ഓടുന്ന കാറിന്റെ ഡിക്കിയില് നായയെ കെട്ടിവലിച്ച ക്രൂരത ആരും മറക്കാനിടയില്ല. ഏറെ വേദനയോടെയാണ് കേരളം ആ വീഡിയോ കണ്ടത്. കഴുത്തില് പ്ലാസ്റ്റിക് ചരടുകൊണ്ട് കെട്ടി റോഡിലൂടെ വലിച്ചിഴച്ച പെണ്നായ ഇനി മുതല് ‘ദയ’ എന്ന സംഘടനയുടെ സ്നേഹത്തണലില്.
ദയയുടെ പ്രവര്ത്തകര് അവള്ക്ക് അബാക്കയെന്ന് പേരും നല്കി. ആദ്യ വനിതാ സ്വാതന്ത്ര്യസമര പോരാളിയാണ് അബാക്കയെന്ന് ദയയുടെ പ്രവര്ത്തകര് പറയുന്നു. ദയ വൈസ് പ്രസിഡന്റ് ടി ജെ കൃഷ്ണന്റെ സംരക്ഷണയിലാണ് അബാക്ക ഇപ്പോഴുള്ളത്. ദയയുടെ ഇന്റലക്ച്വല് സെല്ലിലെ വിനീത മേനോനാണ് നായയ്ക്ക് ‘അബാക്ക’ എന്ന് പേരിട്ടത്. ശനിയാഴ്ച വിദഗ്ധ ചികിത്സയ്ക്കായി ‘ദയ’ പ്രവര്ത്തകര് തൃപ്പൂണിത്തുറ ആസാദ് ജങ്ഷനിലെ ഡോ. കിഷോര് ജനാര്ദനന്, ഡോ. സോണിയ സതീഷ് എന്നിവരുടെ അടുക്കലെത്തിച്ചു.
കാലിലും മുട്ടിലും മറ്റുമായി 15ലേറെ ഭാഗത്ത് പരിക്കുകളുണ്ട് അബാക്കയ്ക്ക്. അഞ്ചുദിവസം ആന്റിബയോട്ടിക് ഇന്ജക്ഷനും മുറിവ് ഉണങ്ങാനുള്ള ഡ്രസ് ചെയ്യലും നിര്ദേശിച്ചിട്ടുണ്ട്. ആന്തരിക പരിക്കുണ്ടോ എന്നറിയാന് സ്കാനും എക്സ്റെയും എടുത്തു. കാലുകളില് ചെറിയ പരിക്കുകളേയുള്ളൂ എങ്കിലും ആന്റിബയോട്ടിക് ചികിത്സ ആരംഭിക്കുകയാണെന്നും ഡോ. കിഷോര് പറഞ്ഞു. കഴിഞ്ഞ വെള്ളിയാഴ്ചയാണ് കാറിന് പിന്നില് നായയെ കെട്ടി റോഡിലൂടെ വലിച്ചിഴച്ചത്. പിന്നാലെ ബൈക്കില് വരികയായിരുന്ന മേയ്ക്കാട് കരിമ്ബാട്ടൂര് അഖില് ആണ് സംഭവം ആദ്യം കണ്ടത്.
അഖിലിന്റെ ഇടപെടലിനെ തുടര്ന്ന് കാര് ഡ്രൈവര് ചാലാക്ക കോന്നം വീട്ടില് യൂസഫ് (62) നായയെ അഴിച്ചുവിട്ടു. പ്രളയകാലത്ത് അഭയംതേടി വീട്ടിലെത്തിയ നായയെ ഉപേക്ഷിക്കാനാണ് യൂസഫ് അതിനെ കാറില് കെട്ടിവലിച്ചത്. യൂസഫിനെ വെള്ളിയാഴ്ച തന്നെ പൊലീസ് അറസ്റ്റ് ചെയ്തിരുന്നു. നായയെ കാറില് കെട്ടിവലിക്കുന്ന ദൃശ്യം സമൂഹ മാധ്യമങ്ങളില് പ്രചരിച്ചിരുന്നു. ഇതേ തുടര്ന്ന് എസ്പിയുടെ നിര്ദേശപ്രകാരം ചെങ്ങമനാട് പോലീസ് ഇയാള്ക്കെതിരെ സ്വമേധയാ കേസെടുത്തത്. മൃഗസംരക്ഷണ വകുപ്പും യൂസഫിനെതിരെ കേസെടുത്തിട്ടുണ്ട്.
അതേസമയം,സംഭവത്തില് കര്ശന നടപടിയുമായി മുന്നോട്ടു പോകുമെന്ന് റൂറല് ജില്ലാ പൊലീസ് മേധാവി കാര്ത്തിക് അറിയിച്ചു. ഇയാളുടെ കാര് പൊലീസ് കസ്റ്റഡിയിലെടുത്തു. വാഹനത്തിന്റെ പെര്മിറ്റും ഡ്രൈവറുടെ ലൈസന്സും റദ്ദാക്കാന് പൊലീസ് ആര്ടിഒയ്ക്ക് റിപ്പോര്ട്ട് നല്കി. സംഭവത്തെക്കുറിച്ച് വിശദമായ അന്വേഷണത്തിന് എസ്പി നിര്ദേശം നല്കിയിട്ടുണ്ട്.
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
This website uses cookies.