ആഗോള നിക്ഷേപം ലക്ഷ്യമിട്ട് ദുബായ് എക്സ്പോ വേദിയിലെ ഇന്ത്യാ പവലിയനില് കേരള വാരാചാരണ ആഘോഷങ്ങള്ക്ക് തുടക്കമായി
ദുബായ് : കേരളത്തിന്റെ വിനോദ സഞ്ചാരത്തേയും സംസ്ഥാനത്തെ നിക്ഷേപ സാധ്യതകളേയും പരിചയപ്പെടുത്തുന്ന കേരള വീക്ക് ആഘോഷങ്ങള്ക്ക് ദുബായ് എക്സ്പോ വേദിയിലെ ഇന്ത്യാ പവലിയനില് തുടക്കമായി.
മുഖ്യമന്ത്രി പിണറായി വിജയന് കേരള സ്റ്റാളിന്റെ നാട മുറിച്ച് ഉദ്ഘാടനം നിര്വഹിച്ചു. കേരളം നിക്ഷേപ സൗഹൃദ സംസ്ഥാനമായി മാറിയതായും കേരളത്തിലേക്ക് പുതിയ നിക്ഷേപങ്ങള് ആകര്ഷിക്കപ്പെടുന്നതായും മുഖ്യമന്ത്രി പറഞ്ഞു.
സില്വര് ലൈന് സെമി ഹൈസ്പീഡ് റെയില് വേ, കണ്ണൂരിലെ വ്യവസായ പാര്ക്ക് എന്നിവയെല്ലാം കേരളത്തിന്റെ മുഖച്ഛായ മാറ്റുന്ന പദ്ധതികളാണ്.
കേരളത്തിലെ നിക്ഷേപ സാധ്യതകളെ അടുത്തറിയാന് കേരള വീക് ആഘോഷങ്ങള് വഴിതുറക്കും. മുഖ്യമന്ത്രി പറഞ്ഞു.
2923 സംരഭകത്വ വര്ഷമായി ആചരിക്കുമെന്ന് ചടങ്ങില് പങ്കെടുത്ത വ്യവസായ മന്ത്രി പി രാജീവ് പറഞ്ഞു. പദ്ധതികള്ക്ക് തടസം നില്ക്കുകയും നടപടികള് താമസിപ്പിക്കുകയും ചെയ്യുന്ന സര്ക്കാര് ഉദ്യോഗസ്ഥര്ക്കെതിരെ ശിക്ഷണ നടപടി സ്വീകരിച്ച ആദ്യ സംസ്ഥാനമാണ് കേരളമെന്ന് അദ്ദേഹം പറഞ്ഞു,
കേരള വാരാചരണത്തിന്റെ ഔദ്യോഗിക ഉദ്ഘാടനം യുഎഇ ക്യാബിനറ്റ് അംഗവും എക്സ്പോ കമ്മീഷണര് ജനറലുമായ ഷെയ്ഖ് നഹിയാന് ബിന് മുബാറക് അല് നഹിയാന് നിര്വഹിച്ചു. വിദേശ കാര്യസഹമന്ത്രി ഡോ താനി ബിന് അഹമദ് അല് സയൂദി മുഖ്യാതിഥിയായിരുന്നു. ഇന്ത്യന് സ്ഥാനപതി സഞ്ജയ് സുധീര്, നോര്ക വൈസ് ചെയര്മാനും ലുലു ഗ്രൂപ്പ് ചെയര്മാനുമായ എംഎ യൂസഫലി, വ്യവസായ പ്രിന്സിപ്പല് സെക്രട്ടറി മുഹമദ് ഹനീഷ്, കെഎസ്ഐഡിസി എംഡി രാജമാണിക്യം വ്യവസായ വകുപ്പ് ഡയറക്ടര് എസ് ഹരികിഷോര് എന്നിവര് ചടങ്ങില് സന്നിഹിതരായിരുന്നു.
ഫെബ്രുവരി നാലു മുതല് പത്ത് വരെയാണ് ഇന്ത്യാ പവലിയനിലെ കേരള വാരാചാരണങ്ങള് നടക്കുക. ദുബായ് ഒബ്രോയ് ഹോട്ടലില് കേരള നിക്ഷേപ സംഗമവും ഫെബ്രുവരി ഒമ്പതിന് കേരള ടൂറിസം റോഡ് ഷോയും സംഘടിപ്പിച്ചിട്ടുണ്ട്.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.