Web Desk
കോട്ടയം ജില്ലാ പഞ്ചായത്ത് പ്രസിഡന്‍റ് സ്ഥാനം ധാരണപ്രകാരം രാജിവെയ്ക്കണമെന്ന് യു.ഡി.എഫ്. കണ്‍വീനര്‍ ബെന്നി ബഹനാന്‍ കേരളാ കോണ്‍ഗ്രസ് (എം) ജോസ് വിഭാഗത്തോട് ആവശ്യപ്പെട്ടു. 8 മാസം ജോസ് വിഭാഗത്തിനും 6 മാസം പി.ജെ. ജോസഫ് വിഭാഗത്തിനുമായിട്ടാണ് യു.ഡി.എഫ്. ധാരണയുണ്ടാക്കിയത്. ഇരുവിഭാഗങ്ങളുമായി നടത്തിയ ചര്‍ച്ചകളില്‍ ഉയര്‍ന്നു വന്ന മറ്റു നിര്‍ദ്ദേശങ്ങള്‍ പിന്നീട് ചര്‍ച്ച ചെയ്തു തീരുമാനിക്കുമെന്നും കണ്‍വീനര്‍ പറഞ്ഞു.
എന്നാല്‍ യു.ഡി.എഫിന്‍റെ തീരുമാനപ്രകാരം രാജി വയ്ക്കില്ലെന്ന് ജോസ് കെ മാണി വ്യക്തമാക്കി. രാജി വച്ചു കൊണ്ടുള്ള ഒത്തുതീർപ്പിനില്ലെന്നും ജോസ് കെ മാണി പറഞ്ഞു.
