ദുബായ്: പകര്‍ച്ചവ്യാധി രോഗങ്ങള്‍ ചികിത്സിക്കുന്നതിന് പ്രത്യേകതയുള്ള ഹോസ്പിറ്റാലിറ്റി കെയര്‍ സെന്റര്‍ ദുബായ് ഹെല്‍ത്ത് അതോറിറ്റി (ഡി.എച്ച്.എ) തുറന്നു.ദുബായ് ഇന്‍ഡസ്ട്രിയല്‍ സോണിലെ കേന്ദ്രം മൂന്ന് നിലകളിലായാണ് പൂര്‍ത്തീകരിച്ചിരിക്കുന്നത്. കേന്ദ്രത്തില്‍ കോവിഡ് -19 രോഗികളുടെ ചികിത്സക്കായി 88 പ്രത്യേക മുറികളും സജ്ജീകരിച്ചിട്ടുണ്ട്.
അത്യാധുനിക കേന്ദ്രത്തില്‍ വളരെ സവിശേഷമായ ക്ലിനിക്കുകള്‍, ഫാര്‍മസി, ലബോറട്ടറി, റേഡിയോളജി, ഫോളോ-അപ് സേവനങ്ങള്‍ എന്നിവയുണ്ട്. കൂടാതെ ഏറ്റവും പുതിയ ക്രിട്ടിക്കല്‍ കെയര്‍ ഉപകരണങ്ങളും സാങ്കേതികവിദ്യയും സജ്ജമാണ്. ആവശ്യമെങ്കില്‍ 170 മുറികളിലേക്ക് ഇത് വികസിപ്പിക്കാനുള്ള സാധ്യത നിലനിര്‍ത്തിയാണ് രൂപകല്‍പന ചെയ്തിരിക്കുന്നത്. 24×7 അടിസ്ഥാനത്തില്‍ പ്രവര്‍ത്തിക്കുന്ന കേന്ദ്രത്തില്‍ ഇതിനകം നിരവധി കോവിഡ് കേസുകള്‍ വന്നുതുടങ്ങിയിട്ടുണ്ട്.
കേന്ദ്രം ആശുപത്രിയുമായി നേരിട്ട് ബന്ധപ്പെട്ടിരിക്കുന്നതിനാല്‍ രോഗികള്‍ക്ക് ഉയര്‍ന്ന നിലവാരമുള്ള പരിചരണം റാഷിദ് ആശുപത്രിയുടെ നടത്തിപ്പിലും മേല്‍നോട്ടത്തിലും ലഭിക്കും. മാഹാമാരിയുടെ തുടക്കം മുതല്‍ ഈ വെല്ലുവിളിയെ നേരിടാന്‍ അതോറിറ്റിക്ക് അതിന്റെ എല്ലാ കഴിവുകളും വിനിയോഗിക്കാന്‍ കഴിഞ്ഞുവെന്നും ഏതെങ്കിലും സംഭവവികാസങ്ങള്‍ പ്രതീക്ഷിച്ച് മെഡിക്കല്‍ സൗകര്യങ്ങളുടെ ശേഷി വര്‍ധിപ്പിക്കാന്‍ പ്രവര്‍ത്തിച്ചിട്ടുണ്ടെന്നും ഡി.എച്ച്.എ ഡയറക്ടര്‍ ജനറല്‍ ഹുമൈദ് അല്‍ ഖത്താമി ഉദ്ഘാടന വേളയില്‍ പറഞ്ഞു. ഭാവിയില്‍, ഇത് സാംക്രമിക രോഗങ്ങളെ ചികിത്സിക്കുന്നതില്‍ വിദഗ്ധരായ ഒരു അന്താരാഷ്ട്ര കേന്ദ്രമായിരിക്കും. അതേസമയം റേഡിയോളജി, ഡയഗ്‌നോസ്റ്റിക് ടെസ്റ്റുകള്‍ എന്നിവക്കുള്ള നൂതന ലബോറട്ടറിയും എപ്പിഡെമോളജിക്കല്‍ ഗവേഷണത്തിനും പഠനത്തിനുമുള്ള നൂതന കേന്ദ്രമാകുമെന്നും അദ്ദേഹം ചൂണ്ടിക്കാട്ടി.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്‌കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്‌കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്‌കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്‌കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.