റിയാദ്: സൗദി അറേബ്യയില് അടുത്ത വര്ഷം മാര്ച്ച് 14 മുതല് നടപ്പാക്കാനിരിക്കുന്ന സ്പോണ്സര്ഷിപ് വ്യവസ്ഥ ഭേദഗതിയില് കൂടുതല് വിശദീകരണം. തൊഴില് മാറ്റം തൊഴില് കരാര് വ്യവസ്ഥകള് പ്രകാരമായിരിക്കുമെന്നും സ്പോണ്സറെ അറിയിച്ച് മാത്രമേ സ്പോണ്സര്ഷിപ് മാറ്റം സാധ്യമാകൂവെന്നും മാനവശേഷി മന്ത്രാലയം വ്യക്തമാക്കി.
ഭേദഗതിയനുസരിച്ച് തൊഴില് കരാര് നിലനില്ക്കുന്ന സമയത്ത് സ്പോണ്സറുടെ സമ്മതത്തോടെ ഒരു കമ്പനിയില്നിന്ന് മറ്റൊരു കമ്പനിയിലേക്ക് മാറുന്നതിന് തടസ്സമുണ്ടാകില്ല. എന്നാല്, തൊഴില് കരാര് അവസാനിക്കുന്നതോടെ മറ്റൊരു കമ്പനിയിലേക്ക് മാറുന്നതിന് സ്പോണ്സറുടെ സമ്മതം ആവശ്യമില്ലെന്നതാണ് പുതുതായി വ്യവസ്ഥയില് ചേര്ത്തിട്ടുള്ളത്. സൗദി അറേബ്യയിലെത്തിയിട്ട് 12 മാസം പൂര്ത്തിയാക്കണമെന്നും കരാര് കാലാവധി അവസാനിക്കുന്നതിന് 90 ദിവസം മുമ്പ് സ്പോണ്സറെ അറിയിക്കണമെന്നതുമാണ് ഇതിനുള്ള നിബന്ധനകള്.
കരാര് കാലാവധി കഴിഞ്ഞാല് മാറാന് അനുവദിക്കില്ലെന്നും ഫൈനല് എക്സിറ്റായിരിക്കും ഉണ്ടാവുകയെന്നും കരാറിലുണ്ടെങ്കില് പിന്നീട് സ്പോണ്സര്ഷിപ് മാറ്റം സാധ്യമല്ലെന്നര്ഥം. കരാര് കാലാവധിക്കിടയില് തൊഴിലാളിയെ പിരിച്ചുവിട്ടാല് ആര്ട്ടിക്കിള് 77 പ്രകാരം നഷ്ടപരിഹാരം കമ്പനി നല്കേണ്ടിവരുമെന്ന നിലവിലെ രീതി തുടരും.
കരാര് കാലാവധി കഴിയുന്നതിന് നിശ്ചിത സമയം മുമ്പ് സ്പോണ്സറെ അറിയിച്ച് മറ്റൊരു തൊഴില്സ്ഥലത്തേക്ക് മാറുന്നതിന് തടസ്സമില്ലെന്നതാണ് പുതിയ ഭേദഗതി പറയുന്നത്. ഇതനുസരിച്ച് തൊഴിലാളിയെ കൂടുതല് ശമ്പളം നല്കി പിടിച്ചുനിര്ത്താനോ അല്ലെങ്കില് ഫൈനല് എക്സിറ്റില് പോകാനോ മറ്റൊരിടത്തേക്ക് തൊഴില് മാറാനോ തൊഴിലുടമ അനുവദിക്കേണ്ടിവരും. അഥവാ ഇഖാമ പുതുക്കാതെയോ ശമ്പളം നല്കാതെയോ അവരെ പിടിച്ചുവെച്ച് ബുദ്ധിമുട്ടിക്കാനാകില്ല.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.