English हिंदी

Blog

donald trump

Web Desk

കൊവിഡ് രോഗം രാജ്യത്ത് സൃഷ്ടിച്ച പ്രതിസന്ധിക്ക് ശേഷം ശക്തമായ മടങ്ങിവരവ് അമേരിക്ക നടത്തുകയാണെന്ന് അമേരിക്കന്‍ പ്രസിഡന്‍റ് ഡൊണാള്‍ഡ് ട്രംപ് അറിയിച്ചു. വിപണി ഉണര്‍ന്നതിനാലും ജനങ്ങള്‍ തൊഴിലെടുത്തു തുടങ്ങിയതിനാലും തിരിച്ചുവരവിന്‍റെ നല്ല ലക്ഷണങ്ങള്‍ അമേരിക്കയില്‍ ഇപ്പോള്‍ പ്രകടമാണ്.

‘വരും ആഴ്ചകളില്‍ തൊഴില്‍ ചെയ്യുന്നവരുടെ എണ്ണം വീണ്ടും മെച്ചപ്പെടും. വൈകാതെ ലോകത്തെ മികച്ച വിപണി നമ്മുടേതാകും.’ ട്രംപ് പ്രത്യാശ പ്രകടിപ്പിച്ചു. ‘ചൈനയില്‍ നിന്ന് വന്ന രോഗം’ എന്ന് കൊവിഡിനെ കുറിച്ച്‌ വീണ്ടും ട്രംപ് പരാമര്‍ശം നടത്തി. ‘ചൈനയില്‍ നിന്നുള്ള രോഗം വരുന്നതിന് മുന്‍പുള്ള നിലയിലേക്ക് വിപണിയെ തിരികെ എത്തിച്ചിട്ടുണ്ട്.’ ട്രംപ് അവകാശപ്പെട്ടു. താന്‍ പറഞ്ഞതുപോലെ രോഗം വളരെ മുന്‍പ് തന്നെ ചൈനയില്‍ ആരംഭിച്ചിട്ടുണ്ടെന്ന് ഇപ്പോള്‍ കണ്ടെത്തിയെന്നും ട്രംപ് പറഞ്ഞു. എന്നാല്‍ വര്‍ഷങ്ങളോളം സമയമെടുത്താലേ ഇപ്പോഴുള്ള തൊഴിലില്ലായ്മ പരിഹാരമാകൂ എന്നാണ് പഠനങ്ങളില്‍ നിന്ന് വരുന്ന വിവരം. ഈ ആഴ്ച ആദ്യം അമേരിക്കന്‍ ദേശീയ സാമ്പത്തിക ഗവേഷണ ബ്യൂറോ അറിയിച്ചത് പ്രകാരം അമേരിക്ക സാമ്പത്തിക മാന്ദ്യത്തില്‍ പ്രവേശിച്ചു കഴിഞ്ഞു.

Also read:  കേരളത്തിന്‍റെ കൈപിടിച്ച് ധാരാവി കോവിഡില്‍ നിന്ന് കരകയറുന്നു

എന്നാല്‍ വൈറ്റ് ഹൗസ് പ്രസ് സെക്രട്ടറി കെയ്ലെയ് മക്‌എനാനി അമേരിക്കന്‍ വിപണി മടങ്ങിവരവിന്‍റെ പാതയിലാണെന്നാണ് അഭിപ്രായപ്പെട്ടത്. രാജ്യം സാമ്പത്തിക വര്‍ഷത്തിന്‍റെ മൂന്നും നാലും പാദങ്ങളില്‍ ശക്തിയോടെ സാമ്പത്തിക രംഗം തിരികെയെത്തും.’ അവര്‍ അഭിപ്രായപ്പെട്ടു.