കാസര്‍ഗോഡ് ബസ് വീടിന് മുകളിലേക്ക് മറിഞ്ഞു; അഞ്ച് മരണം

കാസര്‍ഗോഡ്: പാണത്തൂരില്‍ വിവാഹ സംഘം സഞ്ചരിച്ച ബസ് വീടിന് മുകളിലേക്ക് മറിഞ്ഞുണ്ടായ അപകടത്തില്‍ മരിച്ചവരുടെ എണ്ണം ഏഴായി. മരിച്ചവരില്‍ മൂന്ന് കുട്ടികളുമുണ്ട്. ഗുരുതരാവസ്ഥയിലായ പതിനൊന്നുപേരെ മംഗളൂരു മെഡിക്കല്‍ കോളജിലേക്ക് മാറ്റി. പരിക്കേറ്റ 34പേരെ കാഞ്ഞങ്ങാട് ജില്ലാ ആശുപത്രിയില്‍ പ്രവേശിപ്പിച്ചു.

ഇന്ന് ഉച്ചയ്ക്ക് 12.30ഓടെയാണ് അപകടമുണ്ടായത്. കര്‍ണാകയിലെ സുള്ള്യയില്‍ നിന്നും പാണത്തൂരിലേക്ക് വിവാഹ സംഘവുമായി വന്ന ബസാണ് കുത്തനെയുള്ള ഇറക്കത്തില്‍ വച്ച്‌ നിയന്ത്രണം നഷ്ടപ്പെട്ട് മറിഞ്ഞത്. ബസില്‍ മുപ്പതോളം പേരുണ്ടായിരുന്നുവെന്നാണ് വിവരം.

അപകടസ്ഥലത്ത് നിന്നും അബോധാവസ്ഥയില്‍ രണ്ട് കുട്ടികളെ കാഞ്ഞങ്ങാട് ജില്ലാ ആശുപത്രിയില്‍ എത്തിച്ചിട്ടുണ്ട്. പരിക്കേറ്റവരെ കാഞ്ഞങ്ങാട്ടെ വിവിധ ആശുപത്രികളിലേക്കും കര്‍ണാടകയിലെ വിവിധ ആശുപത്രികളിലേക്കും എത്തിച്ചിട്ടുണ്ട്.