ഡല്ഹി: അണ്ലോക്ക് നാലാംഘട്ടത്തിന്റെ ഭാഗമായി രാജ്യത്ത് കൂടുതല് ഇളവുകള് അനുവദിച്ചു. അഞ്ച് മാസമായി അടഞ്ഞുകിടന്ന വിദ്യാലയങ്ങള് ഇന്ന് മുതല് തുറക്കും. ആന്ധ്രാപ്രദേശ്, അസം, ഹരിയാന, ജമ്മു കശ്മീര്, കര്ണാടക പഞ്ചാബ് എന്നീ ആറ് സംസ്ഥാനങ്ങളിലെ സ്കൂളുകള് തുറന്നു. 9 മുതല് 12 വരെയുള്ള ക്ലാസുകളാണ് പ്രവര്ത്തിക്കുന്നത്. അതേസമയം, കണ്ടെയ്ന്മെന്റ് സോണുകളില് സ്കൂളുകള് തുറക്കാന് അനുവാദമില്ല.
ക്ലാസിലെത്തുന്ന വിദ്യാര്ഥികള്ക്ക് രക്ഷിതാക്കളുടെ അനുമതിപത്രം നിര്ബന്ധമാണ്. സ്കൂളുകളില് സാമൂഹ്യ അകലം അടക്കമുള്ളവ ഉറപ്പാക്കുന്നത് സംബന്ധിച്ച മാര്ഗനിര്ദ്ദേശങ്ങള് സെക്കന്ഡറി വിദ്യാഭ്യാസ വകുപ്പ് പുറത്തിറക്കിയിട്ടുണ്ട്. അടുത്ത 15 ദിവസത്തേക്ക് സാധാരണ നിലയില് ക്ലാസുകള് നടക്കും. 15 ദിവസത്തിനുശേഷം സ്ഥിതിഗതികള് വിലയിരുത്തിയശേഷം സ്കൂളുകള് തുറന്ന് പ്രവര്ത്തിക്കണോ എന്നകാര്യം തീരുമാനിക്കും. സ്വകാര്യ സ്കൂളുകള് തുറക്കുന്ന കാര്യത്തില് മാനേജ്മെന്റിന് തീരുമാനമെടുക്കാം. വിദ്യാര്ഥികള്ക്ക് ഹാജര് നിര്ബന്ധമായിരിക്കില്ല.
ഒമ്പത്, 12 ക്ലാസുകളിലെ വിദ്യാര്ഥികള്ക്ക് തിങ്കള്, ബുധന്, വെള്ളി ദിവസങ്ങളിലും പത്ത്, 11 ക്ലാസുകളിലെ വിദ്യാര്ഥികള്ക്ക് ചൊവ്വ, വ്യാഴം, ശനി ദിവസങ്ങളിലുമായിരിക്കും ക്ലാസുകള്. ഓരോ ക്ലാസുകളിലെയും കുട്ടികളുടെ എണ്ണം 20 താഴെ ആയിരിക്കും.ഇതിനനുസരിച്ച് ക്ലാസുകള് ക്രമീകരിക്കണം. ആദ്യ ബാച്ചിന് രാവിലെ ഒന്പത് മുതല് 12 വരെയും രണ്ടാമത്തെ ബാച്ചിന് ഉച്ചയ്ക്ക് ഒന്നു മുതല് വൈകീട്ട് നാലു വരെയുമാവും ക്ലാസ്. ക്ലാസുകള് തിങ്കളാഴ്ച മുതല് തുറക്കണമെന്ന് നിര്ബന്ധമില്ലെന്നും ഇക്കാര്യത്തില് സംസ്ഥാന സര്ക്കാരുകള്ക്ക് തീരുമാനം എടുക്കാമെന്നുമാണ് മാര്ഗനിര്ദേശത്തില് കേന്ദ്രസര്ക്കാര് വ്യക്തമാക്കിയിരുന്നത്.
അതേസമയം, പൊതുചടങ്ങ് നടത്തുന്നതിലും ഇളവുകള് പ്രഖ്യാപിച്ചിട്ടുണ്ട്. വിവാഹം, മരണാനന്തര ചടങ്ങുകള് എന്നിവയിലും 100 പേര്ക്ക് പങ്കെടുക്കാം.സാമൂഹിക, അക്കാദമിക, കായിക, വിനോദ, സാംസ്കാരിക, മത, രാഷ്ട്രീയ ചടങ്ങുകള്ക്കാണ് ഇന്നു മുതല് അനുമതി ലഭിക്കുക. ഓപ്പണ് എയര് തീയേറ്ററുകള്ക്കും ഇന്നുമുതല് പ്രവര്ത്തനാനുമതി ഉണ്ട്. മാസ്ക്, സാമൂഹിക അകലം, തെര്മല് സ്കാനിങ്, സാനിറ്റൈസര് എന്നിവ നിര്ബന്ധമാണ്.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.