കേരളത്തിലേക്കുള്ള സ്‌പെഷ്യല്‍ ട്രെയിനുകള്‍ റദ്ദ് ചെയ്യരുതെന്ന് കേന്ദ്രത്തോട് ആവശ്യപ്പെട്ട് മന്ത്രി ജു സുധാകരന്‍. ഇതുസംബന്ധിച്ച് കേന്ദ്ര റെയില്‍വേ വകുപ്പ് മന്ത്രി പിയൂഷ് ഗോയലിന് കത്തയച്ചു. ലോക്ക്ഡൗണ്‍ ഇളവിന്റെ മൂന്നാം ഘട്ടത്തില്‍ കേരളത്തിലേക്ക് സ്‌പെഷല്‍ ട്രെയിന്‍ സര്‍വീസുകള്‍ ആരംഭിച്ചിരുന്നു. എന്നാല്‍ യാത്രക്കാരുടെ കുറവ് ചൂണ്ടിക്കാട്ടി ഏഴ് സര്‍വീസുകള്‍ നിര്‍ത്താന്‍ കേന്ദ്രം തീരുമാനിക്കുകയായിരുന്നു. ഇതിനെതിരെയാണ് മന്ത്രി കേന്ദ്ര റെയില്‍വേ മന്ത്രിക്ക് കത്തയച്ചത്.
ജി സുധാകരന്റെ ഫെയ്‌സ്ബുക്ക് പോസ്റ്റ്:
സ്‌പെഷ്യല്‍ ട്രെയിനുകള്‍ റദ്ദ് ചെയ്യരുത്…
കേരളത്തില്‍ ഓടുന്ന ജനശദാബ്ദി സ്‌പെഷ്യല്‍ ട്രെയിനുകളും വേണാട് സ്‌പെഷ്യല്‍ ട്രെയിനും റദ്ദ് ചെയ്യാനുള്ള റെയില്‍വേ ബോര്‍ഡിന്റെ തീരുമാനം പിന്‍വലിക്കണമെന്നാവശ്യപ്പെട്ട് കേന്ദ്ര റെയില്‍വേ വകുപ്പ് മന്ത്രി ബഹു. ശ്രീ പിയൂഷ് ഗോയല്‍ജിക്ക് കത്തയച്ചു. രാജ്യത്ത് കോവിഡ് 19 ന്റെ പശ്ചാത്തലത്തില്‍ പ്രഖ്യാപിച്ച സമ്പൂര്‍ണ്ണ ലോക്ക് ഡൗണിന്റെ ഭാഗമായി മാര്‍ച്ച് 25 മുതല്‍ സംസ്ഥാനത്തെ റെയില്‍വേ സര്‍വ്വീസുകള്‍ നിര്‍ത്തി വെച്ചിരുന്നു.
ലോക്ക് ഡൗണ്‍ പിന്‍വലിക്കലിന്റെ മൂന്നാം ഘട്ടത്തില്‍ അനുവദിച്ച ഇളവുകളുടെ ഭാഗമായി സംസ്ഥാനത്ത് തിരുവനന്തപുരം – കോഴിക്കോട് ജനശദാബ്ദി, കണ്ണൂര്‍ – തിരുവനന്തപുരം ജനശദാബ്ദി, എറണാകുളം – തിരുവനന്തപുരം എക്‌സ്പ്രസ്സ് എന്നീ മൂന്നു സ്‌പെഷ്യല്‍ ട്രെയിനുകള്‍ സര്‍വ്വീസ് ആരംഭിച്ചിരുന്നു. എന്നാല്‍ യാത്രക്കാരുടെ കുറവ് ചൂണ്ടിക്കാണിച്ചു കൊണ്ട് മൂന്ന് സ്‌പെഷ്യല്‍ ട്രെയിനുകളടക്കം 7 ട്രെയിനുകളുടെ സര്‍വ്വീസ് റദ്ദാക്കണമെന്ന് റെയില്‍വേ ബോര്‍ഡ് തീരുമാനമെടുത്തിരിക്കുകയാണ്.
പരിമിതമായ യാത്രാ സൗകര്യം മാത്രമുള്ള ഈ സമയത്ത് കേരളത്തില്‍ സര്‍വ്വീസ് നടത്തുന്ന ഈ ട്രെയിനുകള്‍ റദ്ദ് ചെയ്യുന്നത് യാത്രക്കാര്‍ക്ക് വളരെയധികം ബുദ്ധിമുട്ട് സൃഷ്ടിക്കുമെന്നുറപ്പാണ്. റദ്ദാക്കുന്ന ട്രെയിനുകള്‍ ഒട്ടനവധി കേന്ദ്ര-സംസ്ഥാന ജീവനക്കാരുടെ ദൈനംദിന യാത്രാമാര്‍ഗ്ഗമാണെന്നിരിക്കെ ജീവനക്കാര്‍ക്ക് വളരെയധികം ബുദ്ധിമുട്ടുകള്‍ ഉണ്ടാക്കുവാനും പല ഓഫീസുകളുടേയും പ്രവര്‍ത്തനത്തെത്തന്നെ ബാധിക്കാനും ഇടയുണ്ട്.
സര്‍ക്കാര്‍ ഓഫീസുകളുടെ പ്രവര്‍ത്തനം ആരംഭിച്ചിട്ടുള്ള സാഹചര്യത്തിലും സാവധാനമെങ്കിലും ജനജീവിതം സാധാരണ ഗതിയിലേക്കെത്തിക്കൊണ്ടിരിക്കുന്ന സാഹചര്യത്തില്‍ ദൈനംദിന യാത്ര കൂടുതല്‍ സുഗമമാവുന്ന തരത്തില്‍ ഹ്രസ്വദൂര പാസഞ്ചര്‍ ട്രെയിനുകളും അനുവദിക്കേണ്ടതുണ്ട്.
ദീര്‍ഘദൂര ബസ് സര്‍വ്വീസുകള്‍ പൂര്‍ണ്ണമായും ആരംഭിക്കാത്ത സാഹചര്യത്തില്‍ യാത്രക്കാരെ പ്രതികൂലമായി ബാധിക്കുന്ന തരത്തില്‍ നിലവിലുള്ള ട്രെയിന്‍ സര്‍വ്വീസുകള്‍ കൂടി നിര്‍ത്തലാക്കാനുള്ള റെയില്‍വേ ബോര്‍ഡിന്റെ തീരുമാനം ഉടന്‍ പിന്‍വലിക്കണമെന്നും സംസ്ഥാനത്തെ റെയില്‍വേ ചുമതലയുള്ള മന്ത്രിയെന്ന നിലയില്‍ കേന്ദ്രത്തിന് അയച്ച കത്തില്‍ ആവശ്യപ്പെട്ടുhttps://www.facebook.com/Comrade.G.Sudhakaran/posts/3257813017588146
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്‌കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്‌കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്‌കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്‌കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.