റെക്കോര്‍ഡ് ഭേദിച്ച് സ്വര്‍ണവില; പവന് 39,400

കൊച്ചി: സംസ്ഥാനത്ത് സ്വര്‍ണവിലയില്‍ വീണ്ടും വര്‍ധനവ്. പവന് 200 രൂപ വര്‍ധിച്ച് 39,400 രൂപയാണ് ഇന്നത്തെ വിപണി നിരക്ക്. ഗ്രാമിന് 25 രൂപ വര്‍ധിച്ച് 4,925 രൂപയായി. ഓരോ ദിവസം കൂടുംതോറും സ്വര്‍ണവിലയില്‍ കൂടി കൊണ്ടിരിക്കുകയാണ്. എക്കാലത്തെയും ഏറ്റലും ഉയര്‍ന്ന നിരക്കാണ് ഇന്ന് രേഖപ്പെടുത്തിയിരിക്കുന്നത്. ഇന്നലെ പവന് 600 രൂപ കൂടിയിരുന്നു. സ്വര്‍ണവില ഇത്തരത്തില്‍ കൂടുകയാണെങ്കില് അടുത്ത ദിവസം തന്നെ നാല്‍പ്പതിനായിരം പിന്നിടാനാണ് സാധ്യത.

ഈ മാസം ആദ്യം 36,160 രൂപയ്ക്ക് വ്യാപാരം നടന്നിരുന്ന സ്വര്‍ണം ഒരുഘട്ടത്തില്‍ 35,800 രൂപയിലേക്ക് താഴ്ന്നെങ്കിലും പിന്നീട് പടിപടിയായി ഉയരുകയായിരുന്നു. എണ്ണ വില ഇടിയുന്നതിനാല്‍ സുരക്ഷിത നിക്ഷേപമെന്ന നിലയില്‍ സ്വര്‍ണ വില ഉയരുകയാണ്. കോവിഡ് പ്രതിസന്ധി തുടരുന്നതും രൂപയുടെ മൂല്യം കുറഞ്ഞതുമാണ് വില വര്‍ധനവിന്റെ പ്രധാന കാരണം.