എംഎം ഹസന്റെ പ്രസ്താവന ബാലിശം: എ വിജയരാഘവന്‍

തിരുവനന്തപുരം: എംഎം ഹസന്റെ പ്രസ്താവന ബാലിശമെന്ന് സിപിഐഎം സംസ്ഥാന സെക്രട്ടറി എ വിജയരാഘവന്‍. നടന്നുകൊണ്ടിരിക്കുന്ന കോവിഡ് പ്രതിരോധ പ്രവര്‍ത്തനങ്ങളാണ് മുഖ്യമന്ത്രി വിശദീകരിച്ചത്. കോവിഡ് ചികിത്സയുമായി സര്‍ക്കാര്‍ നടത്തുന്ന പദ്ധതികളുടെ ഭാഗമാണ് വാക്‌സിന്‍ വിതരണം. മുഖ്യമന്ത്രിയുടെ പ്രസ്താവന കോവിഡ് ചികിത്സയുടെ ഭാഗമെന്നും വിജയരാഘവന്‍ പറഞ്ഞു.

കോവിഡ് വാക്‌സിന്‍ സൗജന്യമായി നല്‍കുമെന്ന മുഖ്യമന്ത്രിയുടെ പ്രഖ്യാപനം ചട്ടലംഘനമാണോയെന്ന് തെരഞ്ഞെടുപ്പ് കമ്മീഷന്റെ തീരുമാനിക്കട്ടെ എന്ന് ആനത്തലവട്ടം ആനന്ദന്‍ പറഞ്ഞു. അസാധാരണ സാഹചര്യത്തില്‍ ജനങ്ങള്‍ക്ക് ആശ്വാസമാകുന്നതിന് വേണ്ടിയാണ് മുഖ്യമന്ത്രിയുടെ പ്രസ്താവനയെന്നും ആനത്തലവട്ടം പറഞ്ഞു.