സന്ദർശക വിസയിൽ യു.എ.ഇയിലേക്ക് വരാൻ അനുവാദം ഇല്ലെന്ന് ഇന്ത്യൻ അംബാസിഡർ

ട്രാവൽ പ്രോട്ടോക്കോൾ സംബന്ധിച്ച് വ്യക്തത ഉണ്ടാകുന്നതുവരെ ഇന്ത്യൻ പൗരന്മാർക്ക് സന്ദർശന വിസയിൽ യു.എ.ഇ യിലേക്ക് വരാൻ അനുവാദം ഇല്ലെന്ന് യു.എ.ഇയിലെ ഇന്ത്യൻ അംബാസഡർ പവൻ കപൂർ പറഞ്ഞു.

സന്ദർശക വിസകളിൽ യു.എ.ഇ ആളുകളെ അനുവദിക്കുമോ ഇല്ലയോ എന്ന് ഇപ്പോൾ വ്യക്തമല്ല. അതിനെക്കുറിച്ച് വ്യക്തതയ്ക്കായി ഞങ്ങൾ കാത്തിരിക്കുകയാണ്. കൂടാതെ, സന്ദർശന വിസകളിൽ യാത്ര ചെയ്യാൻ ആളുകളെ അനുവദിക്കണമോ എന്ന് ഇന്ത്യൻ സർക്കാറും ഇതുവരെ തീരുമാനിച്ചിട്ടില്ല യു. എ. ഇ മാധ്യമത്തിന് നൽകിയ ആഭിമുഖ്യത്തിൽ വ്യക്തമാക്കി -. വിസിറ്റ് വിസയുമായി വിമാനക്കമ്പനികൾ യാത്രക്കാരെ കയറ്റുന്നില്ലെന്ന് ഒരു ട്രാവൽ ഏജൻസിയും സ്ഥിരീകരിച്ചു. ജൂലൈ 29 മുതൽ ഇന്ത്യയുൾപ്പെടെ കൂടുതൽ രാജ്യങ്ങളിലേക്ക് ദുബായ് സന്ദർശന വിസ നൽകാൻ ആരംഭിച്ചതായി ഖലീജ് ടൈംസ് റിപ്പോർട്ട് ചെയ്തിരുന്നു. ഔദ്യോഗിക പ്രഖ്യാപനമൊന്നും ഉണ്ടായില്ലെങ്കിലും ട്രാവൽ ഏജന്റുമാരും അമീർ സെന്ററുകളും സന്ദർശന വിസകൾ നൽകാൻ നിരവധി രാജ്യങ്ങൾക്കുള്ള നിയന്ത്രണങ്ങൾ യുഎഇ നീക്കിയതായി സ്ഥിരീകരിച്ചു.

വാണിജ്യ വിമാനം ഇപ്പോഴും ഇന്ത്യയിൽ നിർത്തി വച്ചിരിക്കുന്നതിനാൽ സന്ദർശന വിസ ഉടമകൾ യു.എ.ഇയിലേക്ക് എങ്ങനെ യാത്രചെയ്യുമെന്നു വ്യക്തമല്ല. യുഎഇ യിൽ നിന്നുള്ള വന്ദേ ഭാരത് മിഷൻ വിമാനങ്ങൾ എയർ ഇന്ത്യയും എയർ ഇന്ത്യ എക്സ്പ്രസും നടത്തുന്നത് സാധുവായ യുഎഇ റസിഡൻസ് വിസയുള്ള ആളുകൾക്ക് മാത്രമാണ്. വിസിറ്റ് വിസയുമായി ബന്ധപ്പെട്ട് എംബസി യുഎഇ സർക്കാറിനോട് വിശദീകരണങ്ങൾ ആവശ്യപ്പെട്ടിട്ടുണ്ട്, അതനുസരിച്ച് ഞങ്ങൾ കാര്യങ്ങൾ തീരുമാനിക്കും, ”അംബാസഡർ പറഞ്ഞു. ദുബായ് വിസിറ്റ് വിസ നൽകുന്നതിനാൽ യാത്ര ചെയ്യാൻ ആഗ്രഹിക്കുന്നവരെ അനുവദിക്കണം എന്നും എംബസി ഇന്ത്യൻ സർക്കാരിനോട് ശുപാർശ ചെയ്തിട്ടുണ്ടെന്ന് അദ്ദേഹം അറിയിച്ചു.