ജൂഡീഷ്യറിയുടെ വിശ്വാസ്യതയും അത് കാത്തുസൂക്ഷിക്കാനായി നിയോഗിക്കപ്പെട്ടവരുടെ സാമാന്യബോധവും ഇല്ലാതാകുമ്പോള് ഒരു ആധുനിക രാഷ്ട്രമെന്ന നിലയില് നാം വളരെ വളരെ പിറകോട്ടാണ് പോകുന്നത്. പോക്സോ കേസില് വിചാരണ ചെയ്യപ്പെടുന്ന പ്രതിയോട് പീഡിപ്പിക്കപ്പെട്ട പെണ്കുട്ടിയെ വിവാഹം ചെയ്യാമോ എന്ന് ചോദിച്ച സുപ്രിം കോടതി ചീഫ് ജസ്റ്റിസ് നമ്മുടെ നിയമവ്യവസ്ഥയുടെ യുക്തിയെ തന്നെയാണ് ചോദ്യം ചെയ്യുന്നത്. ഏത് കാലത്തിരുന്നാണ് ഒരു രാജ്യത്തെ നിയമസംവിധാനത്തിലെ ഏറ്റവും മുതിര്ന്നയാള് ഇത്തരമൊരു ചോദ്യം ചോദിക്കുന്നത് എന്ന് ഓര്ക്കുമ്പോള് ലജ്ജിച്ചു തല താഴ്ത്തുകയേ നമുക്ക് നിവൃത്തിയുള്ളൂ.
സര്ക്കാര് ഉദ്യോഗസ്ഥാനായ പോക്സോ കേസ് പ്രതിക്ക് മുന്കൂര് ജാമ്യം അനുവദിച്ച സെഷന്സ് കോടതി വിധി റദ്ദാക്കിയ ഹൈക്കോടതി വിധിക്കെതിരെ സുപ്രിം കോടതിയില് നല്കിയ അപ്പീല് പരിശോധിക്കുന്നതിനിടെയാണ് സുപ്രിം കോടതി ചീഫ് ജസ്റ്റിസ് ഇത്തരമൊരു ചോദ്യം ഉന്നയിച്ചത്. സ്വാഭാവികമായും ചീഫ് ജസ്റ്റിസിന് ദല്ലാള് പണി കൂടിയുണ്ടോ എന്ന സംശയം ഈ ചോദ്യം കേള്ക്കുന്നവര്ക്ക് തോന്നാവുന്നതാണ്.
പീഡിതയായ പെണ്കുട്ടിയെ വിവാഹം ചെയ്യാന് തയാറാണെങ്കില് പ്രശ്നം കുറയും, ഇല്ലെങ്കില് കുറെ അനുഭവിക്കേണ്ടി വരും എന്ന മട്ടിലാണ് സുപ്രിം കോടതി ചീഫ് ജസ്റ്റിസ് വിചാരണ വേളയില് പറഞ്ഞത് എന്നാണ് മാധ്യമ റിപ്പോര്ട്ടുകള് സൂചിപ്പിക്കുന്നത്. ഒരു സ്ത്രീയെ ബലാത്സംഗം ചെയ്തതിനു ശേഷം വിവാഹം ചെയ്താല് പ്രതി ചെയ്ത കുറ്റം നിയമപരമായി ഇല്ലാതാകുമോ? ഏത് നിയമത്തിന്റെ അടിസ്ഥാനത്തിലാണ് പ്രതിയോട് പെണ്കുട്ടിയെ വിവാഹം ചെയ്യാമോ എന്ന് സുപ്രിം കോടതി ചീഫ് ജസ്റ്റിസ് ചോദിച്ചത്? ചീഫ് ജസ്റ്റിസിന്റെ യുക്തി അനുസരിച്ചാണെങ്കില് കൊലപാതകം ചെയ്തവന് കൊല ചെയ്യപ്പെട്ടയാളുടെ ബന്ധുക്കളെ പരിപാലിക്കാമെന്നേറ്റാല് ശിക്ഷയില് ഇളവ് നല്കാമല്ലോ!
റിപ്പോര്ട്ടര് ടിവിയുടെ തലവന് അര്ണാബ് ഗോസ്വാമിക്ക് അതിവേഗ ജാമ്യം അനുവദിച്ചതു വഴി സുപ്രിം കോടതി അധികാര സ്ഥാനങ്ങളോട് ചേര്ന്നു നില്ക്കുന്ന ഭപ്രിവിലെജ്ഡ്’ ആയ ചിലരെ രക്ഷിക്കാന് എന്തുമാത്രം ധൃതിപ്പെടുന്നു എന്ന് നാം കണ്ടതാണ്. അത് ചില പ്രിവിലെജുകള് വെച്ചനുഭവിക്കുന്ന ഒരാള്ക്കുള്ള ഔദാര്യം ആയിരുന്നു. അതേ സമയം അത്തരം യാതൊരു പ്രിവിലെജും അവകാശപ്പെടാനില്ലാത്ത ഒരു ബലാത്സംഗ പ്രതിയോട് പീഡിതയായ പെണ്കുട്ടിയെ വിവാഹം ചെയ്യുകയാണെങ്കില് വലിയ പ്രയാസം കൂടാതെ തടിയൂരാം എന്ന മട്ടില് ഒരു സുപ്രിം കോടതി ചീഫ് ജസ്റ്റിസ് പറയുന്നത് അദ്ദേഹത്തിന്റെ വികലമായ മനോഭാവത്തിന്റെ പ്രതിഫലനമാകാനേ തരമുള്ളൂ. പ്രതി പെണ്കുട്ടിയെ വിവാഹം ചെയ്താല് പൊറുക്കാനാകുന്നതാണ് കൊലപാതകം കഴിഞ്ഞാല് ഏറ്റവും ഹീനമായ കുറ്റകൃത്യമായി കണക്കാക്കപ്പെടുന്ന ബലാത്സംഗമെന്ന് പരമോന്നത നീതിപീഠത്തിന്റെ അപ്പോസ്തലന് കരുതുന്നുവെങ്കില് നാം ജീവിക്കുന്നതു എന്തു തരം രാജ്യത്തിലാണെന്ന് സ്വയം നിന്ദിക്കുകയേ നിവൃത്തിയുള്ളൂ.
ഇത്തരം ജഡ്ജിമാര് നമ്മുടെ നീതിന്യായ സംവിധാനത്തെ എല്ലാ അര്ത്ഥത്തിലും അവഹേളിക്കുകയാണ് ചെയ്യുന്നത്. അങ്ങേയറ്റം സ്ത്രീവിരുദ്ധതയും ഫ്യൂഡല് മനോഭാവവും കൈയാളുന്ന വ്യക്തികളുടെ കൈയില് നീതിന്യായ സംവിധാനം എത്തുമ്പോള് പ്രാകൃതമായ വിധികള് പതിവാകുന്നതില് അത്ഭുതമില്ല.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.