നാലരവര്ഷത്തില് ദേവസ്വം ബോര്ഡുകള്ക്കായി സംസ്ഥാന എല്ഡിഎഫ് സര്ക്കാര് നീക്കിവച്ചത് 1828.99 കോടി രൂപ. ശബരിമല വികസനത്തിനും തിരുവിതാംകൂര്, മലബാര് ദേവസ്വം ബോര്ഡുകള്ക്കുമായാണ് വകയിരുത്തല്. ബജറ്റിലും പുറത്തും പണം കണ്ടെത്തുകയായിരുന്നു. യുഡിഎഫ് സര്ക്കാര് അഞ്ചുവര്ഷം വകയിരുത്തിയത് 456 കോടി രൂപ മാത്രം.
തിരുവിതാംകൂര് ദേവസ്വം ബോര്ഡിനുകീഴില് ശബരിമല വികസനത്തിനായി നാലുവര്ഷത്തില് 1255.32 കോടി രുപ ചെലവിട്ടു. 2016-17ല് 129.80 കോടി, 2017-18ല് 186.22 കോടി, 2018-19ല് 200.30 കോടി, 2019-20ല് 739 കോടി എന്നിങ്ങനെ വിനിയോഗിച്ചു. യുഡിഎഫ് കാലത്ത് അഞ്ചുവര്ഷത്തെ ചെലവ് 341.22 കോടി.
ശബരിമല മാസ്റ്റര് പ്ലാനായി 2016-17ല് 25 കോടിയും 2017-18ല് 25 കോടിയും 2018-19, 2019-20 വര്ഷങ്ങളില് 28കോടി വീതവും 2020-21ല് 29.9 കോടിയും അനുവദിച്ചു. ആകെ 135.9 കോടി. യുഡിഎഫ് സര്ക്കാര് അഞ്ചുവര്ഷം നല്കിയത് 115 കോടിയും. ശബരിമലയിലെ വരുമാന കുറവ് നികത്താനായി 100 കോടി രൂപ ബജറ്റില് നീക്കിവച്ചു. മൂന്നു ഗഡുവായി 50 കോടി കൈമാറി. ശബരിമല ഇടത്താവളസമുച്ചയം പദ്ധതിക്കായി 100 കോടി രൂപയുടെയും നിലയ്ക്കല് ബേസ് ക്യാമ്പ് വികസനത്തിന് 50 കോടിയുടെയും കിഫ്ബി ധനസഹായം നല്കുന്നു.
ശബരിമലയില് എട്ടുകോടി രൂപയില് 50 ലക്ഷം ലിറ്ററിന്റെ നാല് വാട്ടര് ടാങ്കും 12 കോടിയില് 54 മുറിയുള്ള ദര്ശന് കോപ്ലക്സും നാലു കോടിയില് വലിയനടപ്പന്തലിന്റെ നവീകരണവും 5.5 കോടിയില് ആധുനിക സജ്ജീകരണമുള്ള പുതിയ ആശുപത്രിയും നിര്മിച്ചു.
മലബാര് ദേവസ്വം ബോര്ഡിന് അഞ്ചുവര്ഷം അനുവദിച്ചത് 157.27 കോടി രൂപ. ആറു ജില്ലയിലായി 1363 ക്ഷേത്രമാണ് ബോര്ഡിനു കീഴിലുള്ളത്. ഏഴായിരത്തോളം ജീവനക്കാരുമുണ്ട്. 196 ക്ഷേത്രത്തില് മാത്രമാണ് പ്രവര്ത്തനത്തിന് ആവശ്യമായ വരുമാനം ലഭിക്കുന്നത്.
2016-17ല് 45.42 കോടിയും 2017-18ല് 26.78 കോടിയും 2018-19ല് 34.93 കോടിയും 2019-20ല് 14.36 കോടിയും 2020-21ല് 36.48 കോടിയും നല്കി. യുഡിഎഫ് സര്ക്കാര് അഞ്ചുവര്ഷത്തില് നല്കിയത് 71.45 കോടി മാത്രം. ആചാരസ്ഥാനികര്ക്കും കോലധാരികള്ക്കും പ്രതിമാസ സഹായം 1400 രൂപയാക്കി ഉയര്ത്തി. നേരത്തെ 800, 750 രൂപ മാരതമായിരുന്നു. മാടായിക്കാവ് ക്ഷേത്രകലാ അക്കാദമിക്ക് 55 ലക്ഷം രൂപ ധനസഹായം നല്കി. മലബാര് ദേവസ്വം ബോര്ഡില്നിന്ന് വിരമിച്ച എക്സിക്യൂട്ടീവ് ഓഫീസര്മാരുടെ പെന്ഷന് 3000 രൂപയില്നിന്ന് 6000 രൂപയായി വര്ധിപ്പിച്ചു. ജീവനക്കാര്ക്ക് ഇടക്കാലാശ്വാസമായി 2000 രൂപയും അനുവദിച്ചു.
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
This website uses cookies.