തുടര്‍ച്ചയായ എട്ടാം ദിവസവും ഇന്ധന വിലയില്‍ വര്‍ധനവ്; പാചക വാതക വിലയും കുത്തനെ കൂട്ടി

ഡല്‍ഹി: രാജ്യത്ത് തുടര്‍ച്ചയായ എട്ടാം ദിവസവും ഇന്ധനവിലയില്‍ വര്‍ധനവ്. പെട്രോളിന് 26 പൈസയും ഡീസലിന് 31 പൈസയുമാണ് വര്ഞധിപ്പിച്ചത്. ഇതോടെ ഉത്തരേന്ത്യയിലെ വിദൂര ഗ്രാമങ്ങളില്‍പെട്രോള്‍ വില 100 കടന്നു.

തിരുവനന്തപുരത്ത് പെട്രോളിന് 90 രൂപ 89 പെസയാണ്. ഡീസലിന് 85 രൂപ 33 പൈസയുമാണ് ഇന്നത്തെ വില. മഹാരാഷ്ട്രയിലെ പര്‍ബനിയില്‍ പെട്രോള്‍ വില 101 രൂപയ്ക്കടുത്തെത്തി. രാജസ്ഥാനിലെ ശ്രീ ഗംഗാ നഗറില്‍ പെട്രോള്‍ വില നൂറിലെത്തി.

രാജ്യത്ത് പാചക വാതക വില കുത്തനെ കൂട്ടി. ഒരു സിലിണ്ടറിന് 50 രൂപയാണ് വര്‍ധിപ്പിച്ചത്. പുതുക്കിയ വില അര്‍ധരാത്രി മുതല്‍ നിലവില്‍ വന്നു. ഡല്‍ഹിയില്‍ ഇനി മുതല്‍ 796 രൂപയാവും സബ്‌സിഡിയില്ലാത്ത സിലിണ്ടറിന് നല്‍കേണ്ടിവരിക. മുന്നുമാസത്തിനുള്ളില്‍ ഇത് നാലാമത്തെ തവണയാണ് പാചകവാതകത്തിന് വില കൂട്ടുന്നത്.