച്ച പ്രകടനം പ്രധാനപ്പെട്ടതെന്ന് പ്രധാനമന്ത്രി ഊന്നിപ്പറഞ്ഞു. പ്രകടനത്തില്‍ നിന്നുള്ള പ്രധാന ജീവിത പാഠങ്ങള്‍ മോദി എടുത്ത് കാട്ടി . ആദ്യം നമ്മുടെ കഴിവില്‍ വിശ്വാസവും ആത്മധൈര്യവും ഉണ്ടായിരിക്കണം. രണ്ടാമതായി, സകാരാത്മകമായ ഒരു മാനസികാവസ്ഥ അത്തരംഫലങ്ങള്‍ ജനിപ്പിക്കുന്നു. മൂന്നാമത്തേതും ഏറ്റവും പ്രധാനപ്പെട്ടതുമായ പാഠം – ഒന്ന് രണ്ട് സാധ്യതകള്‍ അഭിമുഖീകരിക്കുന്നുവെങ്കില്‍, ഒന്ന് സുരക്ഷിതവും മറ്റൊന്ന് ബുദ്ധിമുട്ടുള്ള വിജയത്തിന്റെ സാധ്യതയുമാണെങ്കില്‍, ഒരാള്‍ തീര്‍ച്ചയായും വിജയത്തിന്റെ സാധ്യത പര്യവേക്ഷണം ചെയ്യണം. വല്ലപ്പോഴുമുള്ള പരാജയത്തില്‍ ഒരു ദോഷവും ഇല്ല, അപകടസാധ്യതകള്‍ ഏറ്റെടുക്കുന്നതില്‍ നിന്ന് വിട്ടുനില്‍ക്കരുത്. നാം സജീവവും നിര്‍ഭയരുമായിരിക്കണം. പരാജയഭയം, അനാവശ്യ സമ്മര്‍ദ്ദം എന്നിവ മറികടന്നാല്‍ നാം നിര്‍ഭയരായി ഉയര്‍ന്നുവരും. ആത്മവിശ്വാസവും ലക്ഷ്യങ്ങള്‍ക്കായി സമര്‍പ്പിതവുമായ ഈ പുതിയ ഇന്ത്യ ക്രിക്കറ്റ് രംഗത്ത് മാത്രമല്ല പ്രകടമാകുന്നതെന്നും, നിങ്ങള്‍ എല്ലാവരും ഈ ചിത്രത്തിന്റെ ഭാഗമാണെന്നും പ്രധാനമന്ത്രി വിദ്യാര്‍ത്ഥികളോട് പറഞ്ഞു.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്‌കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്‌കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്‌കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്‌കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.