ഖാദി ഗ്രാമ വ്യവസായ കമ്മീഷന്റെ ഓണ്ലൈന് വിപണന രംഗത്തേക്കുള്ള ചുവടുവയ്പ്പിന് രാജ്യമെമ്പാടും വലിയ പിന്തുണയാണ് ലഭിച്ചിരിക്കുന്നത്. കരകൗശല വിദഗ്ധര്ക്കും നെയ്ത്തുകാര്ക്കും തങ്ങളുടെ ഉല്പന്നങ്ങള് രാജ്യത്തെ ഏത് ഉള്നാടന് മേഖലയില് ഉള്ളവര്ക്കും വിപണനം നടത്താന് ഖാദി ഗ്രാമ വ്യവസായ കമ്മീഷന്റെ ഇ- പോര്ട്ടലായ http://www.kviconline.gov.in/khadimask/വഴിയൊരുക്കുന്നു.
ഖാദി മുഖവരണങ്ങള് മാത്രമായി ജൂലൈ 7ന് തുടക്കം കുറിച്ച ഓണ്ലൈന് പോര്ട്ടലില് നിലവില് 180 ഉല്പന്നങ്ങള് ലഭ്യമാണ്. നിരവധി ഉത്പന്നങ്ങള് അടുത്തുതന്നെ പോര്ട്ടലില് ഇടംപിടിക്കും.
പ്രതിദിനംപത്ത് പുതിയ ഉല്പ്പന്നങ്ങള് എന്ന കണക്കിലാണ് കെവിഐസി ഓണ്ലൈന് പോര്ട്ടലില് ഖാദി ഉല്പ്പന്നങ്ങള് കൂട്ടിച്ചേര്ക്കുന്നത്. ഈ വര്ഷം ഒക്ടോബര് രണ്ടോടു കൂടി ആയിരം ഉല്പ്പന്നങ്ങള് ലഭ്യമാക്കുക എന്ന ലക്ഷ്യത്തിലേക്ക് ആണ് കമ്മീഷന് നടന്നടുക്കുന്നത്. രണ്ടു മാസത്തില് താഴെ മാത്രം സമയത്തിനുള്ളില് നാലായിരത്തിലേറെ ഉപഭോക്താക്കള്ക്കാണ് കമ്മീഷന് ഉല്പ്പന്നങ്ങള് വിറ്റഴിച്ചത്.
സ്വദേശി ഉല്പ്പന്നങ്ങള്ക്കുള്ള വലിയ പ്രോത്സാഹനം ആണ് ഖാദി ഉല്പ്പന്നങ്ങളുടെ ഓണ്ലൈന് വിപണനം എന്ന് കെവിഐസി ചെയര്മാന് ശ്രീ വിനയകുമാര് സക്സേന അഭിപ്രായപ്പെട്ടു. ഇത് പ്രാദേശിക നെയ്ത്തുകാരെയും കരകൗശല വിദഗ്ധരെയും ശാക്തീകരിക്കുന്ന മുന്നേറ്റം കൂടിയാണ്. വിവിധ വിഭാഗത്തില്പ്പെട്ട ഉപഭോക്താക്കളെ കണക്കിലെടുത്ത് 50 രൂപ മുതല് 5000 രൂപ വരെ വില വരുന്ന വ്യത്യസ്തമായ ഉല്പന്നങ്ങളാണ് പോര്ട്ടലില് ലഭ്യമാക്കിയിരിക്കുന്നത് എന്നും അദ്ദേഹം അറിയിച്ചു.
ഇ- പോര്ട്ടല് സംവിധാനത്തിലൂടെ ഖാദി ഉല്പന്നങ്ങള്ക്ക് രാജ്യത്തിന്റെ ഏത് കോണിലും വിപണന സാധ്യതകള് തുറന്നിരിക്കുകയാണ്. കൂടുതല് ഖാദി ഉല്പ്പന്നങ്ങള് നിര്മ്മിക്കാനും അതുവഴി കൂടുതല് വരുമാനം സ്വന്തമാക്കാനും രാജ്യത്തെ കരകൗശല വിദഗ്ധര്ക്കും നൈയ്തുകാര്ക്കും ഇതിലൂടെ അവസരമൊരുങ്ങുന്നു.
ആന്ഡമാന് നിക്കോബാര് ദ്വീപുകള്, അരുണാചല്പ്രദേശ്, കേരളം, ഹിമാചല് പ്രദേശ്, ജമ്മു കാശ്മീര് തുടങ്ങി 31 സംസ്ഥാന-കേന്ദ്രഭരണ പ്രദേശങ്ങളില് നിന്ന് കെവിഐസിയ്ക്ക് ഓണ്ലൈന് ഓര്ഡറുകള് ലഭിച്ചു കഴിഞ്ഞു. 599 രൂപയില് കൂടുതല് മൂല്യമുള്ള ഉല്പ്പന്നങ്ങള് വാങ്ങുന്നവര്ക്ക് അധിക നിരക്കുകള് ഈടാക്കാതെ സൗജന്യ വിതരണം ലഭ്യമാക്കും. സ്പീഡ് പോസ്റ്റിലൂടെ ഉല്പ്പന്നങ്ങള് ഉപഭോക്താക്കളില് എത്തിക്കുന്നതിനായി, തപാല് വകുപ്പുമായി പ്രത്യേക കരാറിലും കമ്മീഷന് ഏര്പ്പെട്ടിട്ടുണ്ട്.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.