കെ.അരവിന്ദ്
ഇന്ഫ്ളേഷന്റെ (പണപ്പെരുപ്പം) അടിസ്ഥാനത്തില് ആസ്തിയുടെ വിലയിലുണ്ടായ വര്ധന കണക്കാക്കുന്നതിനുള്ള മാനദണ്ഡമാണ് കോസ്റ്റ് ഇന്ഫ്ളേഷന് ഇന്ഡക്സ്. ഫിക്സഡ് ഡെപ്പോസിറ്റുകളില് നിന്നും മറ്റും ലഭിക്കുന്ന പലിശ മൊത്തം വരുമാനത്തില് ഉള്പ്പെടുത്തിയാണ് നികുതി നല്കേണ്ടത്. അതേസമയം റിയല് എസ്റ്റേറ്റ്, സ്വര്ണം, ഡെറ്റ് ഫണ്ടുകള് തുടങ്ങിയവയില് നിന്നുള്ള ദീര്ഘകാല മൂലധന നേട്ടം കോസ്റ്റ് ഇന്ഫ്ളേഷന് ഇന്ഡക്സിനെ അടിസ്ഥാനമാക്കിയാണ് കണക്കാക്കുന്നത്.
ഉദാഹരണത്തിന് ഡെറ്റ് ഫണ്ടുകള് മൂന്ന് വര്ഷത്തിനു മുമ്പാണ് വില്ക്കുന്നതെങ്കില് മൂലധന നേട്ടം വരുമാനത്തിനൊപ്പം ഉള്പ്പെടുത്തി നികുതി സ്ലാബ് അനുസരിച്ച് നികുതി നല്കണം. അതേ സമയം മൂന്ന് വര്ഷത്തിനു ശേഷമാണ് വില്ക്കുന്നതെങ്കില് നേരത്തെ നടത്തിയ നിക്ഷേപത്തിന്റെ കോസ്റ്റ് ഇന്ഫ്ളേഷന് ഇന്ഡക്സ് അനുസരിച്ച് കണക്കാക്കിയ ഇപ്പോഴത്തെ മൂല്യത്തേക്കാള് കൂടുതലായി ലഭിച്ച തുകയുടെ 20 ശതമാനം നികുതി നല്കണം.
ഭവനമോ മറ്റ് കെട്ടിടങ്ങളോ ഭൂമിയോ വാ ങ്ങിയതിനു ശേഷം രണ്ട് വര്ഷം പൂര്ത്തിയാകുന്നതിനു മുമ്പാണ് വില്ക്കുന്നതെങ്കില് മൂലധന നേട്ടം വരുമാനത്തിനൊപ്പം ചേര്ത്ത് നികുതി സ്ലാബ് അനുരിച്ച് നികുതി നല്കണം. അതേ സമയം രണ്ട് വര്ഷത്തിനു ശേഷമാണ് വില്ക്കുന്നതെങ്കില് ദീര്ഘകാല മൂലധന നേട്ടമായി ലഭിച്ച തുകയുടെ 20 ശതമാനം നികുതി നല്കണം.
ആസ്തിയുടെ വില്പ്പനയിലൂടെ ലഭിച്ച ദീര്ഘകാല മൂലധന നേട്ടം എത്രയെന്ന് കണക്കാക്കണമെങ്കില് കോസ്റ്റ് ഇന്ഫ്ളേഷന് ഇന്ഡക്സ് അനുസരിച്ച് ഇപ്പോഴത്തെ മൂല്യം കണക്കാക്കേണ്ടതുണ്ട്. ഉദാഹരണത്തിന് 2004-05ല് 30 ലക്ഷം രൂപയ്ക്ക് നിങ്ങള് ഒരു ഭവനം വാങ്ങിയെന്ന് കരുതുക. 2019-20ല് ഈ ഭവനം 80 ലക്ഷം രൂപയ്ക്ക് വിറ്റുവെന്നിരിക്കട്ടെ. 2004-05ലെയും 2019-20ലെയും കോസ്റ്റ് ഇന്ഫ്ളേഷന് ഇന്ഡക്സ് അറിഞ്ഞാല് യഥാര്ത്ഥ മൂലധന നേട്ടം കണക്കാക്കാം. www.incometaxindia.gov.in എന്ന വെബ് സൈറ്റില് നിന്നും ഓരോ വര്ഷത്തെയും കോസ്റ്റ് ഇന്ഫ്ളേഷന് ഇന്ഡക്സ് അറിയാനാകും. 2017-18 സാമ്പത്തിക വര്ഷം മുതല് കോസ്റ്റ് ഇന്ഫ്ളേഷന് ഇന്ഡക്സിന്റെ അടിസ്ഥാന വര്ഷം 1981ല് നിന്നും 2001 ആയി മാറ്റിയിട്ടുണ്ട്.
വിറ്റ വര്ഷത്തെ കോസ്റ്റ് ഇന്ഫ്ളേഷന് ഇന്ഡക്സിനെ വാങ്ങിയ വര്ഷത്തെ കോസ്റ്റ് ഇന്ഫ്ളേഷന് ഇന്ഡക്സ് കൊണ്ട് ഹരിച്ചാല് കിട്ടുന്ന തുകയെ നിക്ഷേപം നടത്തിയ തുക കൊണ്ട് ഗുണിച്ചാല് കോസ്റ്റ് ഇന്ഫ്ളേഷന് ഇന്ഡക്സിന്റെ അടിസ്ഥാനത്തിലുള്ള നി ക്ഷേപമൂല്യം കിട്ടും.
ഭവനം വാങ്ങിയ 2004-05ലെ കോസ്റ്റ് ഇന് ഫ്ളേഷന് ഇന്ഡക്സ് 113 ആണ്. വില്പ്പന നടന്ന നടപ്പു സാമ്പത്തിക വര്ഷത്തിലെ കോസ്റ്റ് ഇന്ഫ്ളേഷന് ഇന്ഡക്സ് 289ഉം. 30,00,000 X (289/113)= 76,72,566 ആണ് നിങ്ങളുടെ ഭവനത്തിന്റെ ഇപ്പോഴത്തെ മൂല്യം. ഇത് വിറ്റ തുകയില് നിന്നും കിഴിച്ചാല് നിങ്ങളുടെ ദീര്ഘകാല മൂലധന നേട്ടം എത്രയെന്ന് കണ്ടെത്താം. അതായത് 80,00,000-76,72,566= 3,27,434 രൂപ ആണ് നിങ്ങളുടെ ദീര്ഘകാല മൂലധന നേട്ടം. ഈ തുകയുടെ 20 ശതമാനമാണ് നിങ്ങള് ദീര്ഘകാല മൂലധന നേട്ട നികുതിയായി നല്കേണ്ടത്. അതായത് 65,486.8 രൂപയായിരിക്കും നിങ്ങള് നല്കേണ്ട ദീര്ഘകാല മൂലധന നേട്ട നികുതി.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.