കെ.അരവിന്ദ്‌
കുട്ടികളുടെ പേരില്‍ പ്രത്യേകമായി നിക്ഷേപം നടത്തുന്നതിന്‌ മുന്‍കാലങ്ങളിലേതിനേക്കാള്‍ മാതാപിതാക്കള്‍ താല്‍പ്പര്യം കാട്ടുന്നുണ്ട്‌. കുട്ടികളുടെ പേരില്‍ സേവിംഗ്‌സ്‌ അക്കൗണ്ടുകള്‍ തുറയ്‌ക്കുന്നതും പിപിഎഫ്‌, സുകന്യ സമൃദ്ധി യോജന തുടങ്ങിയ പദ്ധതികളില്‍ നിക്ഷേപിക്കുന്നതും സാധാരണമായിട്ടുണ്ട്‌.
ജന്മദിനങ്ങളിലും ഉത്സവാവസരങ്ങളിലും മികച്ച മാര്‍ക്ക്‌ നേടിയ വേളകളിലുമൊക്കെ മാതാപിതാക്കളും ഉറ്റബന്ധുക്കളും സമ്മാനമായി നല്‍കുന്ന പണം പിഗ്ഗി ബാങ്കില്‍ അലസമായിടുന്നതിന്‌ പകരം സേവിംഗ്‌സ്‌ അക്കൗണ്ടുകളിലിടുന്ന രീതി വ്യാപകമായിട്ടുണ്ട്‌.
സേവിംഗ്‌സ്‌ അക്കൗണ്ടുകളിലിടുന്ന ഇ ങ്ങനെയുള്ള പണം ഫലപ്രദമായി മികച്ച റി ട്ടേണ്‍ കിട്ടുന്ന രീതിയില്‍ നിക്ഷേപിക്കുന്നതിന്‌ അനുയോജ്യമായ മാര്‍ഗമാണ്‌ മ്യൂച്വല്‍ ഫണ്ടുകള്‍. പിപിഎഫ്‌, സുകന്യ സമൃദ്ധി യോജന തുടങ്ങിയ പദ്ധതികളുടെ പലിശനിരക്ക്‌ ഭാവിയില്‍ കുറയാനുള്ള സാധ്യത നിലനില്‍ക്കെ മ്യൂച്വല്‍ ഫണ്ടുകള്‍ പോലുള്ള ഓഹരി ബ ന്ധിത നിക്ഷേപ മാര്‍ഗങ്ങള്‍ അവലംബിക്കുന്നത്‌ ദീര്‍ഘകാലാടിസ്ഥാനത്തില്‍ മികച്ച റിട്ടേണ്‍ ലഭിക്കുന്നതിന്‌ സഹായകമാകും.
റിസ്‌ക്‌ കുറഞ്ഞ പ്രായത്തിലാണ്‌ ഓഹരി ബന്ധിത നിക്ഷേപം നടത്താന്‍ ഏറ്റവും അനുയോജ്യമെന്നിരിക്കെ കുട്ടികളുടെ പേരില്‍ നിക്ഷേപിക്കാന്‍ തിരഞ്ഞെടുക്കാവുന്ന ഏറ്റവും മികച്ച നിക്ഷേപമാര്‍ഗമാണ്‌ മ്യൂച്വല്‍ ഫണ്ടുകളുടെ ഇക്വിറ്റി സ്‌കീമുകള്‍.
മ്യൂച്വല്‍ ഫണ്ടുകളില്‍ കുട്ടികളുടെ പേരി ല്‍ നിക്ഷേപിക്കാവുന്ന ഏറ്റവും കുറഞ്ഞ തു ക 500 രൂപയാണ്‌. പ്രായപൂര്‍ത്തിയാകാത്ത കു ട്ടികളുടെ പേരില്‍ ഏത്‌ ഫണ്ട്‌ ഹൗസിന്റെ ഏ ത്‌ സ്‌കീമിലും നിക്ഷേപം നടത്താവുന്നതാണ്‌. ഇത്തരം നിക്ഷേപങ്ങളില്‍ കുട്ടിയായിരിക്കും ഏക അക്കൗണ്ട്‌ ഉടമ. സംയുക്ത അ ക്കൗണ്ട്‌ ഉടമയെ കൂടി ഉള്‍പ്പെടുത്തുന്നത്‌ ഇ ത്തരം നിക്ഷേപങ്ങളില്‍ അനുവദനീയമല്ല.
നിക്ഷേപം ആരംഭിക്കുമ്പോള്‍ കുട്ടിയുടെ ജനനതീയതിയും വയസും രേഖപ്പെടുത്തിയിരിക്കണം. കുട്ടിയുടെ ജനന തീയതി തെളിയിക്കുന്ന രേഖയും രക്ഷിതാവിനെ സംബന്ധി ച്ച വിവരങ്ങളും ഒപ്പം നല്‍കേണ്ടതുണ്ട്‌. ജനന സര്‍ട്ടിഫിക്കറ്റ്‌, പാസ്‌പോര്‍ട്ട്‌ തുടങ്ങിയവ ജനന തീയതി തെളിയിക്കുന്ന രേഖയായി സമര്‍ പ്പിക്കാം.
പ്രായപൂര്‍ത്തിയാകാത്ത കുട്ടികളുടെ പേ രില്‍ സിസ്റ്റമാറ്റിക്‌ ഇന്‍വെസ്റ്റ്‌മെന്റ്‌ പ്ലാന്‍ (എസ്‌ഐപി) വഴി നിക്ഷേപം ആരംഭിക്കാനും സാധിക്കും. കുട്ടി പ്രായപൂര്‍ത്തിയാകുന്നതു വരെ മാത്രമേ എസ്‌ഐപി തുടരാനാകൂ. 18 വയസ്‌ പൂര്‍ത്തിയായതിനു ശേഷമുള്ള കാലയളവിലും എസ്‌ഐപി തുടരുന്ന രീതിയിലാണ്‌ ആദ്യം അപേക്ഷ നല്‍കിയതെങ്കില്‍ പോലും 18 വയസ്‌ വരെ മാത്രമേ എസ്‌ഐപി തുടരാനാകൂ.
പ്രായപൂര്‍ത്തിയാകാത്ത കുട്ടികളുടെ പേ രില്‍ എസ്‌ഐപി പോലെ സിസ്റ്റമാറ്റിക്‌ ട്രാന്‍സ്‌ഫര്‍ പ്ലാന്‍ (എസ്‌ടിപി) വഴിയും നിക്ഷേപം ആരംഭിക്കാന്‍ സാധിക്കും. ഒരു ലിക്വിഡ്‌ ഫണ്ടില്‍ നിന്നും പണം എല്ലാ മാസവും ഇക്വിറ്റി ഫണ്ടിലേക്ക്‌ ട്രാന്‍സ്‌ഫര്‍ ചെയ്‌ത്‌ നിക്ഷേപിക്കുന്ന രീതിയാണ്‌ എസ്‌ടിപി.
കുട്ടിക്ക്‌ 18 വയസ്‌ പൂര്‍ത്തിയായാല്‍ എസ്‌ഐപി, എസ്‌ടിപി തുടങ്ങിയവ നിര്‍ത്തലാക്കപ്പെടും. യൂണിറ്റ്‌ ഉടമയ്‌ക്ക്‌ പ്രായപൂര്‍ത്തിയാകുന്നതിന്‌ തൊട്ടുമുമ്പായി ഫണ്ട്‌ ഹൗസ്‌ നോട്ടീസ്‌ അയച്ചിരിക്കും. ഫോളിയോയിലെ സ്റ്റാറ്റസ്‌ മൈനര്‍ എന്ന നിലയില്‍ നിന്നും മേജര്‍ എന്ന്‌ മാറ്റുന്നതിനായി മതിയായ രേഖകള്‍ സഹിതം അപേക്ഷ നല്‍കേണ്ടതുണ്ട്‌. ഇക്കാര്യം നിര്‍ദേശിച്ചുകൊണ്ടായിരിക്കും ഫണ്ട്‌ ഹൗസ്‌ നോട്ടീസ്‌ അയക്കുന്നത്‌. കെ വൈ സി അക്‌നോളജ്‌മെന്റ്‌ ലെറ്ററും ഇതിനോടൊപ്പം സമര്‍പ്പിക്കേണ്ടതുണ്ട്‌.
മസ്കറ്റ് : ഇന്ത്യയിൽ ഇലക്ട്രോണിക്ക് വ്യവസായത്തിന്റെ മുഖ്യ ശിൽപ്പികളിൽ പ്രമുഖരായ ബി പി എൽ കമ്പനി യുടെ തുടക്കവും വളർച്ചയും…
മസ്കറ്റ് : ഇന്ത്യയിൽ ഇലക്ട്രോണിക്ക് വ്യവസായത്തിന്റെ മുഖ്യ ശിൽപ്പികളിൽ പ്രമുഖരായ ബി പി എ ൽ കമ്പനി യുടെ തുടക്കവും…
മസ്കറ്റ്: We Help Blood Donor’s Oman ന്റെ നേതൃത്വത്തിൽ, ബ്ലഡ് ഡോണേഴ്സ് കേരളയുടെ സ്ഥാപകനും പ്രസിഡന്റുമായിരുന്ന വിനോദ് ഭാസ്കറിന്റെ…
മസ്‌ക്കറ്റ്: ഒമാനിലെ റൂവി മലയാളി അസോസിയേഷന്റെ ഭാഗമായി പ്രവർത്തിക്കുന്ന വനിതാ വിങിന്റെ നേതൃത്വത്തിൽ അനന്തപുരി ഹോട്ടലിൽ പ്രത്യേക യോഗം നടത്തി.…
മസ്‌ക്കത്ത്: ഇന്ത്യയുടെ 78-ാമത് സ്വാതന്ത്ര്യ ദിനത്തോടനുബന്ധിച്ച് റൂവി മലയാളി അസോസിയേഷനും ദാർസൈറ്റ് ലൈഫ് ലൈൻ ഹോസ്പിറ്റലും സംയുക്തമായി ആരോഗ്യ അവബോധ…
തൃപ്പൂണിത്തുറ: പാറക്കടത്തു കോയിക്കൽ ട്രസ്റ്റ് നടത്തുന്ന 12ാമത് "തൃപ്പൂണിത്തുറ ആസ്ഥാന വിദ്വാൻ പുരസ്‌കാരങ്ങൾ" പ്രഖ്യാപിച്ചു. വായ്‌പ്പാട്ട് വിഭാഗത്തിൽ പ്രൊഫ. തുളസി…
This website uses cookies.