തൃശ്ശൂര്: കേരളവര്മ്മ കോളേജിലെ പ്രിന്സിപ്പല് സ്ഥാനത്ത് നിന്ന് പ്രൊഫ.എ.പി.ജയദേവന് രാജിവെച്ചു. സി.പി.ഐ.എം താല്ക്കാലിക സെക്രട്ടറി എ.വിജയരാഘവന്റെ ഭാര്യയെ വൈസ് പ്രിന്സിപ്പല് ആക്കിയതില് പ്രതിഷേധിച്ചാണ് സ്ഥാനമൊഴിഞ്ഞത്.ഏഴ് വര്ഷം കൂടി കാലാവധി ബാക്കിയുള്ളപ്പോഴാണ് എ.പി ജയദേവന് പ്രിന്സിപ്പല് സ്ഥാനമൊഴിയുന്നത്. രാജി സംബന്ധിച്ച് ജയദേവന് കൊച്ചിന് ദേവസ്വം ബോര്ഡിന് കത്ത് നല്കി. വൈസ് പ്രിന്സിപ്പലിന നിയമിക്കാനുള്ള സാഹചര്യം എന്താണെന്ന് പ്രിന്സിപ്പല് കത്തില് ചോദിച്ചിട്ടുണ്ട്. തന്നോട് കൂടിയാലോചിക്കാതെയാണ് വൈസ് പ്രിന്സിപ്പലിനെ നിയമിച്ചത്. രണ്ട് അധികാര കേന്ദ്രങ്ങള് ഉണ്ടാകുന്നത് ഭരണ പ്രതിസന്ധി ഉണ്ടാക്കും. ഈ സാഹചര്യത്തില് സ്ഥാനം ഒഴിയുന്നുവെന്നും ജയദേവന് കത്തില് പറയുന്നു.എന്നാല് യുജിസി മാനദണ്ഡമനുസരിച്ചാണ് വൈസ് പ്രിന്സിപ്പലിന്റെ നിയമനമെന്നാണ് ദേവസ്വം ബോര്ഡിന്റെ വിശദീകരണം.
കഴിഞ്ഞമാസം 30നാണ് കേരള വര്മ കോളജിലെ ഇംഗ്ലീഷ് വിഭാഗം മേധാവി അസോസിയേറ്റ് പ്രൊഫസര് പ്രൊഫ. ബിന്ദുവിനെ വൈസ് പ്രിന്സിപ്പലായി നിയമിച്ചു കൊണ്ടുള്ള ഉത്തരവ് ഇറങ്ങിയത്.ആദ്യമായാണ് കേരളവര്മ്മയില് വൈസ് പ്രിന്സിപ്പലിനെ നിയമിക്കുന്നത്. പ്രിന്സിപ്പാളിന്റെ അധികാരം വൈസ് പ്രിന്സിപ്പാളിന് വീതിച്ച് നല്കിയിരുന്നു. ആര്. ബിന്ദുവിനെ സിപിഎം നിയന്ത്രണത്തിലുള്ള കൊച്ചിന് ദേവസ്വം ബോര്ഡിന് കീഴിലുള്ള കോളജില് വൈസ് പ്രിന്സിപ്പല് തസ്തിക പ്രത്യേകം സൃഷ്ടിച്ച് പ്രിന്സിപ്പലിന്റെ ചുമതലകള് ബിന്ദുവിന് കൈമാറിയത് വിവാദമായിരുന്നു. പകുതിയിലേറെ ചുമതലകള് വൈസ് പ്രിന്സിപ്പലിന് നല്കുക വഴി പരീക്ഷാ നടത്തിപ്പും കോളജിന്റെ നടത്തിപ്പും മാത്രമായി പ്രിന്സിപ്പലിന്റെ പദവി ചുരുങ്ങിയെന്നായിരുന്നു ഉയര്ന്ന ആക്ഷേപം. ഇല്ലാത്ത തസ്തിക സൃഷ്ടിക്കുക വഴി ചട്ടലംഘനമാണ് നടന്നതെന്നും ആക്ഷേപം ഉയര്ന്നിരുന്നു.
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
This website uses cookies.