ജസീറ എയർവേയ്​സ്​ അഞ്ച്​ ഇന്ത്യൻ നഗരങ്ങളിലേക്ക്​ വിമാന ടിക്കറ്റ്​ ബുക്കിങ്​ ആരംഭിച്ചു

ജസീറ എയർവേയ്​സ്​  അഞ്ച്​ ഇന്ത്യൻ നഗരങ്ങളിലേക്ക്​ വിമാന ടിക്കറ്റ്​ ബുക്കിങ്​ ആരംഭിച്ചു. കൊച്ചി, ഡൽഹി, മുംബൈ, അഹ്​മദാബാദ്​, ഹൈദരാബാദ് എന്നിവിടങ്ങളിലേക്കാണ്​ ബുക്കിങ്​ ആരംഭിച്ചത്​. ആഗസ്​റ്റ്​ ഒന്നുമുതലാണ്​ കുവൈത്തിൽനിന്ന്​ കൊമേഴ്​സ്യൽ വിമാന സർവീസ്​ ആരംഭിക്കുന്നത്​.
കുവൈത്ത്​ എയർവേ​സും ഇന്ത്യയിലേക്കുള്ള  വിമാന സർവീസുകൾക്ക്​ ബുക്കിങ്​ ആരംഭിച്ചിട്ടുണ്ട്​.

ഇന്ത്യയിൽനിന്നുള്ള അനുമതി​ക്കനുസരിച്ച്​ തീയതിയിൽ മാറ്റമുണ്ടാവാൻ സാധ്യതയുണ്ടെന്ന്​ വിമാനക്കമ്പനികൾ പറയുന്നു. ആഗസ്​റ്റിൽ 30 ശതമാനം ശേഷിയിലാണ്​ കുവൈത്ത്​ വിമാനത്താവളത്തിൽ സർവിസ്​ ആരംഭിക്കുന്നത്​. 37.5 ഡിഗ്രിയിലധികം ശരീര താപനിലയുള്ളവരെ കുവൈത്ത്​ അന്താരാഷ്​ട്ര വിമാനത്താവളത്തിൽ പ്രവേശിപ്പിക്കില്ലെന്ന്​ വ്യോമയാന വകുപ്പ്​ അറിയിച്ചിട്ടുണ്ട്​.