ഹത്രസയിലേക്കുള്ള യാത്ര: രാഹുലിനെയും പ്രിയങ്കയെയും തടഞ്ഞ് യുപി പോലീസ്

ലഖ്‌നൗ: ഹത്രാസിലേക്കുള്ള രാഹുല്‍ഗാന്ധിയുടേയും പ്രിയങ്കയുടേയും യാത്ര ഉത്തര്‍പ്രദേശ് പോലീസ് തടഞ്ഞു. ഡല്‍ഹി-യുപി അതിര്‍ത്തിയിലാണ് തടഞ്ഞത്. നിരോധനാജ്ഞ ചൂണ്ടിക്കാട്ടിയാണ് പോലീസ് നടപടി. തുടര്‍ന്ന് യമുന എക്‌സ്പ്രസ് വേയിലൂടെ ഇരുവരും കാല്‍നടയായി നീങ്ങുകയാണ്.

ഹത്രാസിലെ പെണ്‍കുട്ടിയുടെ പോസ്റ്റ്‌മോര്‍ട്ടം റിപ്പോര്‍ട്ട് പുറത്തുവന്നു. ആന്തരികാവയവങ്ങള്‍ക്ക് പരിക്കേറ്റിട്ടുണ്ടെന്ന് റിപ്പോര്‍ട്ടില്‍ പറയുന്നു. പെണ്‍കുട്ടിയുടെ നെട്ടെല്ലിനും ഗുരുതരമായി പരിക്കേറ്റിട്ടുണ്ട്.

ഇതിനിടെ, സര്‍ക്കാര്‍ നിയോഗിച്ച പ്രത്യേക അന്വേഷണ സംഘം ഹത്രാസില്‍ എത്തി. പെണ്‍കുട്ടിയുടെ ഗ്രാമത്തിന് ചുറ്റും കനത്ത സുരക്ഷയാണ് ഒരുക്കിയിരിക്കുന്നത്. ഹത്രാസില്‍ നിരോധനാജ്ഞ പ്രഖ്യാപിച്ചിട്ടുണ്ട്. മാധ്യമങ്ങള്‍ക്ക് പോലീസ് പ്രവേശനം നിഷേധിച്ചിരിക്കുകയാണ്.