ചെന്നൈ: ഐപിഎല്‍ താരലേലത്തില്‍ ഓസ്‌ട്രേലിയന്‍ ഓള്‍റൗണ്ടര്‍ ഗ്ലെന്‍ മാക്‌സ് വെല്ലിനും ദക്ഷിണാഫ്രിക്കന്‍ ഓള്‍റൗണ്ടര്‍ ക്രിസ് മോറിസിനും വീണ്ടും പൊന്നും വില. 14.25 കോടി രൂപയ്ക്ക് ബംഗളൂരു റോയല്‍ ചലഞ്ചേഴ്‌സ് മാക്‌സ് വെല്ലിനെ ടീമിലെത്തിച്ചു. ചെന്നൈ സൂപ്പര്‍ കിംഗ്‌സും ശക്തമായി മാക്‌സ്വെല്ലിനായി രംഗത്തുണ്ടായിരുന്നു. കഴിഞ്ഞ സീസണില്‍ നിറംമങ്ങിയ ഓസീസ് താരത്തെ പഞ്ചാബ് ഒഴിവാക്കിയതോടെയാണ് ലേലത്തില്‍ ഇത്തവണ ലേലത്തില്‍ വന്നത്.
16.25 കോടി രൂപ ലഭിച്ച ക്രിസ് മോറിസ് ഐപിഎല്‍ താരലേല ചരിത്രത്തില്‍ ഏറ്റവും അധികം തുക നേടിയ കളിക്കാരനായി. 16 കോടി രൂപയ്ക്ക് ലേലത്തില്‍ പോയ യുവരാജ് സിംഗിന്റെ റിക്കോര്‍ഡാണ് പഴങ്കഥയായത്. മോറിസിനായി പഞ്ചാബും രാജസ്ഥാനും മത്സരിച്ച് വിളിച്ചതോടെയാണ് താരത്തിന്റെ വില കുത്തനെ ഉയര്‍ന്നത്. ഒടുവില്‍ റിക്കോര്‍ഡ് വിലയ്ക്ക് രാജസ്ഥാന്‍ മോറിസിനെ സ്വന്തമാക്കുകയായിരുന്നു.
ഇംഗ്ലീഷ് ഓള്‍റൗണ്ടര്‍ മൊയില്‍ അലിയെ ഏഴ് കോടിക്ക് ടീമിലെത്തിച്ച ചെന്നൈയുടെ നീക്കം അപ്രതീക്ഷിതമായിരുന്നു. പഞ്ചാബ് കിംഗ്‌സും താരത്തിനായി ശക്തമായി ലേലത്തില്‍ പങ്കെടുത്തു. രാജസ്ഥാന്‍ ഒഴിവാക്കിയ ഓസീസ് മുന്‍ നായകന്‍ സ്റ്റീവ് സ്മിത്തിനെ 2.20 കോടിക്ക് ഡല്‍ഹി ക്യാപ്പിറ്റല്‍സ് ടീമിലെത്തിച്ചു.
താരലേലത്തില്‍ മലയാളി താരങ്ങളും തിളങ്ങി. മുഹമ്മദ് അസ്ഹറുദീനെ റോല്‍ ചലഞ്ചേഴ്‌സ് ബാംഗ്ലൂര്‍ ടീമിലെത്തിച്ചു. വിക്കറ്റ് കീപ്പര്‍ വിഷ്ണു വിനോദിനെ ഡല്‍ഹി ക്യാപിറ്റല്‍സ് സ്വന്തമാക്കി. സച്ചിന്‍ ബേബിയും ബാംഗ്ലൂര്‍ ടീമിലാണ്. മൂവരെയും 20 ലക്ഷം രൂപയ്ക്കാണ് ടീമുകള്‍ സ്വന്തമാക്കിയത്.
കരുണ്‍ നായര്‍, അലക്‌സ് ഹെയില്‍സ്, ആരോണ്‍ ഫിഞ്ച്, എവിന്‍ ലൂയിസ്, ഹനുമ വിഹാരി, ജസണ്‍ റോയ് എന്നിവരെയൊന്നും ആദ്യ റൗണ്ടില്‍ ലേലത്തില്‍ പോയില്ല.
ബംഗ്ലാദേശ് ഓള്‍റൗണ്ടര്‍ സാക്കിബ് അല്‍ ഹസനെ 3.20 കോടിക്ക് കോല്‍ക്കത്ത നൈറ്റ് റൈഡേഴ്‌സും ഇന്ത്യന്‍ ഓള്‍റൗണ്ടര്‍ ശിവം ദുബെയ്ക്ക് 4.40 കോടി നല്‍കി രാജസ്ഥാനും ടീമിലെത്തിച്ചു. 1.50 കോടി അടിസ്ഥാന വിലയുണ്ടായിരുന്ന ഇംഗ്ലീഷ് ബാറ്റ്‌സ്മാന്‍ ഡേവിഡ് മലന്‍ അതേവിലയ്ക്ക് പഞ്ചാബ് കിംഗ്‌സിന്റെ ഭാഗമായി.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്‌കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്‌കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്‌കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്‌കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.