ശബരിമലയില്‍ ഇക്കുറിയും ഭക്തർക്ക് പ്രവേശനം ഉണ്ടാവില്ല

ഓണനാളുകളിലെ പൂജകൾക്കായി ശബരിമല ശ്രീ ധർമ്മശാസ്താ ക്ഷേത്രതിരുനട നാളെ വൈകിട്ട് 5 മണിക്ക് തുറക്കും.ക്ഷേത്രതന്ത്രി കണ്ഠരര് രാജീവരരുടെ മുഖ്യകാർമ്മികത്വത്തിൽ ക്ഷേത്ര മേൽശാന്തി എ.കെ.സുധീർ നമ്പൂതിരി ക്ഷേത്രനട തുറന്ന് ദീപങ്ങൾ തെളിക്കും.

30 ന് ഉത്രാടപൂജ.31 ന് തിരുവോണനാൾ പൂജ, സെപ്റ്റംബർ 1ന് അവിട്ടം, സെപ്റ്റംബർ 2 ന് ചതയം എന്നിങ്ങനെ പൂജകൾ നടക്കും.2 ന് രാത്രി 7.30 ന് ഹരിവരാസനം പാടി നട അടയ്ക്കും.കന്നിമാസ പൂജകൾക്കായി ശബരിമല നട തുറക്കുന്നത് സെപ്റ്റംബർ 16ന് വൈകുന്നേരമാണ്.17 മുതൽ 21 വരെ നട തുറന്നിരിക്കും.